Wẽnnaam tʋʋmdã lekoll lebg-n-gese

B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2009, wao-fugdg kiuugã rasem 23 semennã. Lekollã yel-gɛt na n maana minit 20 lebg-n-gese, n tik sõss nins b sẽn wɛgs yʋʋmd 2009, yuum-vẽkr kiuugã rasem a 5 semennã n tɩ tãag wao-fugdg kiuugã rasem 23 semennã zutu.

1. Sẽn mik tɩ Wẽnnaam naana wĩntoogã, kiuugã la ãdsã rasem a naas-n-soabã, wãn to la vẽenem da tõe n zĩnd pipi daarã? (Sɩng. 1:3, 16) [w04-MM 1/1 seb-neng a 6 sull a 5]

2. Bõe yĩng t’a Zeova pa yeel a Nowe t’a tõog dũniyã wa a sẽn da yeel a Ãdem sẽn da zems zãngã? (Sɩng. 9:1) [it-1 seb-neng 788 sull a 6]

3. Wakat bʋg la kaool ning Wẽnnaam sẽn maan ne a Abrahaamã sɩng-yã, la a kaoosa wakat a wãna? (Sɩng. 12:1-4) [w04-MM 1/2 seb-neng 14 sull a 4; w01-MM 1/9 seb-neng a 9 sull 13]

4. Bõe n wilgd t’a Nimrood ne a poorẽ dãmbã pa tõog n ‘maan yʋʋr b mens yĩng’ wa b sẽn da ratã? (Sɩng. 11:4) [w98 15/3 seb-neng 25]

5. Sẽn mik tɩ b yeela 2 Pɩɛɛr 2:7 t’a Lot yaa nin-tɩrgã, bõe yĩng t’a sak n na n dɩk a kom-pugli wã n kõ kʋʋngã? (Sɩng. 19:8) [w05-MM 1/2 seb-neng 30 sull 15-16; w04-MM 1/2 seb-neng 15 sull a 1]

6. Sẽn mik tɩ pʋg-sɩdb nins sẽn zoet Wẽnnaamã segd n gesa b zak rãmb yellã, bõe yĩng t’a Abrahaam sak n dig a Agaar ne a biig a Ismaɛll tɩ b kẽng weoogẽ? (Sɩng. 21:10-21; 1 Tɩm. 5:8) [w88 15/2 seb-neng 31]

7. A Eliezɛɛr sẽn modg n tũ a Zeova sẽn yeel-a bũmb ning a sẽn wa n na n tɩ bao pag n kõ a Izaakã zãmsda tõnd bõe? (Sɩng. 24:14, 15, 17-19, 26, 27) [w97 1/1 seb-neng 31 sull a 2]

8. A Zakoob sẽn zãms n yã malɛgs sẽn dʋʋd radg la b sigdã võor yaa bõe? (Sɩng. 28:10-13) [w03 15/10 seb-neng 29 sull a 1; it-1 seb-neng  683]

9. Bõe yĩng t’a Rasɛll da rat a Lea biigã mandragoor rãmbã ne a sũur fãa? (Sɩng. 30:14, 15) [w04-MM 1/2 seb-neng 16 sull a 7]

10. Mo-yõsã welgr wɛɛngẽ, mak-sõng bʋg la a Zakoob kõ tõndo? (Sɩng. 33:3, 4) [g82 22/5 seb-neng 19 sull a 8-10]