Teokaratik ministɛɛrã lekollã lebg-n-gese
Lebg-n-ges wakat b sẽn segd n pag sɛb nins b tũnug ne Teokaratik Ministɛɛr Lekollẽ wã, sẽn yẽbg sõssã b sẽn maan yʋʋmd 2000, sig-noy kiuug rasem a 1 semena tɛk n tɩ ta sa-sik kiuug rasem 21 semena pʋgẽ wã zutu. Rɩk-y seb-vãoog toor n gʋls sʋgsgã leoor nins fãa y sẽn tõe, sasa ning b sẽn kõ wã pʋgẽ.
[Note: Lebg-n-gesã wakate, bɩ y tũnug ne Biiblã bala. Lebg-n-ges nins b sẽn kõ sʋkr fãa poorã yaa sẽn na yɩl n sõng tɩ yãmb meng baoobã yɩ nana. Gũusg Gasgã seb-nensã la a sulã nimoro rãmbã b pa wilg-b wakat fãa lebg-n-gesã pʋgẽ ye.]
Ning-y Sɩda bɩ Ziri goam nins sẽn pʋgdã poore:
1. A Zedeyõ sẽn leok Efraim neba zabr goam sẽn ka tik bʋʋm zugã to-to wã wilga a sũ-bʋgsem la a sik-m-mengã. La woto kɩtame tɩ b bas b sãbsg sẽn ka zemsã la tɩ bãan kell n zĩndi. (Bʋk. 8:1-3) [1, Semen fãa Biiblã karengo]
2. Ba a Manowa sẽn yeel tɩ bãmb “yãa Zusoabã,” sɩd-sɩda yẽ ne a pagã yãa Wẽnnaam meng gom-taas sẽn dɩk ninsaal yĩnga, la ka a Zeova meng ye. (Bʋk. 13:22) [2, Semen fãa Biiblã karengo; ges-y w88 15/5 s.n. 23 s. a 3.]
3. Bʋkaoodba 5:31 pʋgẽ wã, gomd ning sẽn yet tɩ “neb nins sẽn nong yãmba” yaa bãngr-goam sẽn gomd Rĩungã rogem-pʋɩɩr dɩtb 144 000 yelle. [4, si s.n. 51 s. 28]
4. B ka yã a Rut sebrã gɩrg ba a yembr Mog-kɩɩngã Seb-pindem sʋk ye. [5, si s.n. 51 s. a 3]Ziri. B yãa a Rut sebrã gɩrs Mog-kɩɩngã Seb-pindem sʋka.
5. Bʋkaoodba 21:25 gomda wakat ning a Zeova sẽn bas Israɛll buudã n pa kõ-b sor-wilgr ba a yembrã yelle. [4, Semen fãa Biiblã karengo; ges-y w95 15/6 s.n. 22 s. 16.]Ziri. Israɛll galʋ-tẽng fãa ra tara kãsem dãmb sẽn da tõe n kõ sõngr sẽn sɩd zemse yɛl la zu-loees pʋsẽ. Sẽn paase, maan-kʋʋdbã sẽn yaa Levi nebã ra tara pãn-tusd-sõngo, ne b sẽn zãmsd nin-buiidã Wẽnnaam tõogã maasem. La yell sẽn sɩd yaa yel-gĩtem sã n wa, maan-kʋʋd kasmã ra tõe n baoo Wẽnnaam tagsg n tũnug ne Urim la Tumim.
6. Seribẽ rãmbã b sẽn maan tɩ ra be Kaoolã Koglgã zugã wilgda a Zeova b sẽn yeel t’a “be seribẽ dãmba sʋka” naamã belem be. (1 Sãm. 4:4) [7, Semen fãa Biiblã karengo; ges-y w81 1/2 s.n. 29 s. a 2.]Sɩda.
7. A Saull sodaasã da rɩɩ zɩɩm kom sẽn da rat n kʋ-b yĩnga, n ka paam sɩbgr ye. Rẽ wilgdame tɩ wakat bilf yĩnga, bʋʋm tõe n zĩndame tɩ f kɩɩs Wẽnnaam tõogã n kogl f vɩɩm. (1 Sãm. 14:24-35) [9, Semen fãa Biiblã karengo; ges-y w94 15/4 s.n. 31 s. a 7-9.]Ziri. A Saull sẽn bãng sodaasã sẽn maan bũmb ningã, a rɩka segls n dems yɛlã ne Wẽnnaam. Tõe t’a Zeova ra tagsa wẽenegã a Saull sẽn yɩ yãg-yãg n maan tɩ wa ne yel-pakrã me yelle. (1 Sãm. 14:24, 34, 35)
8. Baa ne b sẽn lagem gomd ning sẽn yaa “kɩt tɩ b sak n tẽ wã” ne belgr la sɩlmã, b tõe n tũnuga ne gom-kãngã a nen-sõngã pʋgẽ, n wilg tagsg sẽn yaa kɩt tɩ ned kɩs sɩd ne bũmbu, bɩ kɩt t’a toeem tagsgo, ne goam sẽn yaa sõma la sẽn sakd reegr maasem. (2 Tɩm. 3:14, 15, NW ) [11, w98 15/5 s.n. 21 s. a 4]Sɩda.
9. “Vɩɩm korgã” tɩ loee ne segls nins Wẽnnaam sẽn dɩk n na n kõ koglg la fãagrã, sẽn da na n naf a Davɩɩd a sã n da lak a meng ne zɩɩm taal Wẽnnaam nifẽ wã. (1 Sãm. 25:29, NW ) [13, Semen fãa Biiblã karengo; ges-y w91 15/6 s.n. 14 s. a 3.]Sɩda.
10. A Davɩɩd Rĩungã kaool b sẽn gom a yell 2 Sãmwɛll 7:16 pʋgẽ wã, kell n tũu Yagengã roog n tɩ tãag Mesi wã, la a ra yaa bas-yard kaset sẽn zems ne noyã, sẽn wilgd t’a Davɩɩd roogã ned n da na n wa rɩ naam sẽn “ka na n sɛ abada ye.” [16, Semen fãa Biiblã karengo; ges-y w89 1/2 s.n. 14 s. 21–s.n. 15 s. 22.]Sɩda.
Leok-y sʋgsg nins sẽn pʋgdã:
11. Bas-m-yam bʋg la Yɩɩl Sõamyã 34:1918 in NW kõta? [1, w98 1/4 s.n. 31 s. a 2]A Zeova sakame la a ratame n teel a sõgen dãmbã, b sã n segd n mao ne yam-ka-m-meng la m-ka-yõod tagsa.
12. B sẽn pʋd a Zozɛf t’a Barnabas n paasã da rat n wilgame tɩ bõe? (Tʋʋ. 4:36) [2, w98 15/4 s.n. 20 s. a 3, tẽngr notã.]B sɩd yãame t’a ra yaa ned sẽn be yamleoog la sẽn yaa ninbãan-zoɛta. Barnabas rat n yeelame tɩ “Belsg biiga”; b sã n bool ned tɩ zʋg-sõng ning “biiga”, sɩd wilgdame tɩ yaa nin-kãng soabã zʋg-sõng sẽn yaa kãseng n yɩɩda.
13. Bõe yĩng tɩ Biiblã kɩbar yeel t’a Eli ra kell n waooga a komdibli wã n yɩɩg a Zeova? (1 Sãm. 2:12, 22-24, 29) [6, Semen fãa Biiblã karengo; ges-y w96 15/9 s.n. 13 s. 14.]A Eli sẽn da yaa b ba la Israɛll maan-kʋʋd kãsmã, ra yaa yẽ n da segd n kibl a komdibli wã b paoogr manesmã ne balengã yɛlã la yoobã b sẽn maan wʋsgã yĩnga, la a leng-b-la yaal-yaal bala.
14. Bõe yĩng tɩ Rut sebrã segd n paas tõnd bas-yardã ne Rĩungã kãabse? [5, si s.n. 53 s. 10]Bala a wilgdame t’a Zeova n da segl a Boaaz ne a Rut kãadmã, la a tũnug ne rẽ n kogl a Zida naam doogã sẽn tall n tãag a Davɩɩd n wa baas ne Davɩɩd Kãsengã, sẽn ya a Zezi Kiristã.
15. Sã n yaa ne 1 Sãmwɛll 1:1-7 mak-kãseng bʋg la a Sãmwɛll zaka rãmb kõ-yã? [6, Semen fãa Biiblã karengo; ges-y w98 1/3 s.n. 16 s. 12.]
16. Wãn-wãn to la b tõe n yeel tɩ ‘arzɛgsã tõog belgdame’? (Mat. 13:22, NW ) [9, w98 15/5 s.n. a 5 s. a 1]
17. Wãn-wãn to la a Zonatã sẽn kẽem a Davɩɩdã wilg t’a sak n deega a Zeova sẽn zae a soabã sẽn ya a Davɩɩdã, la bõe la rẽ makd rũndã-rũndã? (1 Sãm. 18:1, 3, 4) [11, Semen fãa Biiblã karengo; ges-y w89 1/1 s.n. 24, 26 s. a 4, 13.]
18. Baa ne a Zoob sẽn da yaa ‘pʋ-peelem soab la nin-sõngã,’ wãn-wãn la a Zoob sebrã wilgd tɩ rẽ ka rat n yeel t’a yaa ned sẽn zems zãnga? (Zoob 1:8) [8, w98 1/5 s.n. 31 s. a 1]
19. Gomd ning sẽn yet tɩ b ‘modg sõmb-sõmbã’ rat n yeelame tɩ bõe? (Luk 13:24, NW ) [16, w98 15/6 s.n. 31 s. a 1, 4]
20. Wala sẽn be 2 Sãmwɛll 12:26-28 pʋgẽ wã, zãmsg sẽn tar yõod bʋg la d segd n gãd d yamẽ, wakat ning d sẽn tʋmd ne taabã? [17, Semen fãa Biiblã karengo; ges-y w93 1/12 s.n. 19 s. 19.]
Bao-y gom-biig wall gom-biis sẽn yaa tɩlae wã n lok goam nins sẽn pʋgdã:
21. A Zeova sẽn wilg t’a Baall balengã yaa wẽng wʋsgã segd n tusa tõnd tɩ d lak d mens ne bũmb nins sẽn zem ne rẽ tõnd wakatã sẽn yaa __________________________, __________________________ , la __________________________ . (Bʋk. 2:11-18) [4, si s.n. 50 s. 26]
22. Ra ya a Sãmwɛll wakatã la __________________________ wakat sa-yã, tɩ __________________________ wakat sɩnge, wakat ning Israɛll sẽn wa n baas n kong a Zeova lohormã. [6, si s.n. 53 s. a 1]
23. Wẽnnaam yʋʋr sẽn yaa Zeova wã rat n yeelame tɩ “ __________________________A kɩtdame tɩ yɩ ,” la woto rat n wilgame t’a Zeova tõe n maana tʋʋmd fãa sẽn yaa tɩlae t’a maan sẽn na yɩl n pids a __________________________raabã . [7, w98 1/5 s.n. a 5 s. a 3]
24. A Eli ne a Saull fãa ra kongame, bala a Eli __________________________maana yam-kaalg n ka tʋme, t’a Saull tʋm __________________________tɩ nare . [14, si s.n. 57 s. 27]
25. Samari nin-sõngã makr a Zezi sẽn kõ wã wilgdame tɩ sẽn sɩd ya-a burkĩn ka a soab ning sẽn sakd Wẽnnaam __________________________noyã bal ye, la a ya a soab ning sẽn dɩkd togs-n-taar ne a __________________________zʋg-sõma wã . (Luk 10:29-37) [17, w98 1/7 s.n. 31 s. a 2]
Yãk-y leoor nins sẽn zemsã, goam nins sẽn pʋgdã pʋsẽ:
26. B tõe n yãa a Zeova zʋg-sõng kãseng ning sẽn yaa (yamã; pãngã; nonglmã), a sẽn yãk Moaab poak a (Rut; Naomi; Orpa), sẽn da ya a (Baall; Kemos; Dagõ) balemd sẽn tuub n kẽ sɩd tũudmã pʋgẽ n lebg a Zezi Kirist yaab poakã. (Mat. 1:3, 5, 16) [5, si s.n. 51 s. a 1]
27. Israɛll bʋkaoodba naam dɩɩb wakat saa sasa ning b sẽn zae (a Sãmwɛll; a Davɩɩd; a Saull) t’a yɩ rĩma, tɩ rẽ poor bilf t’a tõog (Amo nebã; Moaab nebã; Filistẽ rãmbã) ne a Zeova sõngrã. (1 Sãm. 11:6, 11) [8, Semen fãa Biiblã karengo; ges-y w95 15/12 s.n. a 9 s. a 2–s.n. 10 s. a 1.]
28. Ra yaa (tʋm-tʋmd a Poll; a baaba wã; a ma wã la a yaab-poakã) n dɩk sard n zãms a Tɩmote “Gʋlsg Sõamyã” hal t’a wa tõog n lebg misioneer sẽn yaa sõma wʋsg la yel-gɛta. (2 Tɩm. 3:14, 15; Fil. 2:19-22) [10, w98 15/5 s.n. a 8 s. a 3–s.n. a 9 s. a 5]
29. A (Davɩɩd; Sãmwɛll; Zonatã) ministɛɛrã b bi-bɩɩlem wakatã segd n tusa kom-bɩɩsã tɩ b kẽes b mens ministɛɛrã pʋgẽ rũndã-rũndã, la a sẽn kell n tall woto maaneg n tɩ tãag a kũumã segd n teela b rãmb nins pãng sẽn boog kʋʋlmã yĩngã. [14, si s.n. 58 s. 30]
30. Wakat ning yell 2 Sãmwɛll sẽn gomdã sɩnga yʋʋmd (1077 n tɩ ta 1040 sẽnese; 1077 n tɩ ta 1037 sẽnese; 1070 n tɩ ta 1040 sẽnese) S.D.T.W. [15, si s.n. 60 s. a 3]
Lagm-y verse nins sẽn pʋgdã ne goam nins sẽn be tẽngrã tɩ zemse:
Bʋk. 11:30, 31; 1 Sãm. 15:22; 30:24, 25; 2 Rĩm 6:15-17; Zak 5:11
31. Wa sẽn zems ne a raabã, a Zeova kõta bas-m-yam t’a na n tũnuga ne a yĩngr tãb-biisã n kogl a nin-buiidã. [2 Rĩm 6:15-17] [3, w98 15/4 s.n. 29 s. a 5]
32. Yaa zɩɩb n kõ tigingã yel-gɛtb tɩ b ra toeem b noor ye, baa rẽ sã n na n wa ne toog la bõn wakat ninga. [Bʋk. 11:30, 31] [2, w99 15/9 s.n. 10 s. a 3-4]
33. D sã n tall burkĩndlem makr pʋgẽ, d paamda keoor sẽn yaa kãseng Wẽnnaam a Zeova nengẽ. [Zak 5:11] [8, w98 1/5 s.n. 31 s. a 4]
34. Nonglem hakɩk ne Wẽnnaam baoodame tɩ d sak a sor-wilgrã lakae, ka maoong kũun bal ye. [1 Sãm. 15:22] [10, Semen fãa Biiblã karengo; ges-y w96 15/6 s.n. a 5 s. a 1.]
35. A Zeova tara naneb wʋsg ne b rãmb nins tʋʋm sẽn teend a siglgã rũndã-rũndã wã. [1 Sãm. 30:24, 25] [14, Semen fãa Biiblã karengo; ges-y w86 1/9 s.n. 28 s. a 4.]