Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2004, sigr kiuugã rasem 28 semenã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2004, sig-noy kiuugã rasem a 3 semenã n tɩ ta sigr kiuugã rasem 28 semenã zutu. [Vẽnegre: Zĩis nins b sẽn ka ning sɛb zĩig sokrã poorã, y segd n vaeesa y toor n bao leoorã.—Ges-y École du ministère, s.n. 36-7.]
SÕASG MINIM
1. Yel-bʋs n tõe n kɩt tɩ d sã n kõt sõasg tigingã pʋgẽ bɩ d pa gomd wala d sẽn minim n gomd to-to raasenkamã? [be s.n. 179 s. a 4]
2. Bõe yĩng tɩ d sã n dat n maneg d koe-zomã, pa d sẽn na n vʋʋs sõma la d yoms d gĩinã bala? [be s.n. 181 s. a 2]
3. Tõnd sã n wa taasd neba Biiblã zãmsgo, bõe ne bõe la d tõe n maan ‘n lebg bũmb fãa neb buud fãa yĩnga’? (1 Kor. 9:20-23) [be s.n. 186 s. a 2-4]
4. Tõnd moonegã pʋgẽ, d sã n dat n kelg neere, baoodame tɩ d maan bõe? [be s.n. 187]
5. Bõe yĩng tɩ tar yõod tɩ d waoog neb nins fãa d sẽn segd moonegã wakate? [be s.n. 190]
SÕASG No a 1
6. Sẽn zãmsd-b neb a taabã Wẽnnaam goama bõn-datl la bʋgo, la bõe n na n sõng-d tɩ d pids bõn-datl kãnga? (Mat. 5:16; Zã 7:16-18) [be s.n. 56 s. a 3–s.n. 57 s. a 2]
7. Bõe yĩng tɩ yaa sõma tɩ d sã n zãmsd neb bɩ d wilg yɛlã sẽn welg ne taab to-to, la wãn to la a Zezi tũnug ne manesem kãngã a zãmsga pʋgẽ? [be s.n. 57 s. a 3; s.n. 58 s. a 2]
8. Sẽn yaa lebend ne Fariziẽ rãmbã zãmsgo, wãn to la a Zezi zãmsgã kẽ neba sũyã? [be s.n. 59 s. a 2-3]
9. Wãn to la d tõe n sõng nebã tɩ b tũ d sẽn zãmsd-b bũmb ningã, la d ra rɩk sard b zĩigẽ? [be s.n. 60 s. a 1-3]
10. Neb a taabã sã n maan tõnd sogsg sẽn tɩ loe ne yɛl bãmb mensã sẽn segd n dɩk sard zutu, tõnd manesem segd n yɩɩ wãn-wãna? [be s.n. 69 s. a 4-5]
SEMEN FÃA BIIBLÃ KARENGO
11. Bõe yĩng t’a Moiiz ra segd n ‘maan sɛk zĩigã ne a teeda fãa tɩ zems wa Wẽnnaam sẽn wilg-a wã’? (Yik. 25:9) [it-2 s.n. 1031 s. a 5]
12. Leokr ning a Aarõ sẽn leok a Moiiz sãnem nag-bilã yell wɛɛngẽ wã tõe n zãmsa tõnd bõe? (Yik. 32:24)
13. Israɛll nebã sẽn da tall tẽeb n sak n tũ a Zeova noorã sẽn be Yikri 34:23, 24 pʋgẽ wã zãmsda tõnd bõe?
14. Laafɩ maoongã bõn-datl ra yaa bõe? (Maan. 3:1)
15. Wãn-wãn la noy nins b sẽn tũ n zĩnig a Aarõ a tʋʋmdẽ wã, tɩ be Maankʋʋr 8:23 pʋgẽ wã reng n makd a Zezi? [it-2 s.n. 460 s. a 3; w68 s.n. 624 s. 24]