WIISG SEBRE
א [Aleph]*
1 Kayto! Tẽng ning sẽn da pid ne nebã+ lebga vɩʋʋg masã!
Tẽng ning neb sẽn da yaa wʋsg buud toɛy-toɛyã sʋkã+ lebga wa pʋg-kõore!
B modga tẽng ning sẽn da yaa na-bi-poak soolem toɛy-toɛyã sʋkã, t’a tʋmd tʋʋm-wɛgla!+
ב [Beth]
2 A yãbda wʋsg yʋngo,+ t’a yɛgã pit ne nintãm.
Neb nins a sẽn nongã baa a ye ka be n na n bels-a ye.+
A tũud-n-taasã fãa zãmb-a lame.+ B lebga a bɛɛba.
ג [Gimel]
3 Zida nebã kẽnga yembdo,+ tɩ b namsd-b la b modgd-b tɩ b tʋmd tʋʋm-kɛgemse.+
B segd n zĩnda bu-zẽmsã sʋka.+ B pa paamd vʋʋsg zĩig ye.
B namsdbã fãa tõog-b-la b toogã pʋgẽ.
ד [Daleth]
4 Siyõ soayã maanda sũ-sãanga, bala ned baa a ye pa wat tigrã ye.+
A rignoyã fãa sãamame.+ A maan-kʋʋdbã wẽeda siri.
A pʋg-sadb nins sẽn pa mi raoã maanda sũ-sãanga. A bee yɩɩr wʋsg pʋgẽ.
ה [He]
5 A zabd-n-taasã lebga a zu-soben-dãmb* masã. A bɛɛbã zĩi bãane.+
Bala a Zeova kɩtame t’a paam sũ-sãanga, a beegrã sẽn yaa wʋsgã yĩnga.+
A zabd-n-taagã talla a kambã n loog yembdo.+
ו [Waw]
6 Siyõ bi-puglã neermã fãa saame.+
A nanambsã yaa wa wals sẽn pa paam wãbneg zĩiga.
B yaame, n kẽnd ned ning sẽn digd-bã taoore.
ז [Zayin]
7 Zerizalɛm sẽn wa n namsdẽ la a pa tar doogã, a tẽega
bõn-sõma nins fãa a sẽn da tar hal daar zãrã yelle.+
A nebã sẽn wa n lʋɩ a zabd-n-taagã nugẽ t’a pa tar sõangdã,+
ח [Heth]
8 Zerizalɛm maana yel-wẽn wʋsgo.+
Rẽ n so t’a lebg bõn-dẽgdo.
Neb nins fãa sẽn da waoogd-a wã maand-a-la wa bũmb b sẽn kisi, b sẽn yã a yãndã yĩnga.+
A wõosdame,+ la a solgd a neng yãndã yĩnga.
ט [Teth]
9 A rẽgdã mada a futã.
A pa tagsd a beoog-daarã yell baa bilf ye.+
A lʋɩɩsã yɩɩ kãsenga. A pa tar ned baa a ye sẽn na n bels-a ye.
Zeova, ges-y mam namsgã, bala bɛ wã wukda a menga.+
י [Yod]
10 A bɛ wã wʋka a paoongã fãa.+
A yãa bu-zẽms neb sẽn kẽ a wẽnd-doogẽ wã,+
rat n yeel tɩ neb nins yãmb sẽn yeel tɩ b pa segd n kẽ yãmb nin-buiidã sʋkã.
כ [Kaph]
11 A nebã fãa wẽeda siri. B gẽesda rɩɩbo.*+
B rɩka b bõn-sõma wã n kõ sẽn na yɩl n paam rɩɩb n dɩ n da wa ki ye.
Zeova, ges-y-yã! Mam lebga wa pag sẽn ka võore.*
ל [Lamed]
12 Yãmb a neb nins fãa sẽn loogd sorã zugã, pa maand yãmb baa fʋɩ la?
Ges-y-yã!
Toog beeme n zem toog ning mam sẽn paamã sɩda?
Rat n yeel tɩ toog ning a Zeova sẽn kɩt tɩ wa mam zug a sũ-pu-kãsengã daarã.+
מ [Mem]
13 A paa yĩngr n tʋm bugum mam kõabã pʋsẽ.+ A soo m kõabã fãa.
A rɩgla bẽdg mam naoã yĩnga. A modga maam tɩ m tar n leb poorẽ.
A kɩtame tɩ mam lebg pag b sẽn base.
Daarã tõre, mam bẽedame.
נ [Nun]
14 A sẽba mam beegr toor-toorã wa yubl-balgdga. A sẽb-b lame n naag taaba.
B pid-b-la mam yublã. Mam pãngã saame.
A Zeova ninga maam neb nins mam sẽn pa tõe wã nusẽ.+
ס [Samekh]
15 A Zeova loba pãens rãmb nins fãa sẽn da be mam pʋgẽ wã kɛɛnga.+
A boola neb n tigim tɩ b zab ne maam, n sãam mam kom-bɩɩsã.+
A Zeova taba Zida pa-kuilã vẽ wẽkr bokẽ.+
ע [Ayin]
16 Mam yãbda bõn-kãensã yĩnga.+ Mam ninã raagda nintãm.
Bala ned ning fãa sẽn da tõe n bels maam wall a keng m* daoodã zãra ne maam.
B raaga mam kom-dibli wã n base, bala bɛ wã pãng n yɩɩge.
פ [Pe]
17 Siyõ tẽega a nusi,+ la a pa tar ned sẽn na n bels-a ye.
A Zeova kõo a Zakoob zabd-n-taasã fãa sẽn gũbg-a wã noor tɩ b zab ne-a.+
Zerizalɛm lebga bõn-dẽgd b nifẽ.+
צ [Tsade]
18 A Zeova yaa tɩrga,+ bala yaa yẽ noyã la mam kɩɩs-yã.+
Yãmb a buud toɛy-toɛyã fãa, kelg-y-yã. Ges-y mam toogã.
B talla mam pʋg-sadb nins sẽn pa mi raoã ne m kom-bɩɩsã n kẽng yembdo.+
ק [Qoph]
19 Mam boola mam sẽn nong b rãmbã, la b zãmba maam.+
Mam maan-kʋʋdbã ne m kãsem-dãmbã kii tẽngã pʋgẽ,
b sẽn wa n gẽesd rɩɩb sẽn na yɩl n dɩ n da ki wã.+
ר [Resh]
20 Zeova, ges-y-yã! Bala mam bee toog wʋsg pʋgẽ.
Mam pʋgã* gudgdame.
Mam sũurã lebga m pʋgẽ, bala mam da tolg n lebga tõata.+
Yɩnga sʋʋgã kʋʋda mam kambã.+ Roogã pʋg me, neb n kiidi.
ש [Shin]
21 Nebã wʋma mam sirã. Ned kae n na n bels maam ye.
Mam bɛɛbã fãa wʋma mam yel-beedã kibare.
B sũyã noomame, sẽn yaa yãmb n kɩt tɩ yel-beedã wa wã yĩnga.+
La yãmb na n kɩtame tɩ daar ning yãmb sẽn moonã ta,+ daar ning b sẽn na n lebg wa maamã.+
ת [Taw]
22 Bɩ b wẽnemã fãa lebg vẽeneg yãmb taoore. Bɩ y sɩbg-b ne toolem,+
wa yãmb sẽn sɩbg maam ne toolem, mam beegrã fãa yĩngã.
Bala mam wẽeda sir wʋsgo. Mam sũurã bẽedame.
א [Aleph]
2 Ad a Zeova sɩd luda Siyõ bi-puglã ne a sũ-puugrã sawadgã!
A loba Israyɛll neermã t’a yi saasẽ n lʋɩ tẽngã zugu.+
A pa tẽeg a nao-roagendgã yell+ a sũ-puugrã daar ye.
ב [Beth]
2 A Zeova sãama a Zakoob yagensã rot fãa n pa zoe b nimbãaneg ye.
A sũ-puugrã pʋgẽ, a tusa Zida bi-puglã zĩis nins sẽn gũbgã n lubi.+
A luba rĩungã+ ne a nanambsã+ n sãam-ba.
ג [Gimel]
3 A sũ-pu-kãsengã pʋgẽ, a kɛɛ Israyɛll yɩɩlã* fãa n lubi.
Bɛ wã sẽn wa n kolgã, a fooga a rɩtg nugã.+
A kell n wida a Zakoob soolmã pʋgẽ, wa bugum sẽn dɩt bũmb nins fãa sẽn gũbg-a wã.+
ד [Daleth]
4 A yãaga* a tãpã wa bɛya. A rɩtg nugã zẽka wa zabd-n-taaga.+
A ra kʋʋda neb nins fãa gesg sẽn be yamleoogã.+
A pʋdga a sũ-puugrã wa bugum+ Siyõ bi-puglã fu-roogã pʋgẽ.+
ה [He]
5 A Zeova lebga wa bɛya.+
A sãama Israyɛlle.
A sãama a gasdã fãa.
A sãama a zĩis nins fãa sẽn gũbgã.
A kɩtdame tɩ sũ-sãang la wiisg yaa wʋsg Zida bi-puglã soolmẽ.
ו [Waw]
6 A tusa a zãndã n lub+ wa zẽed zĩigẽ sẽoko.
A Zeova kɩtame tɩ b yĩm tigr la vʋʋsg daar yell Siyõ.
A sũ-pu-kãsengã pʋgẽ, a pa zoet rĩm la maan-kʋʋd nimbãaneg ye.+
ז [Zayin]
7 A Zeova raaga a tẽn-kugrã n base.+
A basa a roogã.
A rɩka Siyõ gasd nins sẽn tar pãngã lals n ning bɛ wã nugẽ.+
Koees n zẽkd a Zeova roogẽ wã+ wa tigr daare.
ח [Heth]
8 A Zeova yãka yam n na n sãam Siyõ bi-puglã lalgã.+
A tẽega wĩ-makdgã.+
A pa yõk a nug n pa sãam* ye.
A kɩtdame tɩ bũmb ning a sẽn maan n kogend tẽngã sũur sãame, la a kɩt me tɩ lalgã sũur sãame.
B kɩtame tɩ b fãa pa le tar pãng ye.
ט [Teth]
9 Siyõ rignoyã suda tẽnga.+
A sãama a sogdsã la a wã-ba.
A rĩmã ne a nanambsã bee buud toɛy-toɛyã sʋka.+
Tõog* ka le be ye. Baa a no-rɛɛsdbã pa le paamd vẽnegr sẽn yit a Zeova nengẽ ye.+
י [Yod]
10 Siyõ bi-puglã kãsem-dãmb zĩi tẽng sɩɩ.+
B sẽga boto, la b yugd b zutã tom.+
Zerizalɛm pʋg-sadb nins sẽn pa mi raoã zut sura tẽnga.
כ [Kaph]
11 Mam ninã raaga nintãm n ya.+
Mam pʋgã* gudgdame.
Mam sãoorã yiime n lʋɩ tẽnga, mam nin-buiidã lʋɩɩs yĩnga,+
la kom-bɛdã ne kom-bõonegã sẽn sobd tẽngã zãma wã zĩisẽ wã yĩnga.+
ל [Lamed]
12 B sẽn wa n sobd tẽngã zãma wã zĩisẽ wa ned sẽn pogle,
מ [Mem]
13 Foom a Zerizalɛm bi-pugla, bõe la mam na n tik tɩ yɩ kaseto,
wall bõe la m na n dɩk foo n make?
Foom a Siyõ bi-pugl sẽn pa mi raoa, mam na n dɩka foo n mak ne bõe, sẽn na yɩl n bels-fo?
Bala fo sãoongã yaa kãseng wa mogrã.+ Ãnda n tõe n tɩp foo?+
נ [Nun]
14 Vẽnegr ning fo no-rɛɛsdbã sẽn yã n togs foomã yaa ziri la zaalem.+
B pa vẽneg fo kongrã n togse, sẽn na yɩl tɩ f ra kẽng yembd ye.+
B ra togsda foo vẽnegr sẽn yaa ziri, la goam sẽn tudgdi.+
ס [Samekh]
15 Neb nins fãa sẽn tũud sorã wẽeda nug-pogs n paoogd foo.+
Lingd-b lame tɩ b yaand*+ Zerizalɛm bi-puglã, la b gird b zut n sokdẽ:
“Pa tẽn-kãngã la b sẽn da yet t’a ‘neermã zemsa zãnga, la t’a yaa dũniyã fãa sũ-noogã’ sɩda?”+
פ [Pe]
16 Fo bɛɛbã fãa yaaga b noy fo zugu.
B fɩɩndame la b wãbd b yẽn n yetẽ yaa: “Tõnd sãam-a lame.+
Yaa ra-kãngã la tõnd sẽn da gũudã!+ A taame, tɩ tõnd yã-a!”+
ע [Ayin]
17 A Zeova maana a sẽn da magd n na n maanã.+ A pidsa a gomdã,+
rat n yeel tɩ bũmb ning a sẽn da yeel hal daar zãrã.+
A tusa foo n lub n pa zoe f nimbãaneg ye.+
A basame tɩ fo bɛ wã kɩdem sũ-noog fo yĩnga. A paasa fo zabd-n-taasã pãnga.*
צ [Tsade]
18 Foom a Siyõ bi-puglã lalga, nin-buiidã sũur kelemd n boonda a Zeova.
Bɩ nintãm zoet wĩndg la yʋng wa kʋɩlg koom.
Ra kõ f meng vʋʋsem baa bilf ye. Ra kõ f ninã* vʋʋsem ye.
ק [Qoph]
19 Yiki! Yãb yʋngã tõre.
Zuk f sũurã wa koom a Zeova taoore.
ר [Resh]
20 Zeova, ges-y yãmb sẽn sɩbg a soab ne toolem wʋsgã.
Zemsame tɩ pagb wãbd kom-peels b sẽn doge, b mens kamb sẽn tar laafɩ sɩda?+
Zemsame tɩ b kʋ maan-kʋʋdb la no-rɛɛsdb a Zeova roogẽ wã sɩda?+
ש [Shin]
21 Kom-bõoneg la nin-kẽemb kiime n gãe soayã zutu.+
B kʋʋ mam pʋg-sadb nins sẽn pa mi raoã ne mam kom-bɩɩsã ne sʋʋse.+
Yãmb sũ-puugrã daare, yãmb kʋʋme la y kood n pa zoe nimbãaneg ye.+
ת [Taw]
22 Yãmb boola rabeem t’a yi zĩig fãa n wa, wa a sẽn wat tigr daar yĩnga.+
A Zeova sũ-puugrã daare, ned baa a ye pa tõog n zoe n loog wall a põs ye.+
א [Aleph]
3 Yaa maam la ned ning sẽn paam namsg a sũ-puugrã dasaar yĩngã.
2 A riga maam n yiisi, la a kɩt tɩ m kẽnd lik pʋgẽ lakae, pa vẽenem pʋgẽ ye.+
3 Sɩd me, daarã tõre, a zẽkda a nug n zabd ne maam n yɩlemdẽ.+
ב [Beth]
4 A kɩtame tɩ mam yĩn-nemsã ne m gãongã faage.
A kaoo mam kõabã.
5 A gũbga maam. A gũbga maam ne zẽnem sẽn yaa toog liga,+ la ne namsgo.
6 A modga maam tɩ m zĩnd lik zĩisẽ wa neb nins sẽn ki hal daar zãrã.
ג [Gimel]
7 A mee lalg n gũbg maam tɩ m pa tõe n zoe n loog ye.
A sẽba maam ne zũud bãens sẽn yaa zɩsgo.+
8 Mam sã n zẽk m koɛɛg n kot sõngr ne m sũur fãa, a pa reegd mam pʋʋsgã ye.*+
9 A gɩdga mam so-bugsã ne kug b sẽn peese.
A sãama mam soayã.+
ד [Daleth]
10 A wũgame n gũud maam wa urse,* wa gɩgemd sẽn solge.+
11 A modga maam tɩ m yi so-bugsã zutu, la a ta maam n tõse.
A kɩtame tɩ m lebg m yembre.+
12 A yãaga* a tãpã la a kɩt tɩ mam lebg bũmb ning a sẽn na n tãoã.
ה [He]
13 A tãoo mam yiimã ne a lokã pɛɛmã.*
14 Mam lebga bũmb buud toɛy-toɛyã fãa neb sẽn laade. Daarã tõre, b yɩɩnd n yaanda maam.
15 A kɩtame tɩ mam pid ne bũmb toor-toor sẽn yaa toog liga, la a kɩt tɩ m tɩg absẽnte.*+
ו [Waw]
17 Yãmb monga maam* laafɩ. Mam yĩma sõma sẽn yaa a soaba.
18 Rẽ n so tɩ mam yeele: “Mam ziirã saame. Mam pa le gũud baa fʋɩ a Zeova nengẽ ye.”
ז [Zayin]
19 Tẽeg-y mam namsgã la m sẽn pa le tar doogã yelle,+ absẽntã* ne zẽnem sẽn yaa toog liga wã yelle.+
20 Sãmbg sẽn kae, yãmb* na n tẽegame, n sulg n ges maam.+
21 Mam tẽega rẽ yelle. Yaa rẽ yĩng la mam sẽn na n maag m yĩng n gũ wã.+
ח [Heth]
23 A palemda yibeoog fãa.+ Yãmb kɩs-sɩdã yaa wʋsgo.+
24 Mam yeelame yaa:* “A Zeova yaa mam pʋɩɩre.+ Yaa rẽ yĩng la mam sẽn na n maag m yĩng n gũ-a wã.”+
ט [Teth]
25 A Zeova yaa sõma ned ning sẽn tẽed-a wã yĩnga,+ rat n yeel tɩ ned* ning sẽn baood-a n pa basdẽ wã.+
26 Yaa sõma tɩ f sĩnd n gũ*+ a Zeova fãagrã.+
27 Yaa sõma tɩ ned tʋk zɩɩb sẽn yaa zɩsg a yãadem wakate.+
י [Yod]
28 Wẽnnaam sã n wa tʋkd-a zɩɩbã bɩ a zĩnd a yembre, la a sĩndi.+
29 Bɩ a ning a noorã tomẽ wã.+ Tõe tɩ saagr ket n beeme.+
30 Bɩ a wẽnemd a yɛgdgã n tees ned ning sẽn pãbd-a wã. Bɩ a paam tʋy tɩ sek-a.
כ [Kaph]
31 Bala a Zeova pa na n daag tõnd n bas wakat fãa yĩng ye.+
32 Baa a sẽn kɩt tɩ sũ-sãang wa wã, a na n zoee tõnd nimbãaneg me wa sẽn zems a maan-neerã sẽn yaa wʋsgã.+
33 Bala kɩt tɩ ninsaalbã kamb paam namsg wall sũ-sãang pa noom-a ye.+
ל [Lamed]
34 Ned sã n tab dũniyã neb nins sẽn be bãens roogẽ wã,+
35 ned sã n mong a to bʋʋm Sẽn ka-a to wã taoore,+
36 ned sã n zãmb a to bʋʋd zĩigẽ,
a Zeova pa sakd bũmb a woto ye.
מ [Mem]
37 Ãnda n tõe n togs bũmb la a kɩt tɩ pidsi, tɩ sã n pa a Zeova n yeele?
38 Bõn-wẽns la bõn-sõma pa naagd taab
n yi Sẽn ka-a to wã noorẽ ye.
39 Nin-vɩɩg segd n yẽgma a yel-wẽnd biis poorẽ sɩda?+
נ [Nun]
40 Bɩ d maag d yĩng n tags d manesmã zugu.+ Bɩ d lebg n leb a Zeova nengẽ.+
41 Bɩ d zẽk d sũyã n naag d nusã n tees Wẽnnaam sẽn be saasẽ wã n yeele:+
42 “Tõnd beega yãmb la d tõdg yãmba,+ tɩ yãmb pa kõ tõnd sugr ye.+
ס [Samekh]
43 Yãmb sũurã puugame tɩ y gɩdg tõnd tɩ d pa tõe n kolg yãmb ye.+
Yãmb diga tõnd n kʋ n pa zoe d nimbãaneg ye.+
44 Yãmb gɩdga y sorã ne sawadgo, sẽn na yɩl tɩ d pʋʋsgã ra pasg n ta yãmb ye.+
45 Yãmb kɩtame tɩ tõnd lebg rẽgd la sagd buud toɛy-toɛyã sʋka.”
פ [Pe]
46 Tõnd bɛɛbã fãa yaaga b noy n gomd tõnd wẽnga.+
47 Wakat fãa, lebga rabeem la yel-beed n paamd tõndo,+ n paas sãoong la sabab-wẽnse.+
48 Mam nin-buiidã sãoongã yĩnga, mam nintãmã zoeta wʋsg wa kʋɩlg koom.+
ע [Ayin]
49 Mam yãbdame n pa basdẽ ye. Mam yãbdame n pa sĩndedẽ,+
50 hal t’a Zeova wa pa saasẽ n sulg n gese.+
51 Mam sã n ges bũmb ning sẽn paam mam tẽngã kom-pugli wã, mam* namsda wʋsgo.+
צ [Tsade]
52 Mam bɛɛbã riga maam wa liuul n yõk zaalem bala.
53 B sãama mam vɩɩmã bokã pʋgẽ. B kell n loba maam kuga.
54 Koom n lim mam zugã, tɩ mam yeel yaa: “M kiime!”
ק [Qoph]
55 Zeova, mam paa bokã zĩ-zulumsẽ wã n bool yãmb yʋʋrã.+
56 Kelg-y mam koɛɛgã. Ra yẽd-y y tʋbr n pa kelg mam sẽn kelemd n kot sõngrã, mam sẽn kot yolsgã ye.
57 Daar ning mam sẽn bool yãmbã, yãmb kolga maam. Yãmb yeelame: “Ra zoe rabeem ye.”
ר [Resh]
58 Zeova, yãmb sõnga maam tɩ m paam bʋʋm. Yãmb fãaga mam vɩɩmã.+
59 Zeova, yãmb yãa wẽng ning b sẽn maan maamã. M bõos tɩ y kao m bʋʋd tɩrga.+
60 Yãmb yãa b sũ-dokrã fãa, magb nins fãa b sẽn magd n na n maan maam wẽngã.
ש [Sin] wall [Shin]
61 Zeova, yãmb wʋma b tʋyã, magb nins fãa b sẽn magd n na n maan maam wẽngã,+
62 rat n yeel tɩ mam bɛɛbã no-goamã, la b sẽn walemd taab n gomd mam yell wẽng daarã tõrã.
63 Ges-y-ba. B zĩime tɩ b yasame me, b yɩɩndame n yaand maam!
ת [Taw]
64 Zeova, yãmb na n keo-b-la wa sẽn zems b tʋʋmã.
65 Yãmb na n kɩtame tɩ b sũyã riglmi. B kãab-wẽngã na n yɩɩ woto.
66 Yãmb a Zeova na n dig-b-la y sũ-puugrã pʋgẽ, n menes-b zãng y saasã tẽngre.
א [Aleph]
4 Ad sãnem ning sẽn da pɩndã sɩd sobgame, rat n yeel tɩ sãnem halaalã!+
Kug-sõamyã+ wã sãeegame n dɩg sotiisã fãa zutu!+
ב [Beth]
2 Sã n yaa ne Siyõ kom-dibli wã b sẽn da nande, b sẽn da makd ne sãnem halaalã,*
b ges-b-la wa tãnd rʋgdo,
rat n yeel tɩ yagd nug tʋʋmde!
ג [Gimel]
3 Baa we-baasã meng kõta b kambã bĩisa,
la mam nin-buiidã lebga nin-toose,+ wa naneoondã sẽn be we-raoogẽ wã.+
ד [Daleth]
4 Kamb nins sẽn ket n yẽsemdẽ wã zɩlma tabenda b ragsendakã ko-yũudã yĩnga.
Kambã kota rɩɩbo,*+ la ned pa kõt-b bũmb ye.+
ה [He]
5 Neb nins sẽn da minim n dɩt rɩ-noodã gãee soayã zut+ ne kom.
Neb nins sẽn sɩng n yer fu-moaam hal b yãadmẽ wã+ gãee tompɛglem dʋy zutu.
ו [Waw]
6 Mam nin-buiidã sɩbgr* yaa kãseng n yɩɩd sɩbgr ning Sodom sẽn paam a yel-wẽndã yĩnga,+
b sẽn sãam-a zĩig pʋgẽ, tɩ ned pa zĩnd n sõng-a wã.+
ז [Zayin]
7 A Nazireyẽ-rãmbã*+ ra yaa yɩlem n yɩɩd sa-lamdo, la pɛɛl n yɩɩd bĩisim.
B ra yaa miid n yɩɩd koray-rãmba.* B ra pɩnda wa safɩɩr kugri.
ח [Heth]
8 B lebga sabl n yɩɩd bug-vũundu.*
Nebã pa le mi-b soayã zut ye.
B gãongã kʋɩɩ b kõabã zutu.+ A lebga wa ra-koɛɛnga.
ט [Teth]
9 Neb nins b sẽn kʋ ne sʋʋsã sãoo neb nins komã sẽn kʋ wã,+
rat n yeel tɩ neb nins sẽn faag b sẽn pa paam pʋtã rɩɩb n dɩ wã yĩnga, tɩ yaa wa b kõs-b-la ne sʋʋsã.
י [Yod]
10 Pagb nins sẽn yaa nimbãan-zoɛtbã rʋga b mens kamba.+
B kambã lebga b kʋʋr dɩɩbo, mam nin-buiidã sãoongã sasa.+
כ [Kaph]
11 A Zeova wilga a sũ-puugrã.
A pʋdga a sũ-pu-kãsengã.+
A widga bugum Siyõ pʋgẽ, t’a rɩt a yẽbgrã.+
ל [Lamed]
12 Tẽngã rĩm-dãmbã ne neb nins fãa sẽn be tẽn-gãongã zugã ra pa tẽed
tɩ zabd-n-taagã la bɛ wã na n tũu Zerizalɛm rignoyã n kẽ ye.+
מ [Mem]
13 Yɩɩ woto, a no-rɛɛsdbã yel-wẽnã ne a maan-kʋʋdbã kongrã yĩnga,+
b sẽn daag nin-tɩrs zɩɩm a pʋgẽ wã.+
נ [Nun]
14 B ra yeebda soayã zut wa zoense.+
Zɩɩm n dẽgm-ba,+
hal tɩ ned baa a ye pa tõe n sɩɩs b futã ye.
ס [Samekh]
15 Nebã zẽkda b koees n yet-b yaa: “Loog-y-yã! Y yaa rẽgdo! Loog-y-yã! Loog-y-yã! Ra sɩɩs-y tõnd ye!”
Bala b lebga neb sẽn pa tar doto, n saad n yeebdẽ.
Neb n yeel buud toɛy-toɛyã sʋk yaa: “B pa tõe n pa ka ne tõnd ye.*+
פ [Pe]
Nebã pa na n waoog maan-kʋʋdbã,+ wall b maan kãsem-dãmbã lohorem ye.”+
ע [Ayin]
17 Hal baa masã, tõnd ninã gẽega sõngr n ya.+
Tõnd gũume n saagdẽ tɩ buud sẽn da pa tõe n fãag tõnd wa sõng-do.+
צ [Tsade]
18 D sã n da maan na-yakdem fãa b rigda tõndo,+ hal tɩ d pa tõe n kẽn d zãma wã zĩisẽ ye.
Tõnd saabã kolgame. Tõnd rayã saame, bala tõnd saabã taame.
ק [Qoph]
19 Sẽn da rigd-b tõndã tʋʋlame n yɩɩd sɩlsã sẽn yɩgd yĩngrã.+
B riga tõnd tãensã zutu. B ra wũga we-raoogẽ wã n gũud tõndo.
ר [Resh]
20 B yõka tõnd yõ-bogdã vʋʋsmã b bog-yalengã pʋgẽ,+ rat n yeel t’a Zeova sẽn yãk* a soabã,+
ned ning wɛɛngẽ tõnd sẽn yeele: “Yaa yẽ maasmẽ la tõnd na n vɩɩmd buud toɛy-toɛyã sʋka.”
ש [Sin]
21 Foom a Edom bi-pugla,+ maan sũ-noog la f kɩdme, n vɩ wa f sẽn vɩ to-to Uuz soolmẽ wã.
La b na n kõo fo-me wũmblã.+ Fo na n yũume tɩ f nengã yilmi, tɩ f yees f futã n lebg a zaala.+
ת [Taw]
22 Foom a Siyõ bi-pugla, fo kongrã sɩbgr taa a tɛka.
A pa na n le tall foo n kẽng yembd ye.+
La foom a Edom bi-pugla, a na n tẽega fo kongrã yelle.
A na n vẽnega fo yel-wẽnã.+
5 Zeova, tẽeg-y bũmb ning sẽn paam tõndã yelle.
Ges-y b sẽn paoog tõnd to-to wã.+
2 B rɩka tõnd rogem-pʋɩɩrã n kõ sãamba. B rɩka d rotã n kõ sãamba.+
3 Tõnd lebga kɩɩbs n pa tar ba ye. Tõnd ma-rãmbã yaa wa pʋg-kõapa.+
4 Tõnd segd n daa d mensã koom n yũ.+ B koosda tõnd mensã raad ne tõndo.
5 Sẽn digd-b tõndã paama tõnd la bala.
Tõnd yaame, la b pa bas tõnd tɩ d vʋʋs ye.+
6 Tõnd tẽega d nus n tees Ezɩpt+ la Asiiri+ sẽn na yɩl n paam dɩɩb* n dɩ tɩ seke.
7 Tõnd yaab-rãmbã sẽn maan yel-wẽnã pa le be ye. La tõnd segd n tʋka b kongr toor-toorã.
8 Masã, yaa tʋm-tʋmdb n so tõndo. Ned ka be n na n fãag tõnd b nusẽ ye.
9 Tõnd gẽnegda d yõy* n yit n baood rɩɩbo,*+ bala neb n be we-raoogẽ wã n zãad zab-teedo.
10 Komã toolem yĩnga, tõnd yĩn-gãongã wɩnga wa wʋnga.+
11 B ninga Siyõ pagbã yãnde.* B ninga Zida tẽnsã pʋg-sadb nins sẽn pa mi raoã yãnde.+
12 B sẽba nanambsã ned kam fãa nug-yɛnga, n yagl tɩ b ra luundẽ.+ B pa waoog kãsem-dãmbã ye.+
13 Kom-bɩɩsã zɩta neer kugri, tɩ kambã tʋk raad n kẽnd n lagsdẽ.
14 Kãsem-dãmbã pa le be tẽngã rignoorẽ ye.+ Kom-bɩɩsã pa le wẽed b yʋʋm-teedã ye.+
15 Sũ-noog pa le be tõnd sũyẽ wã ye. Tõnd saoogã lebga sũ-sãanga.+
16 Maanfã yii tõnd zugẽ wã n lʋɩ. Toog bee tõnd zutu, tõnd sẽn maan yel-wẽnã yĩnga!
17 Woto yĩnga, tõnd sũyã bẽedame.+
Bõn-kãens yĩng me, tõnd ninã pãng boogame,+
18 Siyõ tãngã sẽn lebg raboogã yĩnga.+ Waas* n saad be masã.
19 Sã n yaa ne yãmb a Zeova, yãmb zĩi y geerã zug wakat fãa yĩnga.
Yãmb geerã paada zãmaan woo zãmaana.+
20 Bõe yĩng tɩ yãmb yĩm tõnd yell wakat fãa yĩnga? Bõe yĩng tɩ y raag tõnd n bas tɩ kaoos woto fãa?+
21 Zeova, kɩt-y tɩ d lebg n wa yãmb nengẽ, tɩ d na n lebg n waa yãmb nengẽ tao-tao.+
Kɩt-y tɩ bũmb fãa le yɩ wa pĩndã.+
22 La yãmb daaga tõnd n bas fasɩ.
Yãmb sũurã ket n puuda wʋsg ne tõndo.+
Sak a 1-4 yaa sũ-sãang yɩɩla. Pipi vɛrse wã sɩnga ne Ebre wã pipi gʋls-bilã. Yiib-n-soab vɛrse wã sɩnga ne gʋls-bil a yiib-n-soabã. Talla woto n tãag yaoolem soabã.
Ebre, “zug.”
Bɩ, “kɩdme.”
Ebre, “buri.”
Yaa Zerizalɛm la b sẽn dɩk n mak ne pagã.
Bɩ, “m sɩɩgã.”
Ebre, “yãadã.”
Bɩ, “pãngã.”
Ebre, “taba.”
Bɩ, “sãame.”
Ebre, “vel.”
Bɩ, “Zãmsg.”
Ebre, “yãadã.”
Bɩ, “sɩɩsã.”
Ebre, “fɩɩnd.”
Ebre, “yɩɩlle.”
Ebre, “f ninã bi-puglã.”
Bɩ, “sɩɩs.”
Bɩ, “rog tɩ b tar laafɩ.”
Bɩ, “a gɩdgda mam pʋʋsgã.”
Yaa we-rũng sẽn tar nao a naas n yaa bedre, t’a noorã wõnd baag noore.
Ebre, “taba.”
Ebre, “kom-dibli.”
Absẽnt yaa tɩɩga, t’a sũmã yaa toog liga n le yaa zẽnem.
Bɩ, “mam sɩɩgã.”
Absẽnt yaa tɩɩga, t’a sũmã yaa toog liga n le yaa zẽnem.
Bɩ, “yãmb sɩɩgã.”
Bɩ, “Mam sɩɩgã yeelame yaa.”
Bɩ, “sɩɩg.”
Bɩ, “maag f yĩng n gũ.”
Bɩ, “mam sɩɩgã.”
Bɩ, “sẽn da tar yõod wa sãnem halaalã.”
Ebre, “buri.”
Ebre, “kongr.”
Ges-y gom-biis võor bilgrã zĩigẽ.
Ges-y gom-biis võor bilgrã zĩigẽ.
Ebre, “sablem.”
Bɩ, “zĩnd sãand ka ye.”
Ebre, “a Zeova nengã.”
Ebre, “zae.” Ges-y gom-biis võor bilgrã zĩigẽ.
Ebre, “bur.”
Bɩ, “sɩɩs.”
Ebre, “buri.”
Bɩ, “B yõga Siyõ pagbã.”
Yaa we-rũng sẽn wõnd baaga, la a bedrmã pa ta baag ye.