Koe-moonegã kibaya

Repiblik Sãntrafrikɛn, b yiisda Gũusg Gasgã, ne sɛb a taaba, n paas video-rãmb ne sango sẽn yaa tẽngã buud-gomd ning neb wʋsg sẽn gomdã. Tẽngã wĩndg sẽn lʋɩtẽ wã, b lebgda sɛbã ne gbaya me.

Yʋʋmd 2014 sɩpaolg kiuugã, b lugla biru Kelo sẽn be Tsaad soolmẽ wã, tɩ b lebgd sɛbã ne lele, moundang, ngambay, la ne sar.

D sɛbã lebgr paamda pãng wʋsg Kamerun. Yʋʋmd 2014 sa-sik kiuugã baasgẽ, b lugla sul a yiibu, n sõng d tẽed-n-taas tɩ b paam minim n tõog n lebg sɛbã ne pidgin (Kamerun). Bõn-bɩʋʋng kiuugã sẽn wa n na n sa tɩ b lebga seb-vãad a nii, seb-bi a tã, la b yiis video-rãmb a naase. Yʋʋmd 2015 yʋʋm-vẽkr kiuugã, b lugla sɛb lebgr sul a naase. Sɛbã lebgr ne buud-goam a taab me paamda pãnga. Wala makre, bassa (Kamerun), boulou, la douala buud-goamã, tara sɛb lebgr sul a yiib-yiibu. Woto fãa kɩtame tɩ neb wʋsg paamd bãngr hakɩkã.—Daniɛll 12:4.