Ligdã
Bõe yĩng tɩ ligdã nonglem tõe n wa ne yelle?
Ges-y “Teedã la ligdã nonglem.”
Bõe n wilgd tɩ Wẽnnaam ratame tɩ d tʋm n ges d zakã rãmb yelle?
Koɛ. 7:12; 10:19; Efɛɛ. 4:28; 2 Tes. 3:10; 1 Tɩm. 5:8, 18
Biiblã kibay sẽn tõe n sõng-yã:
Sɩng. 31:38-42: A Zakoob tʋma wʋsg n kõ a rɛɛmb a Laban, sẽn na yɩl n ges a zakã rãmb yelle, baa ne a Laban sẽn zãmb-a naoor wʋsgã. La a Zeova ninga a Zakoob barka, a modgrã yĩnga.
Luk 19:12, 13, 15-23: A Zeezi wẽe yel-bũnd sẽn wilgd tɩ bãmb wakatẽ wã, nebã ra mi n bĩngda b ligdã ligd bĩngr zĩigẽ, sẽn na yɩl n paam yõodo.
Bõe la Biiblã yet ligdã pengr wɛɛngẽ?
Bõe yĩng tɩ d pa segd n kẽ sam-bɛda?
Biiblã kibay sẽn tõe n sõng-yã:
Nee. 5:2-8: Guvɛrneer a Neemi wakatẽ wã, nebã ra namsda b sẽn peng-b rãmb ligdã ne toolem.
Mat. 18:23-25: A Zeezi yel-bũndã tẽegda tõnd tɩ neb nins sẽn pa yaood b samã tõe n paama sɩbgre.
Bõe la d segd n maane, nand tɩ d sɩng tʋʋm ne ned sẽn pa tũud a Zeova, d tẽed-n-taaga, wall ned d sẽn kĩ ne?
Biiblã kibay sẽn tõe n sõng-yã:
Sɩng. 23:14-20: Wõnda a Abrahaam sẽn wa n na n da pʋʋg ne tãng bok sẽn be a pʋgẽ n mum a Saara wã, a baoo neb tɩ b yɩ a kaset rãmba.
Zer. 32:9-12: No-rɛɛs a Zeremi sẽn wa n da pʋʋg a baaba kãseng biigã nengẽ wã, a gʋlsa raab sɛb a yiib, n ning a ye zug bãnde, la a yao ligdã kaset rãmb taoore.
Bõe yĩng tɩ yaa sõma tɩ d magd n get ligd ning d sẽn tõe n yiis depãens rãmbã yĩnga?
Bõe yĩng tɩ d pa segd n bas tɩ ligd poorẽ no-koɛɛm wa ne zu-loees tigingã pʋgẽ?
Ges-y Rom. 12:18; 2 Tɩm. 2:24.