Tɩɩm saoog la sõod yaa wẽnga

A Sʋɩtãan datame tɩ yãmb sao tɩɩm. Neb wʋsg kʋʋda maand n kõt yaab rãmbã bɩ kɩɩmsã sẽn na yɩl n kogl b mens ne wẽnga. B maanda woto, b sẽn zoet rabeem ne kɩɩmsã pãngã yĩnga. B pita tɩɩm nug-bĩns bɩ zũyã. B yũuda “tɩto,” bɩ b sõod b yĩnsã ne tɩ-kãens n tẽed tɩ b tara pãn-tõog sẽn yaa yel-solemde. Neb kẽer solgda bõn-yood b rotẽ wã bɩ b busd-b tẽnga, n tẽed tɩ b tõe n kogl-b lame. A taab tũnugda ne “tɩɩm” n tẽed t’a na n sõng-b-la b leebgẽ wã, b lekollã ɛgzame rãmbẽ, bɩ b tõog n paam roelle.

Koglg sẽn yaa sõma n yɩɩd ne a Sʋɩtãan yaa y sẽn na n paam t’a Zeova yɩ y zoa. A Zeova Wẽnnaam ne a malɛgsã tara pãng n yɩɩd a Sʋɩtãan la a zĩn dãmbã zĩig sẽn zãre. (Zak 2:19; Wilgri 12:9) A Zeova sɩd ratame n wilg a pãngã n sõng a zo-rãmbã: neb nins sẽn kɩs sɩd zãng-zãng ne-a wã.—2 Kibayã 16:9.

Wẽnnaam Gomdã yetame: “Y pa segd n sao tɩɩm ye.” A Zeova gɩdga tɩɩm saoog la sõodo, bala bõn-kãensã kẽesda ned a Sʋɩtãan Munaafɩɩk pãn-tõogã pʋgẽ bal tã.—Maankʋʋre 19:26, NW.