Wẽnnaam tʋʋmdã lekollã lebg-n-gese

Lebg-n-ges wakat b sẽn segd n pag sɛb nins b sẽn tũnug ne Wẽnnaam Tʋʋmd Lekollẽ wã, sẽn yẽbg sõssã b sẽn maan yʋʋmd 2002, bõn-bɩʋʋng kiuug rasem a 2 semena tɛk n tɩ ta yʋʋm-sar kiuug rasem 23 semena zutu. Rɩk-y seb-vãoog toor n gʋls sogsgã leoor nins fãa y sẽn tõe, sasa ning b sẽn kõ wã pʋgẽ.

[Note: Lebg-n-gesã wakate, bɩ y tũnug ne Biiblã bala. Lebg-n-ges nins b sẽn kõ sokr fãa poorã yaa sẽn na yɩl n sõng tɩ yãmb meng baoobã yɩ nana. Gũusg Gasgã seb-nensã la a sulã limoro rãmbã b pa wilg-b wakat fãa lebg-n-gesã pʋgẽ ye.]

Ning-y Sɩda bɩ Ziri goam nins sẽn pʋgdã poore:

1. Tara yõod wʋsg dɩ d bʋgs a Zeova zʋg-kãsemsã zut sẽn na yɩl n pẽneg-a n paase. (Yɩɩl 143:5) [w00 15/10 s.n. 4 s. a 6]

2. Ra-pɛgd a yiibã rɩk n naag taabã yell b sẽn gom Ezekɩɛll 37:15-24 pʋgẽ wã paama pidsg tõnd wakatã me, bala yʋʋmd 1919 wã kɩs-sɩd dãmb nins sẽn zae ne vʋʋsem sõngã lagma taab Kirist sẽn yaa bãmb “rĩm a ye bal” la ‘nin-yend ning sẽn na n gʋʋl-bã’ sor-wilgr pʋgẽ. [Semen fãa Biiblã karengo; ges-y w88 15/9 s.n. 25 s. 13.]

3. Baa ne Biiblã yel-gẽnesdb sẽn kɩɩs tɩ b sẽn gom yɛl nins yell a Daniɛll sebrã pʋgẽ wã ka zĩndã, te-kʋdã b sẽn vaees n yã yʋʋma sẽn loogã pʋgẽ wã wilga vẽeneg tɩ b sẽn yeela yaa ziri. [si s.n. 139 s. a 4]

4. Tõnd sã n wʋm bũmb sẽn yit sebrẽ bɩ neb sẽn wõnd b bee bas-yardo, bɩ ned sẽn yet t’a tara bãng-kãseng nengẽ, d ka tar bʋʋm lɛ-lɛ n na n zãgs tɩ ka sɩd ye. [w00 1/12 s.n. 29 s. a 7-8]

5. Neb kẽer sẽn boond Hebre Gʋlsgã yaoolem sɛb 12 wã tɩ “no-rɛɛs bi wã”, sɩd yaa bilgr sẽn zems sẽn wilgd tɩ seb-kãensã yõod ka ta b taabã ye. [si s.n. 143 s. a 1]

6. A Zeova sẽn da wa n bool a Amos n tʋm-a t’a tɩ togs bãngr-goam Zida la Israɛllã, t’a ra yaa “no-rɛɛsdbã komdibli” ned a yembre. (2 Rĩm 2:3) [si s.n. 148 s. a 1]

7. Abdias 16 reng n togsame tɩ Edom neba buud na n wa menemame, b sẽn da kis Zida wã yĩnga. (Ab. 12) [Semen fãa Biiblã karengo; ges-y w89 15/4 s.n. 30 zĩ-gũbrã.]

8. “Buud-gomd sẽn yaa yɩlemdã” yell b sẽn gom Sofoni 3:9 pʋgẽ wã yaa sɩd ning sẽn tɩ loe ne Wẽnnaam la a raabã võor wʋmb sõma. [Semen fãa Biiblã karengo; ges-y w01 15/2 s.n. 27 s. 18.]

9. Bũmb ning sẽn kɩt t’a Zezi ra be yɩɩr kãseng pʋgẽ Gɛtsemane zẽedẽ wã ya a sẽn da na n ki wa bi-be-wẽngã tɩ na n wa wa ne yʋ-sãang a Zeova la a yʋ-sõngã zugã yĩnga. (Mat. 26:38; Luk 22:44) [w00 15/11 s.n. 23 s. a 1]

10. B sẽn bilg Zakari 9:6, 7 pʋgẽ tɩ “Filisti neba” na n lebga ‘wa Zida neba roog a yembrã’ yaa bãngr-gomd sẽn da reng n bilgd piis a taabã neba, ‘tʋm-tʋmd sẽn tũud sɩd la sẽn tar yamã’ sẽn kõt zãmsg rũndã-rũndã wã, la b kõt-b zu-sobend kẽerã. (Mat. 24:45) [Semen fãa Biiblã karengo; ges-y w95 1/7 s.n. 23 s. 14.]

Leok-y sogsg nins sẽn pʋgdã:

11. Wãn-wãn la b tõe n mak tõnd moonegã tʋʋmd ne tʋʋmd ning b sẽn da kõ a Ezekɩɛll t’a yɩ gũudã? (Eze. 33:1-11) [Semen fãa Biiblã karengo; ges-y w88 1/1 s.n. 28 s. 13.]

12. Bõe sẽn wõnd kõb-koeemsã a Ezekɩɛll sẽn yã vẽnegr pʋgẽ wã n zĩnd tõnd wakatã? (Eze. 37:5-10) [Semen fãa Biiblã karengo; ges-y w88 15/9 s.n. 24 s. 12.]

13. Kaset d sẽn tõe n kɩs sɩd ne n yɩɩd bʋg n wilgd t’a Zakari sebrã yaa Wẽnnaam vʋʋsmã n vẽneg tɩ b gʋlse? [si s.n. 169 s. a 5]

14. A Ezekɩɛll yãabã pʋgẽ, galʋ-tẽngã makda bõe? (Eze. 48:15-17) [Semen fãa Biiblã karengo; ges-y w99 1/3 s.n. 18 s. 22.]

15. Wãn-wãn la d tõe n tik bũmb ning b sẽn yeel Ezai 2:2-4 pʋgẽ wã zug n wilg tɩ yɛl nins sẽn maand Israɛll tẽngã pʋgẽ rũndã-rũndã wã ka pidsd Biiblã bãngr-goama? [rs s.n. 217 s. a 2]

16. Rĩma sẽn yeel tɩ b ka segd n pʋʋs wẽnnaam ba a ye bɩ ned a to n kos bũmb tɩ sã n ka yẽ bal rasem pis-tã pʋgẽ wã, a Daniɛll sẽn maan to-to yel-kãngã taoorã tõe n zãmsa tõnd bõe? (Dan. 6:7-10) [Semen fãa Biiblã karengo; ges-y dp s.n. 125 s. 25-s.n. 126 s. 28.]

17. Yaa b sẽn da wa n moond a Zeova koe-bʋg la kellã sẽn zae ne vʋʋsem sõngã yɩ wala gɩgemd tẽn-tẽnsã sʋka? (Mii. 5:7) [Semen fãa Biiblã karengo; ges-y w81 15/10 s.n. 23 s. 10.]

18. B sẽn yeel Habakuk 3:14 pʋgẽ tɩ ‘yãmb kɩtame t’a meng pɛɛm kõs a tãb-biisã naabã’ võor yaa bõe? [Semen fãa Biiblã karengo; ges-y w00 1/2 s.n. 22 s. 15; w81 1/11 s.n. 29 s. a 6-7.]

19. B sẽn tũnug ne gom-biig ning sẽn yaa “daar ninga” Sofoni 2:3 pʋgẽ wã wilgda bõe? [Semen fãa Biiblã karengo; ges-y w01 15/2 s.n. 19 s. a 8.]

20. Sã n yaa ne Zakari 8:6, sẽn sɩng ne yʋʋmd 1919 wã, wãn-wãn la a Zeova maan bũmb sẽn wõnd a tõe n yɩɩ toog wʋsg ne ninsaalba? [Semen fãa Biiblã karengo; ges-y wMM96 1/1 s.n. 24 s. 18-19.]

Bao-y gom-biig wall gom-biis sẽn yaa tɩlae wã n lok goam nins sẽn pʋgdã:

21. Tõnd gomda ne Wẽnnaam n tũnugd ne __________________________ , sẽn yaa baleng goam buud d sẽn tũnugd ne n gomd ne Wẽnnaamã. Wẽnnaam me sẽn tũnugd ne bũmb ning n gomd ne tõnd n yɩɩd ya a __________________________ . (Yɩɩl 65:2; 2 Tɩm. 3:16) [w00 15/10 s.n. a 5 s. a 2-3]

22. D tõe n bãngame tɩ ya a Zezi Kirist la a Misɛlle, d sã n mak Ziid 9 ne 1 Tesalonik rãmba 4:16. Beenẽ b bilga noor ning a Zezi sẽn kõ tɩ vʋʋgrã sɩngã wala “ __________________________ .” Sẽn paase, yʋʋr ning sẽn yaa Misɛllã võor yaa “ __________________________ ,” tɩ rẽ wilgd vẽeneg tɩ ya a Zezi Kirist la a soab ning sẽn lʋɩt taoor n teend a Zeova naam sẽn-ka-to wã la a sãamd Wẽnnaam bɛɛbã. [rs s.n. 211 s. a 4-s.n. 212 s. a 1]

23. “B sẽn kõ noor tɩ b le me Zerizalɛma” yɩɩ __________________________ , tɩ rẽ yɩ yʋʋm semen dãmb 69 wã sɩngre. Yʋʋm semen dãmb 69 kãens saa Mesi wã pukrẽ __________________________ . (Dan. 9:25) [Semen fãa Biiblã karengo; ges-y dp s.n. 190 s. 20–​s.n. 191 s. 22.]

24. Zoɛll 3:4 __________________________ sẽn gomd wĩndg sẽn na n lebg likã yellã wõnda Matɩe 24:29, 30 sẽn yetã, zĩig ning __________________________ sẽn bilg t’a na n waa wala ninsaal Biigã ne __________________________ . [si s.n. 148 s. 13]

25. A __________________________ bãngr-gomdã sẽn tɩ loe ne Asiiri la a na-tẽngã sẽn yaa __________________________ , pẽgda a Zeova sẽn yaa tɩrg la a sẽn ka to wã, la a leb n kõta tõnd bas-yard t’a Zeova na n kaoo nin-wẽnsã bʋʋdo. [si s.n. 160 s. 11]

Yãk-y leoor nins sẽn zemsã, goam nins sẽn pʋgdã pʋsẽ:

26. A Ezekɩɛll sebrã wilgda vẽeneg t’a Zeova yaa (kõata; sik-m-meng soaba; sõngo) la a wilgdẽ tɩ (zʋg-sõng baoobo; a Zeova yʋʋrã pekre; yag-sõng yɩɩbo) tara yõod n yɩɩd bũmb a taabã fãa. [si s.n. 138 s. 33]

27. A Ezekɩɛll sẽn vɩɩmd ne a Daniɛll wakat yɛngã, wilgame t’a Daniɛll yɩɩ ned sẽn sɩd zĩndi, n tol n sõdg a yʋʋr ne (a Nowe la a Zoobe; a Moiiz ne a Zozue; a Eli ne a Eliize). [si s.n. 138 s. a 2]

28. Sẽn zems ne Daniɛll 2:34, 35, 45, kugr ning sẽn wa n zãb bõn-naandgã t’a wã wã makda (Armagedõ; bʋ-kaoor koe-toosã Wẽnnaam nin-buiidã sẽn moondã; Mesi Rĩungã). [si s.n. 142 s. 20-s.n. 143 s. 23]

29. Makr wɛɛngẽ sʋyã buud yell b sẽn gom Zoɛll 1:4-6 makda (Israɛll buudã; kiris-neb sẽn zae ne vʋʋsem sõngã; Rom tãb-biisã). (Tʋʋ. 2:1, 14-17) [Semen fãa Biiblã karengo; ges-y wMM98 1/5 s.n. a 15 s. a 9.]

30. “Bãmb Bi-nongra soolem” yell b sẽn gom Kolos rãmba 1:13 pʋgẽ wã yaa (Mesi Rĩungã; Kirist sẽn dɩt naam kiris-neb tigingã zug yʋʋmd 33 Pãntekotã tɛk n tar n watẽ wã; Kirist yʋʋm tusr naamã). [rs s.n. 341 s. a 4]

Lagm-y verse nins sẽn pʋgdã ne goam nins sẽn be tẽngrã tɩ zemse:

Oze 6:6; Zoɛll 3:5; Zak. 4:6, 7; 13:3; Rom 12:2

31. Tõnd ka tog n bas tɩ dũni kãngã yam bɩ a noy sãam tõnd tagsgã ye. [w00 1/11 s.n. 21 s. a 5]

32. Bũmb ning sẽn noom Wẽnnaam ka d sẽn na n modgd n tʋmd tʋʋm wʋsg sẽn zems ne tũudmã noy bal ye, la yaa d sẽn na n sakd-a ne nonglem d sẽn mi-a wã yĩnga. [Semen fãa Biiblã karengo; ges-y si s.n. 145 s. 16.]

33. D sã n dat n paam fãagre, rɩlla d bãnge, n waooge, la d teeg a soab ning sẽn zãad Wẽnnaam yʋʋrã. [Semen fãa Biiblã karengo; ges-y w89 15/3 s.n. 30 zĩ-gũbrã.]

34. Wẽnnaam daabã sẽn paamd pidsgã ka ne ninsaal pãng ye, la yaa ne a vʋʋsem sõngã sẽn sõngd a sõgen dãmbã tɩ b tõogd yɛl sẽn wõnd wa tãensã la b ket n pẽdgd Wẽnnaam tʋʋmdã pʋgẽ wã maasem. [si s.n. 168 s. a 2]

35. Sakr la kɩs-sɩd yam ning sẽn be a Zeova siglgã pʋgẽ wã yɩɩda sẽn be ninsaalb ne taab sʋka, wala neb sẽn kĩ ne taab sʋka. [si s.n. 171 s. 24]