“Marchons par la foi, non par la vue” video wã

Bilf nand tɩ Rom sodaasã gũbg Zeruzalɛm n wa baas n sãam-a wã, tʋm-tʋmd a Poll yeela kiris-nebã sẽn yaa Kiris sodaasã tɩ b segd n bãngame tɩ b na n paama toogo, la tɩ b pa segd n bas tɩ b mensã yell pak-b ye. (2 Tɩm. 2:3, 4) Yɩl tɩ tõnd me tõog n kell n sak Wẽnnaam dũni-kãngã sãoongã sẽn watã sasa, d segd n talla tẽeb wʋsgo. (2 Kor. 4:18; 5:7) Ges-y “Marchons par la foi, non par la vue” video wã. (Kẽ-y jw.org n kilik PUBLICATIONS, rẽ poor bɩ y kilik VIDÉOS.) Gũus-y n ges-y laogã nonglem sẽn kɩt t’a Naham ne a Abitall ning b vɩɩmã yell pʋgẽ to-to. Y sã n ges video wã n sa bɩ y leok sogs-kãensã.

1) Pipi kiris-nebã wakate, “sũ-sãoong bõn-wẽngã . . . sẽn be zĩ-sõngẽ wã” yɩɩ bõe, la bõe la Zeruzalɛm kiris-nebã ra segd n maan ne tʋʋlem? (Mat. 24:15, 16) 2) Bõe yĩng tɩ yɩl n zoe n yi tẽngã ra baoodẽ tɩ f tall tẽebo? 3) Bõe yĩng tɩ zoe n yi tẽngã ra baood tɩ b sak n bõn bũmb kẽere? 4) Bõe yĩng t’a Naham ne a Abitall ra pa yãgd n na n yi Zeruzalɛm? (Mat. 24:17, 18) 5) A Rasɛll sẽn wa n na n yi Zeruzalɛmmã, wãn to me la a tẽebã paam makre? (Mat. 10:34-37; Mark 10:29, 30) 6) Wãn-wãn la a Etan wilg t’a tara tẽebo, la t’a teega a Zeova, tɩ yaa mak-sõng n kõ tõndo? 7) Zu-loe-bʋs la kiris-nebã paam Pella? 8) Sɩnga wãn t’a Naham ne a Abitall tẽebã wa komse? 9) Wãn-wãn la a Zeova ges kiris-nebã sẽn da be Pella wã yelle? (Mat. 6:33; 1 Tɩm. 6:6-8) 10) Dũni-kãngã saabã sẽn kolgdã, wãn to la d tõe n dɩk a Abrahaam ne a Saara mak-sõngã? (Ebre. 11:8-10) 11) Bõe n kɩt t’a Naham ne a Abitall wa rat n leb Zeruzalɛm, la bõe yĩng tɩ d tõe n yeel tɩ b tudgame? (Luk 21:21) 12) A Naham ne a Abitall sẽn ta Zeruzalɛmmã, b mikame tɩ vɩɩmã yaa wãna? 13) Bõe yĩng tɩ yaa masã meng la d segd n mao n paas d tẽebã pãnga, nand tɩ saabã ta?—Luk 17:31, 32; 21:34-36.

Kẽn ne tẽebã rat n yeelame 1) tɩ d teeg a Zeova zãng-zãnga, 2) tɩ d sak t’a wilg-d sore, la 3) tɩ d wilgdẽ tɩ tõnd ne Wẽnnaam zoodã n tar yõod n yɩɩd laogã. Bɩ d mao n ket n kẽnd ne tẽebo, n kɩs sɩd tɩ “dũni loogdame la a ratem wẽngã me loogdame. La ned ning sẽn maand Wẽnnaam daab paada wakat sẽn kõn sa.”—1 Zã 2:17..