Teokaratik ministɛɛrã lekollã lebg-n-gese
Lebg-n-ges wakat b sẽn segd n pag sɛb nins b tũnug ne Teokaratik Ministɛɛr Lekollẽ wã, sẽn yẽbg sõssã b sẽn maan yʋʋmd 2000, yʋʋm-vẽkr kiuug rasem a 3 semena tɛk n tɩ ta tʋʋl-nif kiuug rasem 17 semena pʋgẽ wã zutu. Rɩk-y seb-vãoog toor n gʋls sʋgsgã leoor nins fãa y sẽn tõe, sasa ning b sẽn kõ wã pʋgẽ.
[Note: Lebg-n-gesã wakate, bɩ y tũnug ne Biiblã bala. Lebg-n-ges nins b sẽn kõ sʋkr fãa poorã yaa sẽn na yɩl n sõng tɩ yãmb meng baoobã yɩ nana. Gũusg Gasgã seb-vã-nensã la a sulã limoro rãmbã b pa wilg-b wakat fãa lebg-n-gesã pʋgẽ ye.]
Ning-y Sɩda bɩ Ziri goam nins sẽn pʋgdã poore:
1. Wakat ninga d segd n gũume n wa paam a Zeova barkã, bala a Zeova mii tõnd yɛlã sẽn yaa to-to, la a pidsda ratem fãa wakat ning rẽ sẽn na n yɩ sõma ne tõnd n yɩɩdã. (Yɩɩl 145:16; Zak 1:17) [w98 1/1 s.v.n. 23 s. a 6]
2. Kaool koglgã belem yen-yen bal ne Israɛll nebã ra ka kaset sẽn wilgd tɩ b na n tõogame ye. A Zeova barkã ra bee ne sẽn tar-b koglgã yasr tẽebã wɛɛngẽ la b sẽn na n wilg sakr ne kɩs-sɩda. (Zoz., sak a 7) [Semen fãa Biiblã karengo; ges-y it-1 s.v.n. 160 s. a 3.]
3. Rũndã-rũndã yaa d sẽn na n karemd a Zeova goama bal la d paamd rɩlgr tẽebã wɛɛngẽ. (Tõo. 8:3) [Semen fãa Biiblã karengo; ges-y w85 15/6 s.v.n. 17 s. 15, 17.]
4. Noor ning zug b sẽn gom n tadg a Moiiz Tõogã pʋgẽ Tõodo 23:20 wã wilgdame tɩ kiris-ned sã n peng ned ligdi, ka nonglem tʋʋmd t’a bao tɩ b lebs ne roaglg ye. [Semen fãa Biiblã karengo; ges-y it-1 s.v.n. 1200 s. a 7; it-2 s.v.n. 653 s. a 8; w86 15/10 s.v.n. 12 s. a 9.]
5. A Zozue ne a Kalɛɛb goma tẽngã b sẽn tɩ gũus n gesã yell ne yam-sõngo. Woto tika b sẽn da tẽed ne pa-vigsd tɩ Israɛll nebã tara pãng la b rɩk sard kãn-kãe n na n tõog yel-gɩdgdg buud fãa sẽn da na n gɩdg Kãabg Tẽngã reegrã zugu. (Sõd. 13:30) [w98 1/2 s.v.n. a 5 s. a 4]
6. A Poll ra tẽegda a Tɩmote tɩ b zae-a-la ne vʋʋsem sõngã la tɩ saasẽ keoor n da gũud-a, a sẽn gom “kũun” yell 1 Tɩmote wã. (1 Tɩm. 4:14) [w98 15/2 s.v.n. 25 s. a 1]
7. A Zozue sebrã ka wilgd ned yʋʋr sẽn tar yõod wʋsg sẽn be yaab rãmb roog ning Rĩungã Yageng sẽn da na n yiẽ wã pʋgẽ ye. [si s.v.n. 46 s. 24]
8. Bʋkaoodb sebrã yaa roap Israɛll neba sẽn yãk tɩ b rɩ naam buudã zug sẽn deng rĩm dãmbã wakatã kɩbare. [si s.v.n. 47 s. a 2]
9. A Zedeõ kosgã b sẽn gom a yell Bʋkaoodba 6:37-39 pʋgẽ wã wilgdame t’a Zedeõ ra yaa n yaa gũusd la yam-yoodem soab tɩ loog noore. [Semen fãa Biiblã karengo; ges-y w88 1/4 s.v.n. 30 s. a 6.]
10. A sẽn kõ a karen-biisã noor tɩ b ‘ra pʋʋs ned sorã zugã,’ a Zezi ra gomd n tadgda moonegã sẽn yaa yãgb tʋʋmdã zugu, la d sẽn segd n yals d yamã zãng-zãng tʋʋm-kãngã b sẽn bobl-dã sẽn yaa kãseng n yɩɩd fãa wã zugu. (Luk 10:4) [w98 1/3 s.v.n. 30 s. a 5]
Leok-y sʋgsg nins sẽn pʋgdã:
11. Bõe yĩng tɩ tar yõod t’a Zeova goama pa roagdbã sũyẽ? (Tõo. 6:5, 6) [Semen fãa Biiblã karengo; ges-y w98 1/6 s.v.n. 20 s. a 4.]
12. Wãn-wãn la zak soab tõe n tũ noor ning sẽn be Tõodo 11:18, 19 pʋgẽ wã? [Semen fãa Biiblã karengo; ges-y fy s.v.n. 70 s. 14.]
13. Biiblã pʋgẽ, bõe n wilgd tɩ ra yaa vẽeneg t’a Onezɩm, sẽn yaa yamb sẽn zoe wã, ra paam n zĩnda ne a Poll bilfu, sẽn deng t’a gʋls a Filemo lɛtrã? [w98 15/1 s.v.n. 30 s. a 2]
14. Tõnd sã n ne yɛl sẽn pa tɩrs bɩ d mensã sã n be b pʋsẽ, bõe la d tõe n maan n da koms raood bɩ n da tall yam-wẽnga? [w98 1/2 s.v.n. a 6 s. a 2-3]
15. Wãn-wãn la a Zozue ne a Zedeõ wilg waoogr sẽn yaa kãseng ne Wẽnnaam tõogã? (Tõo. 20:8, 15-18) [si s.v.n. 41 s. 32]
16. Wãn-wãn la yɛl nins b sẽn bilg Zozue 10:10-14 wõnd b rãmb nins d sẽn gũud tɩ zĩnd Armagedõ wã? [Semen fãa Biiblã karengo; ges-y w86 15/12 s.v.n. 23 s. 12 n tɩ ta s.v.n. 24 s. 14.]
17. Togs-y nafa a tãab ned zʋg sẽn yaa sõma pẽgb ne pʋ-peelem sẽn wat ne. (Mak-y ne Yelbũna 15:23.) [w98 1/2 s.v.n. 31 s. a 5-6]
18. Sẽn zems ne Zozue 20:4, wãn to la ned zoet n kẽng makr galʋ-tẽn-solgdgẽ wã? [Semen fãa Biiblã karengo; ges-y w86 15/12 s.v.n. 24 s. 16.]
19. Wãn-wãn la Bʋkaoodba 5:31 wã wilgd tɩ Bʋkaood a Barak sẽn tõog a Sizera tãb-biisã sẽn da tar pãng n yɩɩd-a Kisõ longã koe-zoetmẽ wã yaa bũmb sẽn tar võor ne tõnd wakatã? [Semen fãa Biiblã karengo; ges-y w86 15/2 s.v.n. 21 s. a 4.]
20. Wãn-wãn la d tõe n wilg waoogr ne noor ning sẽn be gomd ning sẽn yet tɩ “bãmb ned kam fãa yaasa a zĩigĩ” wã pʋgẽ, tɩ be Bʋkaoodba 7:21 wã? [Semen fãa Biiblã karengo; ges-y w82 1/9 s.v.n. 25 s. 17.]
Bao-y gom-biig wall gom-biis bɩ goam nins sẽn yaa tɩlae wã n lok goam nins sẽn pʋgdã:
21. Sẽn na yɩl n paam a Zeova barkã wʋsg tɩ pidi, d tog n ket n __________________________________________ la d bõosd a Zeova t’a sõng-d tɩ d ___________ zãmsgã sẽn be a Gomdã vʋʋsmã sẽn vẽnegã pʋgẽ ____________________________________________ . (1 Tɩm. 4:8, 9) [w98 1/1 s.v.n. 24 s. a 6]
22. Gom n fʋʋs ned ka noom a Zeova ye, bala yaa ___________________________________ n wat ne rẽ, a _________________________________ , la sẽn yɩɩd fãa, a ________________________________ . [w98 1/2 s.v.n. 30 s. 2-3]
23. A Zozue yʋʋrã rat n yeelame tɩ “ __________________________________________ ,” la bãngr-goam pʋgẽ a ra makda a _________________________ . [si s.v.n. 43 s. a 5]
24. Sẽn zems ne a Zezi bilgrã sẽn be Matɩe 7:24-27 pʋgẽ wã, roagdb sẽn tar yam tõe n sõnga b kambã tɩ b kɩɩs weoogr sẽn wõnd wa sobgo, n kõ-b _________________________________________ , tɩ rẽ na n sõng-b tɩ b kell _________________________________ . [w98 15/2 s.v.n. a 9 s. a 1]
25. Kʋdemd yɛl nins b sẽn gʋls Bʋkaoodba sebr pʋgẽ wã sɩnga a _________________________ kũumã wakat n tɩ ta a _________________________ wakatã, tɩ rẽ yaa yʋʋm ________________ . [si s.v.n. 47 s. a 5]
Yãk-y leoor nins sẽn yaa tɩrsã, goam nins sẽn pʋgdã pʋsẽ:
26. Rɩk segls sẽn na yɩl tɩ b bãng ãnda n na n soog f tarem f kũum poorã yaa (tigingã yelle; f meng yelle; bũmb b sẽn baood tɩ kiris-neb hakɩkã maane). (Gal. 6:5) [w98 15/1 s.v.n. 19 s. a 6]
27. A Poll sagla a Filemo t’a reeg (a Onam; a Onezɩfoore; a Onezɩm) ne nonglem, la a ka tũnug ne a sẽn yaa tʋm-tʋmdã zu-sobend n kõ-a noor t’a maan woto, bɩ n kɩt t’a kõ a yambã paam-m-meng ye. (File. 21) [w98 15/1 s.v.n. 31 s. a 1]
28. Kongr sẽn yaa wẽng sẽn pukd wãoobã a Zezi sẽn sãoogã kɩbarã pʋgẽ yaa b (sẽn ka tall tẽebã; tõdgrã; zɩ-beoogã). (Luk 17:11-19) [w98 15/2 s.v.n. a 5 s. a 1]
29. Sẽn mik tɩ Wẽnnaam saka a Rahaab manesmã, bũmb ning a sẽn yeel Zeriko roap nins sẽn da gẽesd tẽn-gũusdbã sẽn yaa Israɛll nebã wilgdame tɩ (yag ziri bɩ ra yagã yaa f toorẽ sardo; ka modgr tɩ f vẽneg kɩbay sẽn yaa sɩd n togs b rãmb nins sẽn ka segd n wʋm-bã ye; a ra nan pa toeem a dũniyã manesem fãa ye). (Zoz. 2:3-5; Mak-y ne Rom dãmba 14:4.) [Semen fãa Biiblã karengo; ges-y w93 15/12 s.v.n. 25 s. a 1.]
30. Wala b sẽn wilg Zã 13:5 wã, zãmsg ning a Zezi sẽn kõ wã wilga zʋg-sõng ning sẽn yaa (sõmblmã; to yĩn-sidg võor wʋmbo; sik-m-mengã) vẽenega, sẽn kɩtd tɩ ned sak n maan tʋʋm sẽn ka tar-b ziir baa bilfã neb a taab yĩngã. [w98 15/3 s.v.n. a 7 s. a 6]
Lagm-y verse nins sẽn pʋgdã ne goam nins sẽn be tẽngrã tɩ zemse:
Tõo. 7:3, 4; 17:7; 25:11, 12; 28:3, NW; Zer. 15:20
31. Naandã sẽn tar waoogr sẽn yaa kãseng ne rog-teedã segd n talla pãn-tusdg sard ning kiris-ned sẽn dɩkda, sã n yaa ne rogem yaagr manesem ning sẽn yaa sõma n yɩɩdã. [Semen fãa Biiblã karengo; ges-y w99 15/6 s.v.n. 28 s. a 1-4.]
32. D tõe n talla bas-yard t’a Zeova teend-d-la Wẽnnaam Rĩungã koe-noog mooneg tʋʋmd pʋgẽ. [w98 1/3 s.v.n. 28 s. a 1]
33. D sã n kelg Biiblã keoogre, rẽ sõngda tõnd tɩ d gil bi-wẽns nins sẽn nong n watẽ, d sã n kẽ kãadem ne ned sẽn ka tẽedã. [Semen fãa Biiblã karengo; ges-y w89 1/11 s.v.n. 20 s. 11.]
34. Wẽnnaam barkã paoong ka be ne zĩig ning d sẽn vɩ bɩ d sẽn sõgendã, bɩ ne tʋʋmd ning b sẽn kõ-d tɩ d maanã Wẽnnaam sõgenegã pʋgẽ ye. [Semen fãa Biiblã karengo; ges-y w96 15/6 s.v.n. 15 s. 15.]
35. A Poll togsa a Zeova Tõogã goam n tik rẽ zug n kõ a noyã ned ned tigingã pʋgẽ yiisgã wɛɛngẽ 1 Korẽnt dãmba sak a 5 pʋgẽ. [Semen fãa Biiblã karengo; ges-y si s.v.n. 213 s. 24.]