Yam
D sã n dat n paam yam hakɩɩkã, bõe n yaa tɩlɛ?
Yɛ la d tõe n paam yam hakɩɩkã?
D sã n pʋʋs Wẽnnaam n kos-a t’a kõ-d yam, yaa bũmb sẽn zems bɩ?
Biiblã kibay sẽn tõe n sõng-yã:
2 Kib 1:8-12: Rĩm a Salomo sẽn da yaa bi-bɩɩgã pʋʋsa a Zeova n kos-a t’a kõ-a yam t’a tõog n ges Israyɛll nin-buiidã yell neere. A Zeova sɩd sak n kõ-a lame.
Yel. 2:1-5: Biiblã wilgdame tɩ yam, bãngr la yam-vẽenem tara yõod n yɩɩd wanzuri. D sã n kell n wɩng ne b baoob me, a Zeova na n sõng-d lame tɩ d paam-ba.
Ne ãnd-dãmb maasem la a Zeova sõngd tõnd tɩ d paamd yam, la wãn to la a sõngd tõndo?
Eza. 11:2; 1 Kor. 1:24, 30; 2:13; Efɛɛ. 1:17; Kolo. 2:2, 3
Biiblã kibay sẽn tõe n sõng-yã:
Yel. 8:1-3, 22-31: Biiblã pʋgẽ, b maka yamã ne neda. Makrã kell n zemsa ne a Zeezi, soab ning a Zeova sẽn naan pipi wã.
Mat. 13:51-54: Yam ning a Zeezi sẽn da tarã ra lingda neb wʋsg sẽn bãng-a a yãadmẽ wã.
Wãn to la d tõe n wilg tɩ d tara yam ning sẽn yit Wẽnnaam nengẽ wã?
Wãn to la yamã sõngd tõnd la a kogend tõndo?
Yam ning sẽn yit Wẽnnaam nengẽ wã yõod taa zĩ-bʋgo?
Ges-y Zoob 28:18.
Biiblã kibay sẽn tõe n sõng-yã:
Zoob 28:12, 15-19: Baa ne a Zoob kambã sẽn maan kaalmã, a sẽn bõn a paoongã, a sẽn paam sũ-sãams la toogã, a wilgame t’a sũur nooma wʋsg ne yam ning sẽn yit a Zeova nengẽ wã.
Yɩɩn. 19:7-9: Rĩm a Davɩɩd yeelame tɩ baa ned sẽn pa tar yam tõe n lebga yam soaba, a sã n tũud a Zeova noyã la a saglsã.