Sẽn be sebrã pʋgẽ

Rũndã-rũndã, neb wʋsg sẽn baood yaa dũniyã neb pẽgre. Sõs-kãngã pʋgẽ, d na n yãame tɩ yaa a Zeova na pẽg-dã n segd n pak-d n yɩɩda, la sẽn yaa rẽ n tar yõod n yɩɩdã võore. D na n yãame tɩ wakat ninga, a Zeova sã n na n pẽg neda, a mi n maana bũmb ned sẽn pa tẽede.

Sõs-kãnga pʋgẽ, d na n bãnga bũmb ning a Moyiiz sẽn maane, tɩ kɩt tɩ Wẽnnaam yeel tɩ pa yẽ n na n tall Israyɛll nin-buiidã n tɩ kẽes kãabg tẽngẽ wã. D na n bãng n dɩka yam kibarã pʋgẽ, n da wa kong wa a Moyiiz ye.

A Zeova tara sor n na n soog ninsaalbã fãa. Rẽ n so t’a yeel tɩ yaa yẽ a ye tãa la d segd n tũ, la ne d sũur fãa. Neb kẽer nong n maanda Wẽnnaam sẽn kisi, n yaool n yetẽ tɩ b sakd-a lame. Pipi sõsgã pʋgẽ, d na n goma a Kayẽ ne a Salomo yelle, n paas a Moyiiz la a Aarõ yelle, n ges yam ning d sẽn tõe n dɩk ned fãa kibar pʋgẽ. Sõsg a yiib-n-soabã pʋgẽ, d na n yãa d sẽn tõe n maan to-to, tɩ wilg tɩ d sẽn paam n naag a Zeova nin-buiidã noom-d lame.