Koeese

◼ Wao-fugdg kiuugã, d na n kãaba Approchez-vous de Jéhovah. Seb-kãng sã n kaẽ, y tõe n kãaba Révélation : dénouement sebrã wall seb-kʋd a taab y sẽn tare. Tʋʋlg kiuugã, d na n kãaba Biiblã sɩd yetame tɩ bõe wã la d modg n sɩng Biiblã zãmsg ne nebã. Tʋʋl-nif la sig-noy kiisã: Kãab-y Gũusg Gasgã la Réveillez-vous ! wã. Y sã n wa lebg n na n tɩ kaag neb nins sẽn dat n bãng koɛɛgã n paasã, bɩ y ra yĩm neb nins sẽn wa Tẽegrã bɩ tigingã tigiss a taaba, la sẽn nan pa tigingã nebã yell ye. Modg-y n bas Biiblã sɩd yetame tɩ bõe wã ne nebã. Y segd n maana y sẽn tõe fãa n sɩng Biiblã zãmsg ne nebã.

◼ Tʋʋl-nif kiuugã sẽn tar wɩkɛn dãmb a nu wã a zemsa ne sõngr so-pakrã rɩkre.

◼ Yʋʋmd 2006 Tẽegrã poor sõsg sẽn yaa toor zallã gom-zug na n yɩɩ: “Yaa Wẽnnaam n ket n dɩt naam bɩ?” Ges-y koɛɛg sẽn tɩ loe ne rẽ wã sẽn be yʋʋmd 2005 bõn-bɩʋʋng kiuugã Rĩungã Tʋʋmd pʋgẽ.

◼ B na n wɛgsa seb-neng a 6 soabã gom zug sẽn yet tɩ “D kɩt tɩ Biiblã sɩd yetame tɩ bõe sebrã zãmsg tall yamleoogã” tʋʋl-nif rasem a 3 semennã Tʋʋmd tigisgẽ. Bĩng-y sõs-kãng la sebrã zãmsg na-kẽndr sẽn naag-a wã.

◼ Yel-gɛtb taoor-lʋɩtã bɩ ned a sẽn yãk segd n vaeesa tigingã ligdã gɛɛl tʋʋlg kiuugã pipi raar bɩ tao-tao rẽ poor bilf bala. Rẽ maaneg poor bɩ b togs tigingã ligdã gɛɛla koɛɛg kareng ning sẽn na n pʋglã poore.

◼ Sekertɛɛrã ne tʋʋmdã yel-gɛt segd n gesa wakat fãa so-pakdbã fãa tʋʋmde. Kãsem dãmba segd n maana segls n sõng sẽn yaa toog ne b rãmb nins fãa tɩ b paam b lɛɛr dãmbã. Lebg-y n ges-y yʋʋmd-yʋʋmd lɛta wã (S-201) n paam saglse.