A Zeova kõta tõnd Fãagda

29 Pipi nin-sɩɩg ning Wẽnnaam sẽn maana da yaa wala yẽnda pipi biribla.

Wẽnnaam nonga yẽ wʋsgo, la a na n tũnuga ne yẽ n sãam nin-wẽnsã, la a fãag nin-sakdsã.—Zã 3:16, 36

30 A Zeova tʋma a Biriblã tɩ b rog-a tẽng zugu. B kõ-a la yʋʋr t’a Zezi. A ma wã da boondame t’a Maari.—Luk 1:30-35

31 A sẽn lebg bi-kãsenga, a Zezi zãmsa bõn sõama wʋsgo, wala makre, t’a Zeova yaa sɩd Wẽnnaam a yembre.—Mark 12:29, 30

A Zezi yeelame tɩ tõnd pa segd n balem ned a to tɩ pa a Zeova ye.—Matɩe 4:10; Zã 4:23, 24

A leb n zãmsa nebã a Zeova Rĩunga sẽn yaa soaba.—Luk 17:20, 21

32 A Zezi maaga bãad dãmba, la a maan bõn-sõma wʋsgo. A pa maan sẽn yaa wẽng abada ye.—Tʋʋma 10:38; 1 Pɩɛɛr 2:21, 22

La wãn-wãn la a da na n fãag d yel-wẽnd la kũum pʋgẽ?

33 A da maana maoong n kõ Wẽnnaam n fãag nin-sõama wã. Pĩnda, Wẽnnaam da yeela nebã tɩ b maan rũms maando, b yel-wẽna yĩnga.—Hebre dãmba 7:25, 27

34 A Zezi pa maan rũms maand ye. A kõ a mengã tɩ yɩ maoong tõnd yĩnga.—Matɩe 20:28; Hebre dãmba 10:12

Yãmb mii sẽn yaa bũmb ning bɩ?