Koe-moonegã kibaya

◼ Rɩẽ sa-sik kiuugã pʋgẽ, rasem a tãab tigs-kãseng la b maan Kamerun mugsã la wʋnsã yĩnga. Yɩɩ Kamerun saam-biis n wɛgs sõssã fãa ne Amerik mugsã goamã. B ra nan zɩ n maan a buud tẽn-kãng pʋgẽ ye. Neb nins sẽn kẽngã sʋka, kẽer ra nan zɩ n tog so-wok ye. La b sũur yɩɩ noog wʋsgo, b sẽn paam n naag b saam-biisã la b saam-bi-pogsã n tog sor na maan kilo kobs n kẽng rasem a tãab tigs-kãsengẽ wã. Sẽn kẽng-b tigs-kãsengã sõorã yɩɩ 523, tɩ b sʋka neb 220 yaa mugsi.