Bũmb a tãab sẽn tõe n sõng-y tɩ y teeg a Zeova

A Davɩɩd tõoga a Golyate, bala a ra teega a Zeova. (1 Sãm. 17:45) A Zeova ratame n sõng neb nins fãa sẽn tũud-a wã. (2 Kib. 16:9) Bõe la d tõe n maan n teeg sõngr ning a Zeova sẽn kõtã, la d ra teeg d mengã minim la d bãngre? Ad bũmb a tãab d sẽn tõe n maane:

• Minim-y n pʋʋsd-y-yã. Y sã n wa maan yel-wẽnde, ra pʋʋs-y-yã a Zeova n kos y yel-wẽndã sugr bal ye. Kos-y-yã-a me t’a kõ-y pãnga, y sã n wa be makr taoore. (Mat. 6:12, 13) Ra pʋʋs-y-yã a Zeova n kos-a t’a ning bũmb nins y sẽn zoe n yãk yam n na n maanã bark bal ye. Nand tɩ y yãk yam n na n maan bũmbu, pʋʋs-y-yã-a me n kos-a t’a wilg-y sore, la a kõ-y yam.—Zak 1:5

• Karemd-y Biiblã la y zãmsd-a. Karemd-y Biiblã daar fãa. (Yɩɩn. 1:2) Bʋgsd-y Biiblã kibayã zugu, la y tũud bũmb nins y sẽn bãngdã. (Zak 1:23-25) Segend-y y mens koɛɛgã mooneg yĩnga, la y ra teeg y bãngrã bɩ y minimã ye. Segend-y tigissã, n tõog n dɩ b yõod sõma

• Tũud-y-yã a Zeova siglgã noyã. Modgd-y n bãngd-y noy nins a Zeova siglgã sẽn kõtã, la y tũud-b tao-tao. (Sõd. 9:17) Kelgd-y kãsem-dãmbã, b sã n wa kõt-y noy la saglse. —Ebre. 13:17

GES-Y VIDEO WÃ: D PA SEGD N YƐƐSE, B SÃ N WA NAMSD TÕND D TŨUDMÃ YĨNG YE. RẼ POOOR BƖ Y LEOK SOGSGÃ:

• Bõe ne bõe n kẽes d tẽed-n-taasã rabeem pʋgẽ?

• Bõe n sõng-b tɩ b tõog b rabeemã?