D maan wa a Zozɛfe: D zoe yoobo

A Zozɛf sẽn tall manesem ningã yaa mak-sõng n kõ tõndo, d sã n wa tar yoob tʋlsem. A Zozɛf soaalã pagã ra pẽdgd-a-la wakat fãa n dat t’a gãand-a, la a zãgsame. (Sɩng. 39:7-10) A Zozɛf leokame yaa: “Mam na n yɩɩ a wãn n maan yel-be-kẽen-kãngã n beeg Wẽnnaam?” A sẽn leok to-to wã wilgdame t’a ra zoe n bʋgsa a Zeova sẽn dat tɩ sẽn kẽ-b kãadmã kell n maan sɩd ne taabã zugu. A Zozɛf soaalã pagã sẽn wa n gãd a fuugã n dat t’a gãand ne-a wã, a zoeeme. A pa yals n na n maan laas-laase, tɩ rẽ wa kɩt tɩ pagã tõog-a ye.—Sɩng. 39:12; 1 Kor. 6:18.

GES-Y VIDEO WÃ: D ZOE YOOBO. RẼ POOR BƖ Y LEOK SOGSGÃ:

• 

  Zu-loe-bʋg la a Jin paam-yã?

• 

  A Mee-Kyong sẽn kos a Jin t’a sõng-a ne ɛgzɛrsisã, bõe la a Jin ra sokd a menga?

• A Mee-Kyong sẽn kos bũmb ningã kɩtame t’a Jin ra tagsd bõe yelle?

• 

  Wãn to la a Jin paam sõngre?

• 

  Bõe la a Jin maan-yã, n zoe yoobo?

• Video-kãngã sõnga yãmb tɩ y bãng bõe?