Wẽnnaam tʋʋmdã kɩbaya

◼Benẽ: Koe-moondb sõor sẽn sãd sẽn yaa 6501 la b paam sẽoog kiuugã. Ki-kãng pʋgẽ, Rĩung Rot a yiib la b pags-yã: N’Venamede Rĩungã Roogo, sẽn be Kotonu, la Azove Rĩungã Roogo, sẽn be Benẽ pʋgẽ nin-taoor babgã. Pakrã wakate, yɩɩ ne sũ-noog la Azove tigingã koe-moondb 40 reeg neb 544 sẽn wa wã.

◼Togo: Yaa ne sũ-noog la tẽn-kãngã wilg tɩ b paka Rĩung Ro-paals a tãab sẽoog kiuugã. B paka Rĩung Roog Adeta la Glito sẽn be Plateaux Babgẽ wã. Neb 170 n wa Adeta Rĩung Roogã pakrẽ tɩ neb 194 wa Glito rẽndã pakrẽ. Yɩɩ ne sũ-noog la tigims a yiibã sẽn be Wuiti, sẽn be Lome kɩrengã, paam tɩ neb 595 wa b Rĩung Ro-paalgã pakrẽ.