A Zeova kogla a nin-buiidã

Pipi Pakã kibs b sẽn maanã yɩɩ toor zalle. Badaar yʋngo, a Farawõ sẽn wa n bãng t’a bi-kãsengã kiime wã, a yeela a Moyiiz yaa: “Bɩ yãmb ne Israyɛll nebã yi la y bas m tẽngã. Kẽng-y n tɩ waoog-y Sẽn-Ka-Saab wa y sẽn dag n yeelã.” (Yik. 12:31) A Zeova wilgame t’a kogenda a nin-buiidã.

D sã n tẽeg a Zeova Kaset rãmbã kibar sẽn yɩ to-to wã, yaa vẽeneg t’a Zeova ket n wilgda a nin-buiidã sore, la a kogend-ba. Tõnd biru-kãsengã miize wã pʋgẽ, ɛspozisiyõ n be n wilgd rẽ vẽenega. Ɛspozisiyõ wã gom-zug yaa: “Neb a Zeova sẽn yãk a yʋʋrã yĩnga.”

GES-Y VIDEO WÃ: ƐSPOZISIYÕ B SẼN MAAN WARWIK MIIZE WÃ PƲGẼ: “NEB A ZEOVA SẼN YÃK A YƲƲRÃ YĨNGA.” RẼ POOR BƖ Y LEOK SOGSGÃ:

• 

  Sẽn sɩng ne yʋʋmd 1914, bõe la Biiblã Zãmsdbã maan sẽn na yɩl tɩ nebã maneg n kɩs sɩd ne Biiblã, la rẽ woma bi-bʋse?

• 

  Yʋʋmd 1916 n tãag yʋʋmd 1918 wã, bõe makr la b paam-yã, la bõe n maane, tɩ yaa kaset t’a Zeova ra wilgda a nin-buiidã sore?

• 

  Baa ne nebã sẽn nams a Zeova Kaset rãmbã b tũudmã yĩngã, wãn to la b kell n maan sɩd ne a Zeova?

• 

  Yʋʋmd 1935 wã, a Zeova Kaset rãmbã maneg n wʋma bõe võore, la wãn to la rẽ naf-ba?

• Yãmb sã n paamame n tɩ ges Miize wã, bõe la yãmb yã be tɩ sõng yãmb tɩ y maneg n kɩs sɩd t’a Zeova wilgda a nin-buiidã sore, la a kogend-ba?