Bũmb y sẽn pa segd n vaale

“Bark sõama fãa la kũun sõama fãa” yita Wẽnnaam sẽn yaa tõnd yĩngr Ba wã nengẽ.—Zak 1:17.

KŨUN sẽn yaa kãseng n yɩɩd ning Wẽnnaam sẽn kõ ãdem-biisã sẽn yaa yel-wẽn-maandbã yaa kũun ning a sẽn maan sẽn na yɩl n yiis-b yel-kãng pʋgẽ wã. A tũnuga ne a Biribl yendã a sẽn naana, a Zezi Kirist n maan kũun kãngã. A Zezi sẽn yaa tõnd yel-wẽnã samd Yaoodã kũum kɩtame tɩ d tõe n paam vɩɩm sẽn pa sat tẽng zug arzãn pʋgẽ. Luk 22:19 pʋgẽ, b kõo tõnd noor tɩ d tẽeg a kũumã.

A Zeova Kaset rãmbã boonda yãmb ne sũ-noog tɩ y wa naag-b n maan a Zezi sẽn yeel tɩ b maanã. Yel-kãngã b sẽn tẽegd yʋʋmd fãa wã na n maaname tɩ zems ne Nizã rasem 14, sã n yaa ne Biiblã wakat geelgo. A na n yɩɩ yʋʋmd 2001, tʋʋl-nif kiuug rasem a 8, hat daare, wĩndg lʋɩɩs poore. Gʋls-y wakat kãngã n da wa yĩm ye. A Zeova Kaset rãmbã sẽn be yãmb sakẽ wã tõe n togs-y-la tigisgã zĩig la a wakate.