A Zeezi kii f ba-biigã yĩng me

A Zeezi kiime tɩ yɩ maoong neb sẽn pa zems zãng yĩnga. (Rom. 5:8) Sãmbg sẽn ka be, tõnd ned kam fãa sũur yaa noogo, a Zeezi sẽn ki tõnd yĩng n wilg t’a nong-d lame wã. La segdame tɩ d mi n tẽeg t’a Zeezi kii d tẽed-n-taasã yĩng me. Wãn to la d tõe n dɩk Kiristã naoore, n wilg tɩ d nonga d tẽed-n-taasã sẽn pa zems zãng wa tõndã? Ad bũmb a tã sẽn tõe n sõng-do. Pipi, d tõe n baoa zo-rãmb d tẽed-n-taas nins buud la b minimd sẽn yaa toor ne tõndã sʋk n paase. (Rom. 15:7; 2 Kor. 6:12, 13) Yiib-n-soaba, d segd n gũusa ne goam la manesem sẽn tõe n sãam d to sũuri. (Rom. 14:13-15) Tãab-n-soaba, ned sã n beeg-do, d segd n saka tao-tao n kõ-a sugri. (Luk 17:3, 4; 23:34) D sã n maand woto n dɩkd a Zeezi naoore, a Zeova na n ket n ningda tigingã barka, tɩ laafɩ la zems-n-taar be d sʋka.

GES-Y VIDEO WÃ: BƖƖSD-Y ZƲG-SÕMA TƖ PAAS Y SŨ-NOOGÃ! LA Y LEOK SOGSGÃ:

• 

  A Miki sẽn ta a tigingã pʋgẽ paalem, a tagsg ra yaa wãn ne neba?

• 

  Bõe n wa n kɩt t’a toeeme?

• 

  Wãn to la a Zeezi makrã sõng a Miki t’a toeem tagsgo? (Mark 14:38)

• 

  Bõe la Yel-bũn 19:11 yeelẽ tɩ tõe n sõng-d tɩ d ra tags wẽng d tẽed-n-taasã zugu?