Tõog-toogo
A Zeova nin-buiidã segd n tõoga toog bɩ?
Bõe yĩng tɩ d segd n ning d yamẽ tɩ neb kẽer n pa na n kelg koɛɛgã d sẽn moondã, pa rẽ bɩ n nams-d rẽ yĩnga?
Mat. 10:22; Zã 15:18, 19; 2 Kor. 6:4, 5
Biiblã kibay sẽn tõe n sõng-yã:
2 Pɩy. 2:5; Sɩng. 7:23; Mat. 24:37-39: Baa ne a Nowe sẽn da yaa “tɩrlem koe-moondã,” neb wʋsg pa kelg-a ye. Yẽ ne a zakã rãmb bal n põs sa-kãsengã sasa.
2 Tɩm. 3:10-14: Tẽn-tʋmd a Poll sagla a Tɩmote t’a tõog toog wa yẽ.
Bõe yĩng tɩ d zakã neb sã n namsd-d d tũudmã yĩng bɩ pa segd n ling-du?
Mat. 10:22, 36-38; Luk 21:16-19
Biiblã kibay sẽn tõe n sõng-yã:
Sɩng. 4:3-11; 1 Zã 3:11, 12: A Kayẽ sẽn da yaa nin-wẽngã yĩnga, a kʋʋ a yao a Abɛll sẽn da yaa nin-tɩrgã.
Sɩng. 37:5-8, 18-28: A Zozɛf sẽn togs a ba-biisã zãmsd a Zeova sẽn kɩt t’a zãmsã yĩnga, b yõk-a lame n lob bulg pʋgẽ, la b wa yiis-a n koose.
B sã n wa namsd tõnd d tũudmã yĩnga, bõe yĩng tɩ d pa segd n yɛɛsd b na n wa kʋ-do?
Ges-y Vẽn. 2:10.
Biiblã kibay sẽn tõe n sõng-yã:
Dãn. 3:1-6, 13-18: A Sadrak ne a Mesak la a Abɛɛdnego saka kũum n yɩɩd b sẽn na n waoog bõn-naandga.
Tʋʋ. 5:27-29, 33, 40-42: Tẽn-tʋmdbã kell n wɩnga ne koɛɛgã moonego, baa ne b sẽn yeel tɩ b na n kʋ-b lame wã.
Bõe n tõe n sõng-d tɩ d kell n maan sɩd ne a Zeova baa b sã n kibl-du?
Biiblã kibay sẽn tõe n sõng-yã:
Sõd. 20:9-12; Tõo. 3:23-28; 31:7, 8: Baa no-rɛɛs a Moyiiz sũur sẽn sãam a Zeova sẽn kibl-a wã yĩngã, a kell n maana sɩd ne-a n taag a kũum.
2 Rĩm. 20:12-18; 2 Kib 32:24-26: Rĩm a Ezekɩyaas maana yel-wẽn tɩ b kibl-a, la a sika a meng n kell n maan sɩd ne a Zeova.
Neb a taab sã n bas a Zeova tũubu, bõe yĩng tɩ tõe n yɩ toog tɩ d kell n maan sɩd ne-a?
Biiblã kibay sẽn tõe n sõng-yã:
Yɩɩn. 73:2-24: Yɩɩn-gʋlsdã sẽn yã tɩ nin-wẽnsã zĩi bãan tɩ b vɩɩmã noomẽ wã, a soka a meng n ges sã n tara yõod t’a kell n tõog toogo.
Zã 6:60-62, 66-68: Baa neb wʋsg sẽn zoe n bas a Zeezi wã, tẽn-tʋmd a Pɩyɛɛr sẽn da tar tẽebã yĩnga, a kell n tũu a Zeezi.
Bõe n tõe n sõng-d tɩ d tõog toogo?
Yaa d sẽn na n kolg a Zeova
Yaa d sẽn na n karemd Wẽnnaam Gomdã la d bʋgsd a zugu
Yaa d sẽn na n pʋʋsd a Zeova wakat fãa n togsd-a sẽn be d sũurẽ
Rom. 12:12; Kolo. 4:2; 1 Pɩy. 4:7
Biiblã kibay sẽn tõe n sõng-yã:
Dãn. 6:4-11: No-rɛɛs a Dãniyɛll kell n pʋʋsa a Zeova wakat fãa, baa sẽn da tõe n tũ ne a yõorã.
Mat. 26:36-46; Ebre. 5:7: A Zeezi yõkrã daar yʋngo, a pʋʋsa ne a sũur fãa la a sagl neb a taabã tɩ b maan woto.
Yaa d sẽn na n naagd d tẽed-n-taasã n waoogd Wẽnnaam
Yaa d sẽn na n tagsd keoor ning a Zeova sẽn pʋlem t’a na n kõ-d lame wã yelle
Yaa d sẽn na n maneg n nong a Zeova ne d tẽed-n-taasã
D sẽn tõe n paas d tẽebã pãng to-to
Yaa d sẽn na n tall tagsg sẽn zems zu-loeesã taoore
D sã n tõogd toogo, wãn to la na n naf-do?
D kɩtdame t’a Zeova paamd waoogre
Yel. 27:11; Zã 15:7, 8; 1 Pɩy. 1:6, 7
Biiblã kibay sẽn tõe n sõng-yã:
Zoob 1:6-12; 2:3-5: A Sʋɩtãan rõda a Zeova tɩ yaa a sẽn kogend a Zoobã yĩng la a sẽn yaa burkĩnã. Yaa a Zoob sã n kell n tõog toog la na n wilg t’a Sʋɩtãan yagdame.
Rom. 5:19; 1 Pɩy. 1:20, 21: A Zeezi sẽn pa maan wa a Ãdem n kell n tõog toog n tãag kũumã, kɩtame tɩ d paam sokr sẽn tar yõod leoore. Sokrã yaa: Ned sẽn zems zãng tõe n kell n maana sɩd ne Wẽnnaam baa zu-loe-kɛgems taoor bɩ?