Yɩɩn-sõamyã sebre

Yɩɩlã taoor soab yĩnga. Segd n yɩɩla ne yʋʋm-teed sẽn tar rissi. A Davɩɩd yɩɩlle.

61 Mam Wẽnnaam, wʋm-y mam sẽn kelemd n kot sõngrã.

Kelg-y mam pʋʋsgã.+

2 Mam sũurã sã n wa sãam wʋsgo,*+

mam na n paa dũniyã tɛk n kelem n bool yãmba.

Tall-y maam n dʋ pĩig zãntlem sẽn yɩɩd maam zugu.+

3 Bala yãmb yaa mam soondg zĩiga,

gasg sẽn tar pãng sẽn kogend maam ne bɛyã.+

4 Mam na n siga sãand yãmb fu-roogẽ wã wakat fãa yĩnga.+

Mam na n soonda yãmb pɩgsã tẽngre.+ (Sela)

5 Bala mam Wẽnnaam, yãmb wʋma m pʋlemsã.

Yãmb kõo maam sẽn zoet-b yãmb yʋʋrã+ sẽn segd n paam rogem-pʋɩɩr ningã.

6 Yãmb na n paasa rĩmã vɩɩmã* ray sõore,+

t’a yʋʋmã kaoos zãmaan woo zãmaana.

7 Yẽ na n zĩnda naam geer zug Wẽnnaam taoor wakat fãa yĩnga.+

Bɩ yãmb nonglmã* ne y kɩs-sɩdã kogl-a.+

8 Dẽ, mam na n yɩɩl n pẽga yãmb yʋʋrã wakat fãa yĩnga,+

la m pidsd m pʋlemsã beoog sẽn vẽeg fãa.+