Koeese

◼ Sɛbã kũun yʋʋm-vẽkr kiuugã: Sebr buud fãa sẽn tar seb-nens 192 b sẽn yiis yʋʋmd 1986 bɩ sẽn deng yʋʋm-kãng tigingã sẽn tara. Tigims nins sẽn tar L’humanité à la recherche de Dieu sebrã tõeeme me n kãab rẽnda. Wao-fugdg kiuugã: La vie: Comment est-elle apparue? Évolution ou création?, La Révélation: le grand dénouement est proche!, bɩ seb-kʋdr buud fãa sẽn tar seb-nens 192 tigingã sẽn tara. Tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. D na n maana modgr zall n sɩng yirẽ Biibl zãmsg ne neba. Tʋʋl-nif kiuugã: Gũusg Gasgã la Réveillez-vous! wã periodik rãmba. Kãab-y Bãngr sebrã bɩ Baood seb-bilã, ne bõn-datl sẽn yaa sɩng yirẽ Biibl zãmsg ne neba.

◼ Bãng-y tɩ b na n maana yʋʋmd 2002 Tẽegrã tʋʋlg kiuugã rasem 28, lamusa raar wĩndgã kõom poore, la ka tʋʋlg kiuug rasem 22, arzũma raare, wa b sẽn wilg Calendrier 2001 baasgẽ wã ye. B sẽn wilg woto wã yaa sẽn na yɩl tɩ zĩis nins tigims wʋsg sẽn tũnugd ne Rĩung Roog a ye tɩ b segd n bao zĩis a taabã, bɩ b reng n dɩk segls rẽ yĩng n bao rot a taab sẽn na n luaas n bĩng bɩ b maan kõntra rãmba. Kẽem dãmbã segd n zemsa ne zĩigã taoor dãmb n kɩs sɩd tɩ b ka na n maan tʋʋm a taab sẽn wat ne tiisg roogã pʋgẽ, sẽn na yɩl tɩ Tẽegrã tõog n maan ne bãan tɩ zũnd-zãnd ra zĩnd ye. Tẽegrã sẽn yaa yel-kãsengã yĩngã, kẽem dãmbã sã n wa yãkd Tẽegrã sõsda b segd n yãk-a-la kẽem dãmb nins sẽn tar tõog n yɩɩdã sʋka. B ka segd n kõt sõsgã n deesd taab bala, bɩ b tũnugd ne saam-bi-yɛngã bal yʋʋmd fãa ye. La kẽem soab sẽn tar tõog sẽn zae-bã sʋk sã n be n tõe n kõ sõsgã fãa, b ka na n tũ no-kãngã ye.

◼ Koe-moondb nins fãa sẽn deeg lisgã sẽn na n zĩnd Tʋʋmdã tigisgẽ yʋʋm-vẽkr kiuug rasem a 8 semenã tõe n paama Instructions médicales/Pas de sang kart rãmbã la Carte d’identité rãmbã b kambã yĩnga.

◼ Sẽn sɩngd ne wao-fugdg kiuugã la tʋʋlg kiuugã rasem a 4 sʋka, bab-sak sull yel-gɛtbã na n sɩnga zãma sõs-paalg gom-zug sẽn yaa “Bʋ-kaoor daarã yaa pelen-yɩk wakat bɩ a yaa saagr wakate?” kũuni.

◼ Rõandã, tigimsã segd n dɩka segls sẽn zems n maan Tẽegrã hatã, tʋʋl-nif kiuugã rasem a 8, wĩndgã kõom poore. Baa ne b sẽn tõe n deng n sɩng sõasgã pĩndã, Tẽegrã makdsã pa segd n pɩʋʋg tɩ pa wĩndgã kõom poor ye. Vaees-y yãmb tẽngẽ wã n bãng wĩndgã sẽn lʋɩt wakat ning yãmb babgẽ wã. Sẽn mik tɩ b ka segd n maan tigisg a to raar-n-kãng tɩ sã n ka yiibã moonegã yĩng tigissã, b segd n dɩka segls sẽn zems n maan Gũusg Gasgã zãmsg wakat a to. Bab-sak sull yel-gɛtbã segd n demsa b tigissã geelg-n-tʋm semen kãng yĩng tɩ zems ne yɛlã sẽn yaa to-to zĩ-kãnga. Baa ne sẽn yaa sõma tɩ tiging fãa maan a meng Tẽegrã, tõe tɩ ka wakat fãa la rẽ tõe ye. Zĩis nins tigims wʋsg sẽn tũnugd ne Rĩung Roog a ye wã, tõe tɩ tiging a ye bɩ sẽn yɩɩd woto tõe n baoo zĩig a to zaab-kãnga. Zĩig ning sẽn tõe fãa, d sagendame tɩ wakat ning sẽn welgd tigissã ne taabã ta minit 40 bɩ yɩɩg woto tɩ neba fãa tõog n dɩ segbã nafa tɩ pidi, n paam sẽk n pʋʋs sẽn wa-bã, la b keng b rãmb nins sẽn wilgd ratem paalmã pelse. B segd n gũus n gesa nebã kẽnd la b bõn-zombdɩ wã gaarg yelle, nebã sikr la b rɩkr sẽn paase. Kẽem dãmbã sull segd n dɩka sard n ges segls nins sẽn na n yɩ sõma n yɩɩd bãmb zĩigẽ wã.

◼ B na n kõo yʋʋmd 2001 wã Tẽegrã wakat zãma sõasg sẽn yaa zallã hatã, tʋʋl-nif kiuug pipi daare. Sõasgã gom-zug na n yɩɩ: “Ãnda n tõe n paam fãagre?” B na n kɩsa pãlã. Tigims nins sẽn tar bab-sak sull yel-gɛtã gesgã, bab-sak sull tigis-kãsenga, bɩ raar a ye tigis-kãseng sẽn yaa zallã na n maana zãma sõasg sẽn yaa zallã tʋʋl-nif kiuug rasem a 9 semenã. Tiging ba a ye pa segd n kõ zãma sõasg sẽn yaa zallã sẽn deng yʋʋmd 2001 tʋʋl-nif kiuugã pipi daar ye.

◼ Sẽn sɩng ne yʋʋmd 2001, yʋʋm-vẽkr kiuugã Repiblik Demokratik di Kongo tigims kẽer na n paamda Afirik nin-taoor la a tẽn-sʋk D Rĩungã Ministɛɛrã.

◼ Tigims nins buud-goam pʋsẽ b sẽn nan ka lebg Créateur sebrã filiall na n togs-b-la sebr ning b sẽn na n zãms Tigingã Sebr Zãmsgẽ seb-kãng zĩigẽ.

◼ B paka Cotonou-Fidjosse Rĩungã Roog yʋʋmd 2000, zĩ-likr kiuug 1 daare. Koe-moondb 61 wã sẽn tigimd taab Rĩung Ro-kãngã pʋgẽ wã sũy yɩɩ noog tɩ b reeg neb 640 teokaratik yel-kãngã wakate.

◼ B rɩkda segls sẽn na yɩl n lebg n yiis Gũusg Gasgã sõss a yiib kãadem kõom ne roagda zug Zãnde buud-goamã pʋgẽ. Repiblik Demokartik di Kongo tigims nins sẽn dat-b n kosã tõe n toola b komand dãmbã Buta bɩ Isiro sɛbã bĩngr zĩigẽ tɩ b ges-a yelle. D bõos tɩ y gʋls tɩ “wZN marriage.”

◼ Seb-paal b sẽn tõe n paame:

Un livre pour tous —Swahili

Le chemin du paradis: Comment le trouver? —Wolof

Laafɩ Vɩɩm Dũni paalg pʋgẽ (Tract No. 15) —Sango

Louons Jéhovah par nos chants (Bedrã) —Lingala

◼ Kasɛt video paalg b sẽn tõe n paame:

Les triangles violets (NTSC format) —Ɛspayõll

◼ Kompak disk paalg b sẽn tõe n paame:

CD-ROM Watchtower Library—1999 —Portigɛ