Wẽnnaam tʋʋmdã lekoll lebg-n-gese

B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2008, sa-sik kiuugã rasem 25 semennã. Lekollã yel-gɛt na n maana minit 30 lebg-n-gese, n tik sõss nins b sẽn wɛgs yʋʋmd 2008, sẽoog kiuugã rasem a 7 semennã n tɩ tãag sa-sik kiuugã rasem 25 semennã zutu.

SÕSG MINIM

1. D sã n wa sõsd ne nebã Wẽnnaam Gomdã zugu, wãn to la d tõe n wilg tɩ d maanda sũ-mar ne-ba? (Fil. 4:5) [be seb-neng 251 sull a 3]

2. Wãn to la a Poll sẽn maan to-to n sõs ne gɛrk rãmbã Areopaazẽ wã sõngd tõndo, d sã n wa moond neb sẽn pa tẽed Biiblã? (Tʋʋ. 17:22, 23) [be seb-neng 252 sull a 1-2]

3. D sã n sok ned bũmb t’a leok tɩ pa zemse, wãn to la d tõe n wilg tɩ d yaa wʋmda? [be seb-neng 253 sull a 1-2]

4. D sã n wa modgd n dat n gom tɩ nebã kɩs sɩd ne d sẽn yetã, bõe la d pa segd n yĩmi? [be seb-neng 255 sull a 3, la zĩ-gũbrã]

5. Wãn to la d tõe n wilg tɩ d yaa yam soaba, d sã n wa baood n na n gom tɩ kẽ d kɛlgdbã sũyã? (Yel. 20:5) [be seb-neng 258 sull a 1-seb-neng 259 sull a 1]

PIPI SÕSSÃ

6. Wẽnnaam tʋʋmdã lekoll sasa, saam-bi-poak sã n dat n yãk zĩig n mams t’a bee zĩ-kãng n sõsd ne neda, bõe la a pa segd n yĩmi? [be seb-neng 44 sull a 5-6]

7. Saam-biig sã n wa wɛgsd Biiblã zĩis nins d sẽn karem semennã pʋgẽ wã, bõe la a segd n bao n maane? (Neh. 8:8) [be seb-neng 47 sull a 2-3]

8. Tʋʋmdã tigisg sasa, saam-biig sã n segd n bool neb n soke, bɩ n kɩt tɩ neb maan mak-n-wilgi, bõe la a segd n deng n maane? [be seb-neng 49 sull a 5]

9. Wãn to la Tʋʋm sebrã wilgd d sẽn segd n moom koɛɛgã to-to wã, la d sẽn segd n moon n ta zĩig ningã? (Tʋʋ. 20:20, 21; 28:23) [si seb-neng 204 sull 35]

10. Bõe la zãmã taoor sõsd segd n maan n wilg t’a sõsgã tika Biiblã zugu? (Tʋʋ. 17:2, 3) [be seb-neng 52 sull a 6–seb-neng 53 sull a 2]

BIIBLÃ KARENG SEMEN-SEMENNÃ

11. Bõe yĩng tɩ Filip bi-bees roog naabã bao “n na n kʋ a menga”? (Tʋʋ. 16:25-27) [w90 15/5 seb-neng 25, la zĩ-gũbrã]

12. A Aristark ne a Gaiyus manesem yɩɩ wãn nebã sẽn wa n namsd-bã? (Tʋʋ. 19:29; 20:4, 5) [w08-MM 1/2 seb-neng 14 sull 16-17]

13. B sẽn yeel t’a Soll “kõsda a meng ne pĩimã” rat n yeelame tɩ bõe? (Tʋʋ. 26:14, NW ) [w03 1/10 seb-neng 32]

14. Wãn to la ‘yel-wẽnã paamd pãng tõogã yĩnga’? (Rom 7:8, 11) [w08-MM 1/6 “A Zeova Gomdã vɩɩme: Rom dãmb sebrã vaeesgo”]

15. Wãn to la d tõe n ‘rʋʋg bug-saal d bɛ zugu’? (Rom 12:20) [w08-MM 1/6 “A Zeova Gomdã vɩɩme: Rom dãmb sebrã vaeesgo”]