Koɛɛg roagdbã yĩnga

Bõe n yaa tɩlae ne y kambã? Bũmb wʋsgo, wala nonglem, sor-wilgr la koglgo. La sẽn tar yõod n yɩɩdã yaa y sẽn na n sõng-b tɩ b bãng a Zeova sõma, la b bãng Biiblã sẽn yetã. (Zã 17:3) Rẽ na n sõnga y kambã tɩ b nong a Zeova la b sak-a ne b sũy fãa, baa b sã n ket n paoodame.—Matɩe 21:16.

Roagdb wʋsg yeelame tɩ kambã sã n ket n paoodẽ, b sã n zãms-b bũmb sẽn pa toogo, b sakd n tũume. Yaa rẽ n so tɩ d sũur noom wʋsgo, d sẽn yiis seb-kãngã gom-zug sẽn yaa Biiblã kõta maam yam. Zãmsg fãa na n sõnga biigã nana-nana t’a bãng bũmb sẽn tar yõod wʋsgo. Yimaaz rãmbã la goamã sẽn be sebrã pʋgẽ wã yaa kamb nins sẽn zems yʋʋm a tã bɩ sẽn pa ta rẽ wã yĩnga. Zãmsg fãa pʋgẽ, b wilga bũmb yãmb ne y biigã sẽn tõe n naag taab n maane. Biiblã kõta maam yam sebrã pa reem-teoog ye. B yiis-a lame sẽn na yɩl tɩ yãmb ne y kambã naag taab n karme, tɩ rẽ sõng-y tɩ y tõog n sõsd ne taaba.

D kɩsa sɩd tɩ seb-kãngã na n sõng-y lame tɩ y zãms y kambã b “yãadem wakate,” tɩ b bãng Biiblã sẽn yet bũmb ningã.—2 Tɩmote 3:14, 15.

Y saam-biisi,

A Zeova Kaset rãmbã Siglgã taoor lʋɩtb Sulli

[Foto, seb-neng a 3]