Koeese

◼ Seb nins d sẽn na n kãab sa-sik kiuugã: Yaa seb-biy nins sẽn tar seb-nens 32 wã. Bõn-bɩʋʋng kiuugã: Biiblã sɩd yetame tɩ bõe? sebrã. Y segd n modgame n sɩng Biiblã zãmsg ne nebã seb-kãnga pʋgẽ y pipi sõsgã sasa. Zĩ-likr kiuugã: Gũusg Gasgã la Réveillez-vous ! wã. Ned sã n wilg t’a rat n bãng n paasame, bɩ y tũnug ne Yãmb dat n bãnga sɩdã bɩ? seb-vãoogã n sɩng Biibl zãmsg ne-a. Sɩpaolg kiuugã: D na n kãaba La Bible — Quel est son message ? seb-bilã dũniyã gill zugu.

◼ D tẽegda tigimsã sekertɛɛr dãmb tɩ sa-sik kiuugã yaa yʋʋmdã yaoolem kiuugu. B segd n modgame n tool b tigimsã rapoor dãmb tɩ ta filiyallã tao-tao. Zĩis nins sẽn tõeyã, y tõe n tũnuga ne e-mail n tool tigimsã rapoor dãmbã, www.pr2711.com tao-tao. Sẽn paase, y segd n modgame n paam rapoor dãmbã fãa, baa ne rapoor dãmb nins y sẽn da pa paam kiis nins sẽn loogã. Koe-moond sẽn da pa kɩs a rapoor dãmb sã n wa na n kɩse, segd n yɩɩ kiuug fãa ne a rapoore. Sekertɛɛrã pa segd n sõd nebã sõor ye. A segd n sõda rapoor dãmbã sõore.

◼ Bõn-bɩʋʋng kiuugã sɩngr tɛka, tigims sull yel-gɛtbã zãma sõsgã gom-zug na n yɩɩ: “Wẽnemd-y y neng n da ges bõn-zaals ye!”

◼ Tigimsã segd n sɩnga Calendrier des Témoins de Jéhovah 2011, D vaees Gʋlsg Sõamyã daar fãa 2011 la Annuaire des Témoins de Jéhovah 2011 kosgo, b sɛbã kosg sebr ning sẽn na n pʋglã pʋgẽ. Buud goam nins pʋsẽ seb-kãensã sẽn na n yi wã, b na n wilga koɛɛg ning b sẽn taasd tigimsã kiuug-kiuugã pʋgẽ.

◼ B segd n sõda tigingã sɛb fãa yʋʋmd 2010 sa-sik kiuug rasem 31 wã bɩ rẽ poor bilfu. Sõd-kãngã ne sõdg ning sɛbã yel-gɛtb taoor-lʋɩtã sẽn maand kiuug-kiuugã yaa yembre, la b segd n gʋlsa sɛbã sõor zãng formilɛɛr (S-18) zugu. Sok-y sẽn get-b periodik rãmbã yellã n bãng periodik rãmbã sõor zãnga. Tigims nins sẽn lʋɩt taoorã fãa na n paama formilɛɛr (S-18) rãmb a tãabo. D bõos tɩ y tool Betɛllã orizinallã tɩ bõn-bɩʋʋng kiuugã rasem a 6 ra loog ye. Bĩng-y a ye yãmb tigingã sɛbẽ. B tõe n dɩka tãab-n-soabã n maan buryõ.