Sosiete wã tʋʋmd will lɛtere

Rĩungã koe-moondba:

Sosiete wã tʋʋmd will rot sẽn be Etazĩni wã paama sɛb yiisg masĩn dãmb n paase, tɩ b tar-b n tʋmdẽ. Sɛb yiisg masĩn dãmb a yiib la b lugl-yã, tɩ masĩn fãa tõe n yiis zʋrno rãmb 90 000 lɛɛr pʋgẽ, n paas masĩn paal a taab sẽn tõe n yiis sɛb 120 poay sẽn tagem minit pʋgẽ. B sẽn yiis masĩn dãmbã n tɩ vigl Wollkillã, kɩtame tɩ b tõog n koos roog ning sẽn be sor ning b sẽn boond tɩ 360 Furman Street noorã, sẽn be Bruklinnã. Masã, saam-biisã tʋmda wʋsg n manegd rot nins sẽn yɛgd sor ning b sẽn boond tɩ Adams Street nimero 117 wã zĩigẽ, sẽn na yɩl t’a tõog n deeg biru rãmb nins b sẽn na n yik roog ning sẽn yɛgd sor ning b sẽn boond tɩ Furman Street nimero 360 zĩigẽ.

Sɛbã yiisg zĩig sẽn toeemã yĩng kɩtame tɩ sẽn zems saam-biis la saam-bi-pogs 300 na n yi Bruklin n kẽng Wollkill. Sẽn paase, b yiisa tʋm-tʋmdb sõor sẽn zems 100, sẽn get tʋʋmdã will ordinatɛɛr dãmb la yɛlã na-kẽndr siglg yell Wollkillã n kẽng ne Bruklin, zĩig ning b sẽn maand kɩbayã siglg biru tʋʋmd n yɩɩd masã wã.

Tẽegrã wakat yɩɩ sasa d sẽn moon ne yẽesem Afirik nin-taoor la a tẽn-sʋk tẽnsã pʋsẽ. Sõngr so-pakdbã sõor zãng yɩɩ 6 304 tʋʋl-nif kiuugã. Tʋʋmd yʋʋmdã tõr fãa pʋgẽ, koe-moondb sõor sẽn sãd paal la b paam tõnd babgã tẽns fãa pʋsẽ la bala. Wala makre Gabõ paama koe-moondb 2 414, tɩ Gãmbi paam 165, tɩ Senegall paam 996, tɩ Togo paam 13 016. Biis a woto d sẽn paamã wilgdame tɩ tara yõod wʋsg tɩ sebrã zãmsg yel-gɛtb sagl koe-moondbã tɩ b moon koe-noogã, la b reesd moonegã tʋʋmd kɩbay sɛb kiuug fãa. Fɩɩg-kãseng me n zĩnd sõngr so-pakdbã sõorẽ. Masã b sõor yaa 1 678 Kamerunni, 692 Benẽ, tɩ rẽ yaa koe-moondb a 6 la a 9 koabg zug koe-moondbã fãa sõor zug tẽn-kãensã pʋgẽ. Sẽn na n baase, d sã n ges Tẽegrã watb sõor nins d sẽn zoe n paamã, neb sõor sẽn waoog wʋsg n wa Soaalã Zaabr dɩɩbẽ. D gũuda ne yãgb n na n taas-y neb nins sẽn wa wã fãa sõore, d sã n wa paam watbã fãa sõor zãnga.

Masã d sẽn sɩngd yʋʋmd 2005 wã tʋʋmd yʋʋmdã, d gũuda ne yãgb n na n naag-y n “maan Zusoabã tʋʋmd wʋsgo.”—1 Kor. 15:58.

Yãmb saam-biisã,

Sosiete wã tʋʋmd willi