Koeese

◼ Sɛbã kũun yʋʋm-vẽkr kiuugã: Sebr buud fãa sẽn tar seb-vã-nens 192 b sẽn yiis sẽn deng yʋʋmd 1986 tigingã sẽn tare. Tigims nins sẽn ka tar seb-kãensã tõe n kãaba sɛb a taab b sẽn tar tɩ ka yit ye. Wao-fugdg kiuugã: Zak pʋgẽ sũ-noogã kʋɩlen-biiga. Tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. B segd n maana modgr zall n sɩng yirẽ Biibl zãmsg ne neba. Tʋʋl-nif kiuugã: Gũusg Gasgã la Réveillez-vous! wã periodik rãmba. Lebg-⁠n-⁠tɩ-⁠ges rãmbã wakate, zĩig ning b sẽn yãẽ datem fãa, b tõe n kãaba abonema rãmba. Zã-y Baood seb-bilã neb nins sẽn wilgd ratmã yĩnga, la y modg n sɩng yirẽ Biibl zãmsg ne neba.

◼ Koe-moondb nins fãa sẽn deeg lisgã sẽn na n zĩnd Tʋʋmdã tigisgẽ yʋʋm-vẽkr kiuug rasem 10 semenã tõe n paama Instructions médicales/Pas de sang kart rãmbã la Carte d’identité rãmbã b kambã yĩnga.

◼ Sẽn sɩngd ne wao-fugdg kiuugã la tʋʋlg kiuugã rasem a 5 sʋka, bab-sak-sull yel-gɛtbã na n sɩnga zãma sõs-paalg gom-⁠zug sẽn yaa “Armagedõ sɩd-sɩdã: Yaa bõe yĩnga? la a yaa wakat bʋgo?” kũuni.

◼ Rõandã, tigimsã segd n dɩka segls n maan Tẽegrã arbã, tʋʋl-nif kiuugã rasem 19, wĩndgã kõom poore. Baa ne b sẽn tõe n deng n sɩng sõasgã pĩndã, Tẽegrã makdsã pa segd n pɩʋʋg tɩ pa wĩndgã kõom poor ye. Baa ne sẽn yaa sõma tɩ tiging fãa maan a meng Tẽegrã, tõe tɩ ka wakat fãa la rẽ tõe ye. Zĩis nins tigims wʋsg sẽn tũnugd ne Rĩung Roog a ye wã, tõe tɩ tiging a ye bɩ sẽn yɩɩd woto tõe n baoo zĩig a to zaab-kãnga. Zĩig ning sẽn tõe fãa, d sagendame tɩ wakat ning sẽn welgd tigissã ne taabã ta minit 30 bɩ yɩɩg woto tɩ neba fãa tõog n dɩ segbã nafa tɩ pidi, n paam sẽk n pʋʋs sẽn wa-bã, la b keng b rãmb nins sẽn wilgd ratem paalmã pelse. B segd n gũus n gesa nebã kẽnd la b bõn-zombdɩ wã gaarg yelle, nebã sikr la b rɩkr sẽn paase. Kẽem dãmbã sull segd n dɩka sard n ges segls nins sẽn na n yɩ sõma n yɩɩd bãmb zĩigẽ wã.

◼ B na n kõo yʋʋmd 2000 wã Tẽegrã wakat zãma sõasg sẽn yaa zallã hatã, tʋʋl-nif kiuug rasem 16. Sõasgã gom-zug na n yɩɩ: “Yao-n-dɛɛkã sẽn yaa tɩlae ne ãdem-biisã võore.” B na n kɩsa pãlã. Tigims nins sẽn tar bab-sak sull yel-gɛtã gesgã, bab-sak sull tigis-kãsenga, bɩ raar a ye tigis-kãseng sẽn yaa zallã na n maana zãma sõasg sẽn yaa zallã semen ning sẽn pʋgdã. Tiging ba a ye pa segd n kõ zãma sõasg sẽn yaa zallã sẽn deng yʋʋmd 2000 tʋʋl-nif kiuugã rasem 16 ye.