Koeese
◼ Sɛb nins d sẽn na n kãab yʋʋm-vẽkr kiuugã: Sebr buud fãa b sẽn yiis tɩ yʋʋmd 1988 wã nan ka ta, tɩ tigingã tarẽ. Yãmb sã n ka tar seb-kãensã, bɩ y ges tigims a taab sẽn pẽ sã n tar-b-la wʋsg tɩ y tõe n kos n tall n moone. Tigims nins sẽn pa tar seb-kʋdã tõe n kãaba L’humanité à la recherche de Dieu sebrã. Wao-fugdg kiuugã: Approchez-vous de Jéhovah. Seb-kãngã sã n ka be bɩ y kãab La vie : comment est-elle apparue ? Évolution ou création ? sebrã bɩ La Révélation : le grand dénouement est proche ! sebrã. Tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. D segd n modgame n sɩng Biibl zãmsg ne nebã. Neba sã n zoe n tara seb-kãngã, b tõe n kãaba Prêtons attention à la prophétie de Daniel ! sebrã. Tʋʋl-nif kiuugã: Gũusg Gasgã la Réveillez-vous ! wã zʋrno rãmb kãabgo. Y sã n wa lebgd n tʋgd n get neb nins sẽn dat n bãng n paasã bɩ y kẽng neb nins sẽn wa Tẽegrã bɩ tigisg a to, la sẽn nan ka lagemd ne siglgã. Modg-y n kãab Adorez le seul vrai Dieu sebrã. Y segd n maana y sẽn tõe fãa n sɩng Biibl zãmsg ne nebã, sẽn yɩɩd fãa a soabã sã n zoe n zãmsa Bãngr sebrã la Baood seb-bilã.
◼ Sẽn sɩngd ne wao-fugdg kiuugã la tʋʋlg kiuugã rasem a 7 sʋka, zãma sõs-paalg ning tigims gĩn yel-gɛtbã sẽn na n kõ wã gom-zug yaa: “Ãnda soab noy la yãmb nonga?”
◼ Rõandã, tigimsã segd n segla sõma n maan Tẽegrã hatã, tʋʋl-nif kiuugã rasem a 4, wĩndgã kõom poore. Baa ne b sẽn tõe n deng n sɩng sõasgã pĩndã, burã la divẽ wã pa segd n pɩʋʋg tɩ pa wĩndgã kõom poor ye. Bao-y n bãng wĩndgã sẽn lʋɩt wakat ning yãmb babgẽ wã. Sẽn mik tɩ sã n ka moonegã yiib tigisga, b ka tõe n maan tigsg a to baraarã, b segd n maana Gũusg Gasgã zãmsg wakat a to. Tigims gĩn yel-gɛtbã segd n manega b tigissã na-kẽndr semen kãng tɩ zems ne tiging ning b sẽn kaagdã yɛl sẽn yaa to-to. Baa sẽn yaa sõma tɩ tiging fãa maan Tẽegrã a toorã, pa wakat fãa la rẽ tõe ye. Zĩis nins tigims wʋsg sẽn tũnugd ne Rĩung Roog a ye wã, tiging a ye bɩ sẽn yɩɩd woto tõe n baoo zĩig a to zaab-kãnga. Zĩig ning rẽ sẽn tõe fãa, d sagendame tɩ wakat ning sẽn welgd tigissã ne taabã ta minit 40 bɩ yɩɩg woto tɩ neba fãa tõog n dɩ tigisgã nafa tɩ pidi. B segd n gũus n gesame tɩ nebã kẽn ra wa ne tiisgu, la b ges bõn-zombdɩ wã gaarg yelle, la nebã sikr la b rɩkr me yelle. Kãsem dãmbã sull segd n dɩka sard n ges segls nins sẽn na n yɩ sõma n yɩɩd bãmb zĩigẽ wã.