Koe-moonegã kibaya

◼ Sẽn nan pa kaoose, d tẽed-n-taasã sẽn be Kamerunnã paama tigims ne buud-gomd b sẽn boond tɩ pidzĩn. Yʋʋmd 2014 sɩpaolg kiuug pipi daarã, b lugla tigims a yoob la sull a yembr ne buud-gom-kãngã, tɩ koe-moondbã sõor kolg 791. Ad d sũur yaa noogo, d sẽn paam n taasd nebã koe-noogã ne buud-goam b sẽn wʋmd sõma wã! B magdame n na n yiis sɛb ne pidzĩn koe-moonegã yĩnga. Hakɩka, “koe-noog sẽn ka sɛta” tata neb sẽn gomd goam toɛy-toɛy dũniyã gill zugu.—Wil. 14:6.