Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2005, yʋʋm-sar kiuugã rasem 26 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2005, sɩpaolg kiuugã rasem a 7 semennã n tɩ ta yʋʋm-sar kiuugã rasem 26 semennã zutu. [Vẽnegre: Zĩis nins b sẽn ka ning sɛb zĩig sokrã poorã, y segd n vaeesa y toor n bao leoorã.—Ges-y École du ministère, s.n. 36-7.]
SÕSG MINIM
1. Wãn-wãn la d tõe n maan n kõ d saglsã “ne nonglem”? (File. 9) [be seb-neng 266]
2. Wãn to la d tõe n “zãms neb a taab sɩdã”? (Tɩt 1:9) [be seb-neng 266 sull a 5, n tɩ ta seb-neng 267 sull a 1]
3. Bõe yĩng tɩ tar yõod tɩ d kɩt tɩ d sõssã keng d kɛlgdba raoodo, la wãn to la d tõe n maan dẽ? [be seb-neng 268 sull a 1-3, zĩ-gũbrã]
4. D sã n maan wa a Moiizi, n sõng neb a taabã tɩ b tẽeg bũmb nins a Zeova sẽn maan n kõ a nin-buiidã, wãn to la rẽ na n keng b raoodo? (Tõo. 3:28; 31:1-8) [be seb-neng 268 sull a 5 n tɩ ta seb-neng 269 sull a 2]
5. Bõe yĩng tɩ d goamã sã n wilgdẽ tɩ tõnd meng sũur yaa noog ne bũmb nins a Zeova sẽn maand rũnda-rũndã wã, la ne a sẽn na n maan beoog-daarã me, rẽ kengd tõnd kɛlgdbã pɛlga? [be seb-neng 270-1]
PIPI KAREN-BIIGA
6. Sɛptãntã yaa bõe, la bõe yĩng tɩ kiris-nebã baood n na n bãng-a? [si seb-neng 307 sull 12 n tɩ ta seb-neng 310 sull 14]
7. Masorɛt dãmbã ra yaa ãnd dãmba, la wãn to la b sõng Biiblã lebgr wɛɛngẽ? [si seb-neng 310 sull 18; seb-neng 311 sull 20-1]
8. B tika bõe zug n lebg ãngilindã Biibl lebgr ning sẽn yaa Traduction du monde nouveau wã babg ning sẽn yaa Hebre Gʋlsg Sõamyã, la bõe yĩng tɩ b tõe n yeel tɩ lebg-kãngã bee bas-m-yam? [si seb-neng 312 sull 28, 30]
9. Wãn to la pipi kiris-nebã wilg tɩ b ra tʋlla ne b sũy fãa n taas nebã Wẽnnaam Gomdã? [si seb-neng 315 sull a 1-5]
10. D sã n paam Gʋlsg Sõamyã sɛb nins b sẽn da gʋls ne nugã n vaeese, na n wilga bõe Biiblã wɛɛngẽ? [si seb-neng 320 sull 32]
SEMEN FÃA BIIBL KARENGÃ
11. Wẽnnaam sẽn pa kõ a Davɩɩd sor t’a me wẽn-doogã wilgdame t’a Zeova ra pa sak zab nins a Davɩɩd sẽn zabã bɩ? (1 Kib. 22:6-10)
12. Pʋʋsg ning a Salomo sẽn maan Wẽnnaam doogã pakr sasa wã pʋgẽ, wãn to la a sak n deeg t’a Zeova pa get a sõgen dãmbã fãa sẽn lagem taab yell bala, la t’a leb n geta b yembr-yembr fãa, ned ning fãa sẽn zoet-a yelle? (2 Kib. 6:29, 30)
13. “Zĩn dãmb sẽn wõnd boeesã” yell b sẽn gom 2 Kibay 11:15 (NW) pʋgẽ wã yaa bõe?
14. A Baesa naamã sɩnga “a Aza sẽn deeg naam tɩ yʋʋm tãablẽ,” la a kaoosa yʋʋm 24 bala. La b ye wilgame t’a Baesa kẽngame “n tɩ zab ne Zida nebã,” b naab “a Aza sẽn deeg naam tɩ yʋʋm pis-tã la a yoaablẽ.” Gom-kãensã pa kɩɩsd taab sɩda? (1 Rĩm 15:33; 2 Kib. 16:1)
15. Wãn to la 2 Kibaya 20:22, 23 bilgd bũmb ning sẽn na n paam a Sʋɩtãan dũniyã ka la bilfã vẽenega?