Biiblã wilgdame tɩ vɩɩmã na n yɩɩ wãn beoog-daare?

“Nin-tɩrsã na n sooga tẽngã. B na n vɩɩmda a zug wakat sẽn kõn sa.”

Yɩɩn-sõamyã 37:29

“Tẽngã paada wakat sẽn kõn sa.”

Koɛɛg soaba 1:4

“A na n sãama kũum wakat fãa yĩnga, Zu-soab sẽn ka to a Zeova na n yẽesa nensã fãa nintãmã.”

Ezayi 25:8

“Wakat kãnga, zoens nin na n pukame, la wʋms tʋb na n yoosame. Wakat kãnga, põor na n yɩk n tĩimsa wa walga, la muk zɩlemd na n lakame n kaas ne sũ-noogo. Bala koom na n pusga we-raoogẽ wã, la kʋɩls koom na n zoee we-rasempʋɩɩgã sẽn yaa tẽn-nabrẽ wã.”

Ezayi 35:5, 6

“Wẽnnaam na n yẽesa nintãm fãa ninsaalbã ninẽ, la kũum pa na n le zĩndi, sũ-sãanga, yãbr wall toog pa na n le zĩnd ye. Bũmb nins sẽn da be pĩndã loogame.”

Vẽnegre 21:4

“Bãmb na n mee rot n zĩnd b pʋsẽ, la b na n sela viyn tɩɩs n dɩ b biisi. B pa na n me tɩ ned a to kẽ n zĩndi, wall b sel tɩɩg tɩ ned a to rɩ a biis ye. Bala mam nebã rasem na n kaoosa wa tɩɩg rasma, la mam sẽn yãk b rãmbã na n dɩɩ b nus-tʋʋmã yõod tɩ pidi.”

Ezayi 65:21, 22