A OOZE SEBRE
1 A Zeova goma ne a Beeri biig a Ooze,* Zida+ rĩm-dãmb a Ozɩyase,+ a Zotam,+ a Akaaz+ la a Ezekɩyaas+ wakatẽ wã, ne a Zowaas+ biig a Zerobowam+ sẽn yaa Israyɛll rĩmã wakatẽ. 2 A Zeova sẽn wa n sɩng n na n tũnugd ne a Ooze n gomdã, a Zeova yeela a Ooze yaa: “Kẽng n tɩ kẽ kãadem ne pʋg-yoodre, n paam yoodem kamba. Bala soolmã neb yoome n bas a Zeova tũub fasɩ.”+
3 Dẽ, a tɩ kẽe kãadem ne a Diblayim bi-pugl a Gomeere, t’a rɩk pʋg n dog bi-ribl n kõ-a.
4 A Zeova yeel-a lame yaa: “Pʋd biigã yʋʋr t’a Zizreyɛlle,* bala ka la bilfu, mam na n soka a Zehu+ yagensã, b sẽn daag zɩɩm Zizreyɛllã yĩnga. Mam na n kɩtame tɩ Israyɛll buudã naam sa.+ 5 Baraare, mam na n kaooga Israyɛll tãpã Zizreyɛll longẽ wã.”*
6 Pagã le rɩka pʋg n dog bi-pugla. Wẽnnaam yeela a Ooze yaa: “Pʋd a yʋʋr t’a Lo-ruhama,* mam sẽn pa na n le zoe Israyɛll buudã nimbãanegã yĩnga,+ bala hakɩɩka, mam na n dig-b lame.+ 7 La mam na n zoee Zida buudã+ nimbãanega. Maam a Zeova sẽn yaa b Wẽnnaamã na n fãag-b lame,+ la pa na n yɩ ne tãpo, sʋʋga, zabre, wed-moos wall wed-rʋʋdb ye.”+
8 A sẽn sik a Lo-ruhama wã poore, a rɩka pʋg n dog bi-ribla. 9 Dẽ, Wẽnnaam yeelame: “Pʋd a yʋʋr t’a Lo-ami,* bala yãmb pa mam nin-buiidu, tɩ ma-me pa na n yɩ yãmb Wẽnnaam ye.
10 “Sẽn paase, Israyɛll buudã neb* sõor na n lebga wa mogrã bĩisr b sẽn pa tõe n mak wall b sõd n sa wã.+ La zĩig ning b sẽn da yeel-ba: ‘Yãmb pa mam nebã,’+ b na n bool-b lame tɩ ‘Wẽnnaam ning sẽn vɩ wã kom-dibli.’+ 11 Zida ne Israyɛll nebã na n tigma taab n lebg bũmb a ye.+ Bãmb na n yãka taoor soab a yembr n yi soolmã, bala Zizreyɛll+ daarã na n yɩɩ kãsenga.
2 “Yeel-y y saam-biisã yaa: ‘Yãmb a mam nin-buiidu!’*+
Yeel-y y tãopã yaa: ‘Yãmb a pagb b sẽn zoe b nimbãanega!’*+
2 Ning-y y ma wã taale. Ning-y-yã-a taale,
bala a pa mam pag ye.+ Ma-me pa a sɩd ye.
A segd n basa a yoobã,
la a ra le yo ye.*
3 Sã n pa rẽ, mam na n yeesa a futã n bas-a a zaala, t’a lebg wa a sẽn da yaa to-to a rogmã daarã.
Mam na n kɩtame t’a lebg wa we-raoogo,
n kɩt t’a lebg tẽn-koɛɛnga,
la m kɩt t’a ki ko-yũudu.
4 Sẽn paase, mam pa na n zoe a kambã nimbãaneg ye.
Bala b yaa yoodem kamba.
5 B ma wã yoome.+
Soab ning sẽn zã b pʋgã tʋma yãn-tʋʋma,+ bala a yeelame yaa:
‘Mam na n bʋʋga m rolsen-dãmbã,+
neb nins sẽn kõt maam m dɩɩbo,* m koom,
m rũms kõbd futu, m lẽ gĩs futu, m kaam la m divẽ wã.’*
6 Woto wã, mam na n gɩdga a sorã ne gõos yãgre.
Mam na n mee kug lalg n gɩdg-a
sẽn na yɩl t’a ra tõog n yã a soayã ye.
7 A na n zoe n pʋga a rolsen-dãmbã, la a pa na n paam-b ye.+
A na n gẽes-b lame, la a pa na n yã-b ye.
Dẽ, a na n yeelame yaa: ‘Mam na n lebg n leba m pipi sɩdã nengẽ,+
bala mam da yaa sõma wakat kãnga, n yɩɩd masã.’+
8 A pa bãng tɩ yaa maam n da kõt-a koodã,+ divẽ-paalgã la kaamã ye.
A pa bãng tɩ yaa maam n da kõt-a wanzuri wʋsgã,
la sãnemã nin-buiidã sẽn da tar n waoogd a Baallã ye.+
9 ‘Woto wã, mam na n lebg n tɩ reega m koodã a kẽebg wakate,
la m deeg m divẽ-paalgã a tigsg wakate.+
Mam na n deesa m rũms kõbd futã ne m lẽ gĩs futã a sẽn da segd n tall n lud a yãndã.
10 Mam na n yeesa a futã n bas-a a zaal a rolsen-dãmbã nifẽ.
Rao baa a ye pa na n fãag-a mam nugẽ ye.+
11 Mam na n kɩtame t’a sũ-noogã fãa sa.
Mam na n kɩtame t’a tigã,+ a ki-paalã, a vʋʋsg rayã la a tigã wakat fãa sa.
12 Mam na n sãama a viyn tɩɩsã la a kankamsã a sẽn gomd b yell n yetẽ:
“Bõn-kãensã yaa mam yaoodo, mam rolsen-dãmbã sẽn kõ maam.”
Mam na n kɩtame tɩ b lebg kãgre.
We-rũmsã sẽn be weoogẽ wã na n wãb-b lame.
13 Mam na n sok-a-la ray nins a sẽn maan maand n kõ Baal-dãmbã poorẽ,+
wakat ning a sẽn nags a meng ne nugbĩns la fan-teedo, n zoe n pʋg a rolsen-dãmbã,
n yaool n yĩm mam yellã.’+ Yaa a Zeova n yeele.
14 ‘Woto wã, mam na n gom n tõog-a lame.
Mam na n tall-a lame n kẽng we-raoogẽ wã.
Mam na n gomame t’a yamã le kẽ maam.
15 Mam na n lebs-a-la a viyn pʋtã wakat kãng tɛka.+
Mam na n kõ-a-la Akoor longã*+ tɩ yɩ saagr rignoore.
A na n leoka maam be wa a sẽn leok to-to a bi-bɩɩlem wakatã,
wa daar ning a sẽn yi Ezɩpt soolmẽ wã.’+
16 A Zeova yeelame yaa: ‘Baraare,
fo na n boola maam tɩ m Sɩda. Fo pa na n le bool maam tɩ m Soaal* ye.’
18 Mam nin-buiidã yĩnga, mam na n maana kaool baraar ne we-rũmsã sẽn be weoogẽ wã,+
ne bõn-yɩgdɩ wã sẽn yɩgd yĩngrã, la ne bõn-vuudsã sẽn vuud tẽngã.+
Mam na n kɩtame tɩ tãpo, sʋʋg la zabr da le zĩnd soolmã pʋgẽ,+
19 Mam na n kẽe kãadem ne foo wakat fãa yĩnga.
Mam na n pʋlma foo tɩ m na n maan-f-la sẽn yaa tɩrg la sẽn zemse,
n nong-f la m zoet f nimbãanega.+
20 Mam na n pʋlma foo tɩ m na n maana sɩd ne foo.
Sɩd-sɩda, fo na n bãnga a Zeova.’+
21 A Zeova yeelame yaa: ‘Baraare, mam na n leokame.
Mam na n leoka saasã,
tɩ saasã leok tẽngã.+
22 Tẽngã na n leoka koodã ne divẽ-paalgã la kaamã,
23 Mam na n bʋd-a-la wa bõn-buud tẽngã zug m mengã yĩnga.+
M na n kʋma b sẽn da pa zoe a soab nimbãanegã.*
M na n yeela neb nins sẽn pa mam nin-buiidã* yaa: “Yãmb yaa mam nin-buiidu,”+
tɩ bãmb yeel yaa: “Yãmb yaa tõnd Wẽnnaam.”’”+
3 Rẽ poore, a Zeova yeela maam yaa: “Kẽng yɛs tɩ f yamã kẽ pag ning rao a to sẽn nonge, la sẽn yoodã,+ wa a Zeova sẽn nong Israyɛll nin-buiidã+ tɩ b yaool n bas n baood wẽnnaam-dãmb a taab+ la b nong viyn biis b sẽn kʋɩɩs n gilã.”*
2 Dẽ, mam tɩ ra-a-la wanzuri ligd-koeems piig la a nu, la orz* homɛɛr* a ye la pʋɩ-sʋka. 3 Mam yeel-a lame yaa: “Fo na n kell n yɩɩ mam soolem rasem wʋsgo. Fo pa segd n yo ye. Fo pa segd n kẽ ne rao a to ye. Dẽ, ma-me manesem na n yɩɩ woto ne foo.”*
4 Bala Israyɛll nebã na n zĩnd n kaoosame* n pa paam rĩma,+ naaba, maoongo, bũmb b sẽn lugl n pʋʋsdẽ, maan-kʋʋr efood*+ la bõn-naands* ye.+ 5 Rẽ poore, Israyɛll nebã na n lebg n waame. B na n baoo b Wẽnnaam a Zeova+ la a Davɩɩd sẽn yaa b rĩmã.+ Beoog sẽn wate, b na n lebg n waa a Zeova nengẽ ne rigbu, a sõmblmã yĩnga.+
4 Yãmb a Israyɛll neba, kelg-y-yã a Zeova goamã.
Bala a Zeova na n kaoo soolmã neb bʋʋdo,+
sɩda, nonglem la Wẽnnaam bãngr sẽn pa be soolmã pʋgẽ wã yĩnga.+
3 Rẽ n so tɩ soolmã na n paam sũ-sãanga,+
tɩ ned ning fãa sẽn be a pʋgẽ wagl wʋsgo.
We-rũmsã sẽn be weoogẽ wã, bõn-yɩgdɩ wã sẽn yɩgd yĩngrã,
la baa zĩmã sẽn be mogrẽ wã na n kiime.
5 Yãmb na n laka wĩnto-sʋk n lʋɩ.
No-rɛɛsã me na n naaga yãmb n lak n lʋɩ wa yaa yʋngo.
Mam na n kɩtame tɩ yãmb ma wã sĩndi.*
6 Mam na n kɩtame tɩ mam nin-buiidã sĩndi,* bãngr sẽn kae wã yĩnga.
Yãmb sẽn zãgs bãngrã yĩnga,+
ma-me na n zãgsame tɩ y kõn le tʋm mam maan-kʋʋrã tʋʋm ye.
Yãmb sẽn yĩm y Wẽnnaamã tõogã* yĩnga,+
ma-me na n yĩma y kambã yelle.
7 B sõorã sẽn wa n tar paasgã, yel-wẽnã b sẽn maand n beegd maamã me ra tara paasgo.+
Mam na n kɩtame tɩ b ziirã toeem n lebg yãnde.*
8 B* rɩlgda b mens ne mam nin-buiidã yel-wẽnã.
B nonga nin-buiidã sẽn na n maand yel-wẽn wʋsgo.
9 Yaa bũmb ning sẽn na n paam nin-buiidã n na n paam maan-kʋʋdã me.
Mam na n sok-b-la b manesmã poorẽ,
la m kɩt tɩ b tʋʋmã biis wẽneg n wa b zutu.+
10 B na n dɩtame n pa tɩgd ye.+
12 Mam nin-buiidã sokda b bõn-naandsã sẽn maan ne raadã n dat n bãng b raabo.
B maanda b rasaarã* sẽn yet-b bũmb ninga.
Bala yoobã ratem kɩtdame tɩ b menemdẽ.
B sẽn yoodã, b zãgsame tɩ b kõn sak b Wẽnnaamã ye.
13 B maanda maand b tãensã zutu,+
la b yõogd b maandã kunkubã zut tɩ nusdẽ,
sɛnn tɩɩsã tẽngre, ɛstirags tɩɩsã la tɩ-bɛdã fãa tẽngre,+
b maasmã sẽn noomã yĩnga.
Yaa rẽ yĩng la yãmb kom-pugli wã sẽn yoode,
tɩ y bi-pagbã me yoodã.
14 Mam pa na n sok yãmb kom-pugli wã b yoobã poorẽ ye.
Mam pa na n sok y bi-pagbã me b yoobã poorẽ ye.
Bala rapã tallda pʋg-yoaadb n yit kɛɛnga,
la b naagd pʋg-yoaadb* n maand maando.
Nin-buiid a woto sẽn pa tar bãngrã+ na n sãamame.
16 Bala Israyɛll nebã lebga tõatb wa nag-tõtre.+
Rẽ yĩnga, a Zeova na n kɩɩm-b-la wa pe-ra-poll sẽn be rũms wãbneg zĩig sẽn pa gũbg* sɩda?
17 Efrayim nebã waoogda bõn-naandse.+
Bas-y-b sɩɩ!
B nanambsã* nonga yãnd tɩ loog noore.+
19 Sobgã na n pil-a-la* ne a pɩgsã.
B na n zoee b maandã yãnde.”
5 “Yãmb a maan-kʋʋdbã,+ kelg-y yãoã.
Yãmb a Israyɛll buudã neba, kelg-y neere.
Rĩmã zak rãmba, kelg-y-yã.
Bala yaa yãmb bʋʋd la b na n kao,
yãmb sẽn yaa bẽdg Mizpa yĩnga,
la gãmbr b sẽn tẽeg Taboor zugã yĩnga.+
3 Mam mii Efrayim,
tɩ Israyɛll me pa solg ne maam ye.
4 B manesmã pa sõngd-b sẽn na yɩl tɩ b lebg n wa b Wẽnnaamã nengẽ ye.
Bala yoob ratem n be b sʋka.+
B pa sak n deeg tɩ yaa maam a Zeova n yaa b Wẽnnaam ye.
5 Israyɛll wuk-m-mengã ning-a-la taale.+
Israyɛll ne Efrayim fãa lak n lʋɩɩ b kongrã pʋgẽ,
tɩ Zida me naag-b n lak n lʋɩ.+
6 B yii ne b rũm-bõonegã la b rũm-bɛdã n na n gẽes a Zeova,
la b pa tõog n yã-a ye.
A zãaga a meng ne-ba.+
7 B zãmba a Zeova,+
bala b roga bu-zẽms kamba.
B na n sãama bãmb ne b sẽn so wã* kiuug a ye pʋgẽ.*
8 Peeb-y baorg+ Gibeya, la y peeb tãntãoog Rama!+
Kaas-y zabr kaasg Bɛt-avɛnne!+ Yãmb a Bẽnzame neba, tõnd bee yãmb poorẽ!
9 Yãmb a Efrayim neba, sɩbgrã daare, yãmb na n lebga bũmb sẽn kẽesd rabeem.+
Mam kɩtame tɩ b bãng bũmb ning sẽn na n sɩd maan Israyɛll buud toor-toorã sʋka.
10 Zida nanambsã yaa wa neb sẽn sersd todse.+
Mam na n kiiga m sũ-puugrã b zut wa koom.
11 Efrayim nebã paama weoogre, la b sãoongã zemsame.
Bala b yãka yam n na n tũ b bɛɛbã.+
12 Rẽ n so tɩ mam da yaa wa mogd* Efrayim nebã yĩnga,
la wa bõn-põosg Zida buudã neb yĩnga.
13 Efrayim nebã sẽn yã b bãagã tɩ Zida nebã yã b nod-toaagã,
Efrayim nebã kẽnga Asiiri,+ n tʋm koe-taasdb rĩm-kãseng nengẽ.
La a pa tõog n sãoog yãmb ye.
A pa tõog n maag yãmb nod-toaagã ye.
14 Bala mam na n yɩɩ wa gɩgem-poll Efrayim yĩnga,
la wa gɩgemd sẽn tar pãng Zida buudã neb yĩnga.
15 Mam na n loogame n leb m zĩigẽ wã, hal n tãag b taalã biis sẽn na n wa b zutu.
B sã n wa be yel-pakr pʋgẽ, b na n baoo maam.”+
A wẽe tõndo, la a na n vila d noadã.
2 A na n le kõo tõnd pãng rasem a yiib poore.
Rasem a tãab-n-soabã daare, a na n kɩtame tɩ d yiki.
Tõnd na n vɩɩmda a taoore.
3 Tõnd na n bãnga a Zeova. Tõnd na n baoo ne d sũur fãa n bãng-a.
A waoongã yaa waazib wa zĩig yẽegre.
A na n waa tõnd nengẽ wa saag sẽn niid ne pãnga,
la wa yaoolem saag sẽn bʋkd tẽngã wʋsgo.”
4 “Efrayim neba, bõe la m segd n maan yãmba?
Zida neba, bõe la m segd n maan yãmba?
Bala yãmb nonglmã yaa wa yibeoog sawato,
la wa meenemã sẽn mesgd tao-tao wã.
Mam sẽn na n kao yãmb a nin-buiidã bʋʋd to-to wã na n yãga wa vẽenem.+
6 Bala sẽn noom maam yaa nonglem,* pa maoong ye.
Sẽn noom maam yaa Wẽnnaam bãngre, pa maand sẽn yõogd bugum ye.+
7 La bãmb kɩɩsa kaoolã+ wa nin-zaals bala.
B zãmba maam be.
9 Maan-kʋʋdbã sullã yaa wa fãadb sull sẽn solg n gũud neda.
B kʋʋda neb Sikɛm+ sorã zugu,
bala b tʋmda yãn-tʋʋma.
10 Mam yãa yel-beed Israyɛll nebã sʋka.
11 Sã n yaa ne yãmb a Zida neba, mam yãka kẽebg wakat yãmb yĩnga,
wakat mam sẽn na n kɩt tɩ m neb nins sẽn yaa yembsã lebg n wa.”+
7 “Wakat ning fãa mam sẽn mak n na n maag Israyɛll nebã,
Efrayim nebã kongrã me pukdame,+
tɩ Samari+ nebã wẽnem me puki.
2 La b pa tagsd b sũurẽ wã tɩ mam na n tẽega b wẽnemã fãa yell ye.+
Masã, b tʋʋmã karg n gũbg-b lame.
B tʋʋmã bee mam taoore.
3 B noogda rĩmã sũur ne b wẽnemã,
la b noogd nanambsã sũy ne b zãmbã.
4 B fãa yaa yoaadba,
n dɩt wa wʋng bur-wẽed sẽn yõgne,
n bas bugmã tusb a sẽn wat n nagd zomã, n tãag zomã sẽn na n wuki.
5 Tõnd rĩmã naam wakate, nanambsã lʋɩɩ bãaga.
B sũyã puuda wʋsg divẽ wã yĩnga.+
Rĩmã yõga zood ne nin-yaandbã.
6 Bala b kolgda ne sũy sẽn wit wa wʋnga.*
Yʋngã tõre, bur-wẽedã gõeeme.
Yibeoogo, wʋngã rɩta wa bug-witim.
7 B fãa wɩnga wa wʋnga,
n dɩt b taoor dãmbã.*
8 Efrayim kalma ne bu-zẽmsã.+
Efrayim yaa wa bur-gilg b sẽn bas n pa lebg ye.
9 Sãamb n sɛɛs a pãngã,+ la a pa mi rẽ ye.
A zoobdã pelgame, la a pa bãng ye.
10 Israyɛll nebã wuk-m-mengã ning-b-la taale,+
la b pa lebg n wa b Wẽnnaam a Zeova nengẽ,+
wall b bao-a baa ne bõn-kãensã fãa ye.
11 Efrayim yaa wa marwall sẽn pa tar minim, n pa tar yam ye.*+
Efrayim nebã kosa Ezɩpt sõngre.+ B kẽnga Asiiri.+
12 Zĩig ning fãa b sẽn na n kẽnge, mam na n tẽega m gãmbrã b zutu.
Mam na n kɩtame tɩ b lʋɩ wa bõn-yɩgdɩ wã sẽn yɩgd yĩngrã.
Mam na n kibl-b-la wa sẽn zems m sẽn keoog b buudã nebã.+
13 Toog bee b zutu, bala b zoeeme n bas maam!
Sãoong bee b zutu, bala b beega maam!
Mam da segl n saame n na n fãag-ba, la b yaga ziri mam wɛɛngẽ.+
14 B pa bool maam ne b sũy fãa n kos sõngre,+
baa b sẽn da wõosd b gãasã zut wakat fãa wã.
B ra bogda b yĩnsã, b koodã la b divẽ-paalgã yĩnga.
B tõdga maam.
15 Baa mam sẽn kibl-b la m paas b kamsã pãngã,
b kɩɩsda maam, n magd n na n maan wẽnga.
16 B toeema b manesmã, la b pa toeem tɩ b manesmã lebg sõma n yɩɩd ye.*
B ra yaa neb b sẽn pa tõe n teege, wa tãp sẽn yogse.+
Sʋʋg n na n kʋ b nanambsã, b kɩɩsg goamã yĩnga.
Bõn-kãng yĩnga, nebã na n yaand-b-la Ezɩpt soolmẽ wã.”+
8 “Peeb baorgo!+
2 B kelemd n boonda maam n yetẽ: ‘Tõnd Wẽnnaam, tõnd a Israyɛll nebã mii yãmba!’+
3 Israyɛll nebã zãgsa sẽn yaa neer maanego.+
Bɩ bɛɛb rig-ba.
4 B yãka rĩm-dãmba, la pa tũ ne mam daab ye.
B yãka nanambse, la mam pa sak-b ye.
5 Yãmb a Samari neba, mam zãgsa y nag-bilã.+
Mam sũurã puuda ne yãmba.+
Na n kaoosa wakat a wãn tɩ yãmb le lebg yɩlma?
6 Bala nag-bilã yita Israyɛll nebã nengẽ.
Yaa tʋʋm-mit n maan-a. Bõn-kãng pa Wẽnnaam ye.
B na n wãa Samari nag-bilã t’a lebg zõm-zõme.
Baa bũmb sã n wome, yaa sãamb n na n dɩ-a.+
8 B na n sãama Israyɛll buudã.+
Masã, Israyɛll buudã neb na n zĩnda bu-zẽmsã sʋka,+
wa laok b sẽn pa le rate.
9 Bala b kẽnga Asiiri+ wa we-bõang sẽn yaa a yembre.
Efrayim raa rolsen-dãmba.+
10 Baa b sẽn da rolsen-dãmb bu-zẽmsã sʋkã,
mam na n tigma bãmb masã.
B na n sɩnga namsgo,+ zɩɩb ning rĩmã ne nanambsã sẽn kɩt tɩ b tʋkã yĩnga.
11 Bala Efrayim nebã maana tẽn-kug wʋsg n paase,+ tɩ kɩt tɩ b maan yel-wẽna.
B tẽn-kugã lebga bũmb sẽn kɩtd tɩ b maand yel-wẽna.+
12 Mam gʋlsa tõod wʋsg n kõ-ba,
la b ges-b-la wa bõn-sãanga.+
13 B kʋʋda rũms n kõt maam a Zeova, la b wãbd nemdã.
La b maandã pa noom maam baa bilf ye.+
Masã, mam na n tẽega b kongrã yelle, n sɩbg-b b yel-wẽnã yĩnga.+
La mam na n kɩtame tɩ bugum yõk b tẽnsã,
n dɩ tẽng fãa gasdo.”+
9 “Israyɛll neba, ra kɩdm-y sũ-noog ye.+
Ra maan-y sũ-noog wa buud a taabã neb ye.
Bala yãmb yoome n zãag y mens ne y Wẽnnaamã.+
Yãmb nonga yoob yaood y sẽn deegd zɛɛg buud fãa pʋgẽ.+
2 Zɛɛgã ne vẽ wẽkr bokã pa na n dɩlg-b ye.
B pa na n paam divẽ-paalg ye.+
3 B pa na n kell n zĩnd a Zeova soolmẽ wã ye.+
Efrayim pʋd n na n leba Ezɩpti.
B na n dɩɩ bũmb sẽn yaa rẽgd Asiiri.+
Maan-kãens yaa wa kʋʋr dɩɩbo.*
Neb nins fãa sẽn dɩt-bã na n dẽgma b mense.
5 Bõe la yãmb na n maan tigsgã daare,*
a Zeova tigrã daare?
6 Bala na n yɩɩ tɩlɛ tɩ b zoe sãoongã yĩnga.+
Ezɩpt nebã na n tigm-b lame,+ tɩ Memfis nebã mum-ba.+
Gõos n na n dɩ b bõn-sõma nins sẽn maan ne wanzuri wã.
Gõos tuud n na n yi b fu-rotã pʋsẽ.
B no-rɛɛsã na n lebga yalma, tɩ rao ning sẽn paamd vẽnegrã lebg gãeenga.
Yãmb kongrã sẽn yaa wʋsgã yĩnga, b na n kisga yãmb wʋsgo.”
8 Efrayim gũudã+ ra bee ne mam Wẽnnaamã.+
La masã, a no-rɛɛsdbã+ manesmã fãa yaa wa liuun-bẽt bẽdse.
Kisg-taab n be a Wẽnnaamã roogẽ wã.
9 B sãama zãng wa Gibeya wakatẽ wã.+
Wẽnnaam na n tẽega b kongrã yelle, la a sɩbg-b b yel-wẽnã yĩnga.+
10 “Mam yãa Israyɛll t’a yaa wa viyn biis sẽn be we-raoogẽ.+
Mam yãa yãmb yaab-rãmbã tɩ b yaa wa kankang dẽenem biis pipi soaba.
La b kẽnga Pewoor Baallã nengẽ.+
B rɩka b mens n kõ wẽn-faoogã,+
n lebg bõn-yood wa bũmb ning b sẽn nongã.
11 Efrayim ziirã yɩka wa liuul n looge.
Pag pa le rogde, pag pa le tʋte, pag pa le rɩkd pʋg me ye.+
12 Baa b sã n wubd kamba,
mam na n kʋʋ b kambã hal tɩ ned baa a ye pa kell ye.+
Mam sã n wa loog n bas-ba, b na n paama toogo!+
13 B sela Efrayim rũms wãbneg zĩigẽ, t’a ra yaa wa Tɩɩr+ mam nifẽ.
Masã, Efrayim segd n yiisa a kambã tɩ b kʋ.”
14 Zeova, kõ-y bãmb bũmb ning y sẽn segd n kõ-bã.
Bɩ b pagbã pʋs sãamdẽ, tɩ b bĩisã me ra tall bĩisim ye.
15 “Yaa Gilgall+ la b ra maand b wẽnemã fãa, bala yaa be la mam wa n yik n kis-ba.
Mam na n dig-b lame n yiis m doogẽ wã, b tʋʋm-wẽnsã yĩnga.+
Mam pa na n le nong-b ye.+
B nanambsã fãa sũy riglmame.
16 B na n kʋʋ Efrayim nebã.+
B yẽgrã na n kʋɩɩme, tɩ b pa wom biis ye.
Baa b sã n doge, mam na n kʋʋ b kambã b sẽn nong wʋsgã.”
17 Mam Wẽnnaamã na n daag-b lame n base,
bala b pa kelg-a ye.+
B na n lebga neb sẽn lamsd bu-zẽmsã sʋka.+
10 “Israyɛll lebga viyn tɩɩg sẽn sãame,* n womd a biisi.+
A biisã sõor sã n paasdẽ, a paasda a tẽn-kugã me sõore.+
A soolmã sã n womd sõma, a paasda a kug nins b sẽn lugl n pʋʋsdẽ wã me neerem.+
2 Israyɛll nebã yaa pʋ-lik rãmba.
Masã, b na n ning-b-la taale.
Ned n na n wã b tẽn-kugã, la a sãam b kug nins b sẽn lugl n pʋʋsdẽ wã.
3 B na n yeelame yaa: ‘Tõnd pa tar rĩm ye.+ Bala tõnd pa zoe a Zeova ye.
Bõe la rĩm tõe n maan n kõ tõndo?’
4 B gomda gom-vɩɩdo, n wẽend zirẽ-be-wẽenego,+ la b maand kaool toor-toore.
Yaa rẽ n so tɩ bʋʋd b sẽn kaood kɛg piuugd wa nadens sẽn tar zẽnem n be pʋʋg b sẽn ko pʋgẽ.+
5 Samari nebã na n maana rabeem Bɛt-avɛn bõn-naandgã sẽn yaa nag-bilã poorẽ.+
Nebã na n yãba a kʋʋre.
Wẽn-sãangã maan-kʋʋdb sẽn da maand sũ-noog a yĩng la a ziirã yĩngã me na n yãba a kʋʋre,
bala a na n looga yembd n bas-ba.
6 B na n tall-a lame n kẽng Asiiri n tɩ kõ rĩm-kãsenga.+
B na n ninga Efrayim yãnde.
Israyɛll na n paama yãnde, saglg ning a sẽn tũ wã yĩnga.+
8 B na n sãama+ Bɛt-avɛn+ zĩ-zãntsã sẽn yaa Israyɛll yel-wẽndã+ zãnga.
Gõos buud toor-toor n na n yi b tẽn-kugã zutu.+
Nebã na n yeela tãensã yaa: ‘Lud-y tõndo!’
La b yeel kunkubã yaa: ‘Lʋɩ-y tõnd zutu!’+
9 Israyɛll neba, yãmb sɩng n maanda yel-wẽn hal Gibeya wakatã tɛka.+
Be, b pa toeem ye.
Zabrã pa sãam* nin-wẽnsã zãng Gibeya ye.
10 Mam na n kibl-b-la wakat ning m sẽn date.
B na n tigma buud toɛy-toɛy neb n zab ne-ba,
b sã n wa balg-b ne b kongr a yiibã.*
11 Efrayim ra yaa nag-sadg b sẽn nom t’a nong kood pãbre.
Rẽ n so tɩ mam pa ning a yub-neerã yubl-balgdg ye.
Masã, mam na n kɩtame tɩ ned zomb Efrayim.*+
A Zida na n taka wãka. A Zakoob na n taka saremdgã n kõ-a.
12 Bʋd-y bõn-buud y mens yĩng ne tɩrlem, n kẽeb nonglem.
Ko-y tẽng sẽn sakd koobo,+
wakat ning y sẽn ket n tõe n bao a Zeova,+
hal t’a wa zãms yãmb ne tɩrlem.+
13 La yãmb koo wẽnem.
Yãmb kẽeba tʋʋm-kɛga,+
la y rɩ zãmb biisi.
Bala yãmb teega y mense.
Yãmb teega y zabr gãndaadã sẽn yaa wʋsgã.
14 Neb n na n maan zabr dãamd n wa zab ne yãmb nebã.
B na n sãama yãmb tẽns nins sẽn gũbg lalsã fãa,+
wa a Salman sẽn sãam Bɛt-arbɛllã,
zabr ning b sẽn naag ma-rãmbã ne b kambã n bedsã sasa wã.
15 Foom a Betɛlle,+ yaa woto la b na n maan foo, fo wẽnemã sẽn yaa wʋsgã yĩnga.
Hakɩɩka, b na n sãama Israyɛll rĩmã* zĩ-yẽegr wakate.”+
3 La yaa maam n zãms Efrayim nebã kẽna,+ n da rɩkd-b m nusẽ.+
B pa sak n deeg tɩ yaa maam n sãoog-b ye.
4 Mam da tat-b-la wakat fãa ne ninsaalb wĩyã,* ne nonglem wĩyã.+
Mam da zẽkda b yubl-balgdgã n yiisd b yubliẽ wã,
la m kõt b ned kam fãa rɩɩb ne bʋgsem.
5 B pa na n lebg n leb Ezɩpt soolmẽ wã ye. La yaa Asiiri n na n yɩ b rĩma,+
bala bãmb zãgsame tɩ b kõn lebg n wa mam nengẽ ye.+
7 Mam nebã yãka yam n pa rat n maan sɩd ne maam ye.+
B boond-b-la yĩngri,* la ned baa a ye pa rat n yik ye.
8 Efrayim, mam na n yɩɩ wãn n daag foom n base?+
Israyɛlle, mam na n yɩɩ wãn n ning foo f bɛɛbã nusẽ?
Mam na n yɩɩ wãn n maan foo wa Adma?
Mam na n yɩɩ wãn n kɩt tɩ fo lebg wa Zeboyimmi?+
Mam toeema yam.
Wakat kãnga, fo nimbãaneg yõka maam wʋsgo.+
9 Mam pa na n kiig m sũ-pu-kãsengã ye.
Mam pa na n le sãam Efrayim ye.+
Bala mam yaa Wẽnnaam, mam pa ninsaal ye.
Mam yaa Sõng soabã n be ne foo.
Mam pa na n wa ne sũ-puugr n sɩbg foo ye.
10 Bãmb na n kẽn n pʋga a Zeova, t’a kelem wa gɩgemde.+
A sã n wa kelme, a kambã* na n yii nin-taoor n digd n watẽ.+
11 B sã n wa yit Ezɩpti, b na n digda wa liuula.
B sã n wa yit Asiiri soolmã, b na n digda wa marwalle.+
Mam na n zĩnig-b-la b rotẽ wã.” Yaa a Zeova n yeele.+
12 “Efrayim gũbga maam ne zirẽ-beedo.
Israyɛll buudã neb gũbga maam ne zãmbo.+
12 “Efrayim nebã rɩlgda b mens ne sobgo.
B zoet n pʋgda yaang sobgã daarã tõre.
B paasda b zirẽ-beedã la b nen-kɛglmã.
B maanda kaool ne Asiiri,+ la b talld kaam n kẽnd Ezɩpti.+
2 A Zeova na n kaoo Zida bʋʋdo.+
A na n soka a Zakoob a manesmã sẽn yɩ to-to wã yĩnga,
la a keo-a wa sẽn zems a tʋʋm-tʋmdɩ wã.+
4 A maoo ne malɛk hal n wa tõoge.
A yãbame n kos tɩ b ning-a barka.”+
Wẽnnaam yãa-a-la Betɛlle, n gom ne tõnd be.+
5 Yẽ yaa Wẽnnaam a Zeova sẽn yaa tãb-biis naabã.+
Nebã segd n tẽegdame t’a yʋʋr la a Zeova.+
6 “Woto wã, lebg-y n wa-y y Wẽnnaamã nengẽ.+
Kell-y n tall-y nonglem, la y maand sẽn yaa tɩrga.+
Teeg-y y Wẽnnaamã wakat fãa.
Tõnd tʋʋm-toogã fãa pʋsẽ, b pa na n yã bũmb sẽn yaa wẽng wall yel-wẽnd ye.’
9 Mam yaa yãmb Wẽnnaam a Zeova, hal sẽn sɩng Ezɩpt soolmẽ wã.+
Mam na n le kɩtame tɩ y zĩnd fu-rot pʋsẽ,
wa sẽn da yaa to-to wakat nins mam sẽn yãkã.*
10 Mam goma ne no-rɛɛsdbã.+
Mam kɩtame tɩ b paam vẽnegr wʋsgo.
Mam tũnuga ne no-rɛɛsdbã n wẽ yel-bũna.
11 Zãmb*+ la ziri ra bee Galaade.
12 A Zakoob zoe n kẽnga Aram*+ soolmẽ wã.*
A Israyɛll+ tʋma be sẽn na yɩl n paam paga.+
A gũu piis sẽn na yɩl n paam paga.+
14 Efrayim beega wʋsgo.+
A zɩɩmã taal bee a meng zugu.
A Zu-soabã na n keo-a-la a sẽn paoog yẽ wã yĩnga.”+
13 “Efrayim sã n da gome, nebã rigdame.
A ra yaa kãseng Israyɛlle.+
La a paama taal a Baal+ wɛɛngẽ n ki.
2 Efrayim nebã paasda b yel-wẽnã sõore.
B rɩkda b wanzuri wã n dõogd bõn-naandse.+
B maanda bõn-naands ne bãngre. Bõn-naandsã fãa yaa tʋʋm-mitb tʋʋma.
B yeta bãmb wɛɛngẽ yaa: ‘Bɩ neb nins sẽn kõt maandã mok nag-bi wã.’+
3 Rẽ n kɩt tɩ b na n lebg wa yibeoog sawato,
wa meenem sẽn mesgd pĩndã,
wa wudg sob-kãseng sẽn zẽkd zɛɛgẽ,
la wa bug-zõos sẽn yit roog zug võorẽ wã.
4 La mam yaa yãmb Wẽnnaam a Zeova, hal sẽn sɩng Ezɩpt soolmẽ wã.+
Yãmb da pa mi Wẽnnaam a to tɩ sã n pa maam ye.
Fãagd me kae n zʋʋg maam ye.+
5 M bãnga yãmb we-raoogẽ wã,+ warã soolmẽ wã.
6 B sũy ra nooma ne b rũms wãbneg zĩisã.+
B rɩɩme n tɩge, n lebg wuk-m-mens rãmba.
Woto, b yĩma mam yelle.+
7 Mam na n lebga wa gɩgem-poll b yĩnga,+
la wa ãbg sẽn wũg sor noor n gũudẽ.
8 Mam na n kẽ-b-la wa urs* kamb sẽn menem n bas-a,
n wedg b yãoogã.
Mam na n wãb-b-la be wa gɩgemde.
We-rũng sẽn be weoogẽ n na n tɛ-b n tõse.
9 Yãmb a Israyɛll neba, a na n sãama yãmba.
Bala yãmb zãgsa maam. Yãmb zãgsa y sõangdã.
10 Woto wã, yãmb rĩmã bɛɛ n na n fãag yãmb y galʋ-tẽnsã fãa pʋsẽ?+
Yãmb taoor dãmbã* yãmb sẽn yete:
‘Yãk-y rĩm la nanambs n kõ-dã’ bee yɛ?+
12 B pila* Efrayim kongrã.
B bĩnga a yel-wẽnã.
13 Rogem toog n na n paam-a,
la a yaa biig sẽn pa tar yam.
Rogmã wakat sã n ta, a pa yit ye.
Kũum, fo zẽnemã bee yɛ?+
Yaoogo, fo sãoongã tõog bee yɛ?+
B na n solga nimbãan-zoeer sẽn na yɩl tɩ mam da le yã-a ye.
15 Baa a sã n tob sõma tãnwĩisã sʋka,
yaang sobg n na n wa. Yaa a Zeova sobgo.
A na n yii we-rasempʋɩɩgẽ wã n wa kʋɩɩs a bulgã, la a ko-bundg zĩigã.
Ned n na n zɛ a laogã bĩngr zĩigẽ bõn-sõma wã fãa.+
16 Samari nebã na n paama taale,+ bala b kɩɩsa b Wẽnnaamã.+
14 “Yãmb a Israyɛll neba, lebg-y n wa-y y Wẽnnaam a Zeova nengẽ,+
bala yaa yãmb kongrã n kɩt tɩ y lak n lʋɩ.
2 Lebg-y n wa-y a Zeova nengẽ n yeel-a yaa:
‘Kõ-y tõnd sugr d kongrã yĩnga,+ la y reeg d bõn-sõma wã.
Dẽ, tõnd no-bɩmsã na n pẽga yãmba,+ tɩ yɩ wa d sẽn kõt lol-poala.*
3 Asiiri pa na n fãag tõnd ye.+
Tõnd pa na n zomb wed-moos ye.+
Tõnd pa na n le bool d nusã tʋʋm me tɩ “d Wẽnnaam” ye.
Bala yaa yãmb maasem yĩng la kɩɩbs* paamd tɩ b zoet b nimbãanega.’+
4 Mam na n sãoog-b lame tɩ b ra le yɩ neb sẽn pa maand sɩd ye.+
5 Mam na n lebga wa meenem Israyɛll yĩnga.
A na n ninga puud wa rulg-lelemde,
la a tão a yẽgã wa Libã tɩɩsã.
6 A wil-poalã na n yɛdgame,
t’a neermã yɩ wa oliiv tɩɩga,
t’a yũugã me yɩ wa Libã yũugã.
7 Mam nebã na n le zĩnda mam maasmẽ wã.
B na n woma biis la b tob wa viyn tɩɩga.+
Mam yʋʋrã na n yii wa Libã divẽ wã yʋʋr sẽn yi wã.
8 Efrayim na n yeelame yaa: ‘Mam na n le maana bõe ne bõn-naandse?’+
La mam na n leok-a lame, la m ges a yelle.+
Mam na n lebga wa zenevirie tɩɩg sẽn tar pãnga.
Maam n na n kɩt t’a wom biisi.”
9 Ãnda n tar yam? Bɩ a wʋm bõn-kãensã võore.
Ãnda n tar bãngre? Bɩ a bãng bõn-kãensã.
Yaa Osaya bool-koɛɛga, sẽn dat n yeel t’a “Zah n fãage, a Zah fãagame.”
Rat n yeel tɩ “Wẽnnaam na n bʋda bõn-buudu.”
Bɩ, “tẽn-nabrẽ wã.”
Rat n yeel tɩ “b pa zoe a nimbãaneg ye.”
Rat n yeel tɩ “pa mam nin-buiid ye.”
Ebre, “kom-dibli.”
Ges-y Ooze 1:9 vẽnegrã.
Ges-y Ooze 1:9 vẽnegrã.
Ebre, “la a yiis a yoobã a bĩisã sʋka.”
Ebre, “buri.”
Ebre, “bõn-yũudlã.”
Bɩ, “tẽn-nabrã.”
Bɩ, “m Baal.”
Bɩ, “bas tɩ b zĩnd.”
Rat n yeel tɩ “Wẽnnaam na n bʋda bõn-buudu.”
Ges-y Ooze 1:6 vẽnegrã.
Ges-y Ooze 1:9 vẽnegrã.
Rat n yeel tɩ b sẽn tar b rãmb n waoogd wẽn-faadã.
Orz yaa kood sẽn wõnd bɩle.
Homɛɛr zemsa litr 220. Ges-y vẽnegr ning sẽn yaa B14.
Bɩ, “ma-me pa na n kẽ ne foo ye.”
Ebre, “zĩnda rasem wʋsg.”
Ges-y gom-biis võor bilgrã zĩigẽ.
Ebre, “terafim-dãmb.” Bɩ, “zak neb wẽnnaam-dãmb.”
Bɩ, “na n sãama y ma wã.”
Bɩ, “sãame.”
Bɩ, “zãmsgã.”
Pa rẽ bɩ, “B rɩka mam ziirã n tek ne yãnde.”
Rat n yeel tɩ maan-kʋʋdbã.
Bɩ, “B na n yooda wʋsgo. B na n koosda b mense.”
Bɩ, “bag-bʋgd rasaarã.”
Ebre, “wẽnd-doog pʋg-yoaadb.”
Ebre, “zĩ-yalengẽ.”
Bɩ, “bɩle rãamã.”
Bɩ, “b yooda wʋsgo. B koosda b mense.”
Ebre, “gãndã.”
Bɩ, “n kãag-a lame n looge.” Yaa Efrayim yell la b sẽn gomdã.
Ebre, “Sẽn lʋɩt-bã.”
Bɩ, “mam na n kibl.”
Bɩ, “yoome. koosa y mense.”
Bɩ, “b pʋtã.”
Ebre, “Kiuug n na n dɩ bãmb ne b pʋɩyã.”
Ebre wã gom-bilã bilgda bõn-yɩgdg sẽn dɩt futu.
Ebre, “nengã.”
Bɩ, “nimbãan-zoeere.”
Pa rẽ bɩ, “Bala b sã n wa kolgd ne b sɩlmã, b sũyã yaa wa wʋnga.”
Ebre, “bʋ-kaoodbã.”
Ebre, “n pa tar sũur ye.”
Rat n yeel tɩ b pa toeem n na n tũ tũudum hakɩɩkã sẽn ka to wã ye.
Ebre, “roogã.”
Bɩ, “sẽn yas.”
Pa rẽ bɩ, “B na n leba.”
Ebre, “Maandã.”
Ebre, “buri.”
Ebre, “burã.”
Bɩ, “b mens sɩɩsã rẽnda.”
Bɩ, “yãmb tigrã y sẽn yãk daar n maandẽ wã daare.”
Pa rẽ bɩ, “sẽn yɛdgde.”
Ebre, “b na n kɩtame tɩ Samari ne a rĩmã sĩndi.”
Ebre, “paam.”
Rat n yeel tɩ b sã n wa pid b sɩbgrã wa yubl-balgdga.
Bɩ, “pid Efrayim yubl-balgdga.”
Ebre, “b na n kɩtame tɩ Israyɛll rĩmã sĩnd.”
Rat n yeel tɩ no-rɛɛsdbã, la neb a taab b sẽn tʋm tɩ b tɩ zãms Israyɛll nebã.
Bɩ, “sõmblem wĩyã,” wa roagd wĩya.
Rat n yeel tɩ b boond-b lame tɩ b tũ tũudum hakɩɩkã sẽn ka to wã.
Rat n yeel tɩ Wẽnnaam kambã.
Bɩ, “kẽnda ne.”
Bɩ, “toandbã.”
Pa rẽ bɩ, “tigr wakatã.”
Bɩ, “Zĩn-dãmb yɛl.”
Bɩ, “Siiri.”
Ebre, “weoogẽ wã.”
Yaa we-rũng sẽn tar nao a naas n yaa bedre, t’a noorã wõnd baag noore.
Ebre, “bʋ-kaoodbã.”
Bɩ, “bĩnga.”
Ges-y gom-biis võor bilgrã zĩigẽ.
Ebre, “Dẽ, tõnd me na n kõo d no-bɩmsã lol-poala.”
Ebre, “kamb sẽn pa tar ba-rãmb.”