Kaset sẽn wilgd t’a Zeova ningda barka

8:6-9, 12; 9:1-5, 23, 24

A Aarõ ne a kom-dibli wã sẽn lebg maan-kʋʋdbã daare, b sẽn maan pipi maoong sẽn yõogd bugmã, a Zeova kɩtame tɩ bugum yi yĩngr n wa rɩ maoongã. Woto yɩɩ kaset t’a Zeova bee ne-ba, la tɩ b maan-kʋʋrã taa a yam. A Zeova sẽn maan woto wã, yaa sẽn na n sõng Israyɛll buudã nebã sẽn tigim taab be n yã bũmb ning sẽn maanã, tɩ b bãng tɩ b segd n teela maan-kʋʋrã tʋʋmã ne b sũur fãa. Rũndã-rũndã, yaa a Zeezi Kirist sẽn be saasẽ wã la maan-kʋʋdb kãsem ning a Zeova sẽn yãkã. (Ebre. 9:11, 12) Yʋʋmd 1919 wã, a Zeezi yãka rap sul-bil sẽn yaa kiris-neb sẽn paam vʋʋsem sõngã zaeebo, tɩ b lebg “tʋm-tʋmd sẽn tũud sɩd la sẽn tar yamã.” (Mat. 24:45) Bõe kaset la d tar t’a Zeova bee ne tʋm-tʋmd sẽn tũud sɩdã, n sõngd-b la a ningd-b barka, la tɩ b sẽn maandã tata a yam?

• Tʋm-tʋmd sẽn tũud sɩdã paama namsg n kaoose, la baa wakat kãnga b ra ket n getame tɩ d paamd bũmb nins sẽn yaa tɩlɛ d tẽebã kengr yĩngã

• Koe-noogã moonda “dũniyã tɛk fãa,” wa bãngr-gomdã sẽn da wilgã.”—Mat. 24:14

Bõe la d tõe n maan n teel tʋm-tʋmd sẽn tũud la sẽn tar yamã ne d sũur fãa?