SAK 25
Wẽnnaam datame tɩ tõnd vɩɩmã yɩ wãn-wãna?
Biiblã pʋgẽ, b yeelame tɩ ninsaal “vɩɩm yaa koɛɛg n pid ne yɩɩre.” (Zoob 14:1) Yaa woto la Wẽnnaam sɩd rat tɩ d vɩɩmã yɩ bɩ? Sã n pa woto, a ratame tɩ d vɩɩmã yɩ wãn-wãna? Wakat n wat t’a sẽn dat bũmb ningã na n pids bɩ? D ges b sẽn leokd sogs-kãensã to-to Biiblã pʋgẽ tɩ kengd raoodo.
1. A Zeova ratame tɩ d vɩɩmã yɩ wãn-wãna?
A Zeova ratame tɩ d vɩɩmã yɩ noogo. A sẽn wa n naan a Ãdem ne a Awa wã, a ning-b-la zĩig sẽn yaa neer wʋsgo, rat n yeel tɩ Edɛn zẽedã zĩigẽ. Rẽ poore, “Wẽnnaam ning-b-la barka n yeel-ba: ‘Rog-y kamb n fɩɩg n pid dũniyã, la y soog-a.’” (Sɩngre 1:28) A Zeova ra ratame tɩ b rog kamba, n kɩt tɩ dũniyã gill lebg arzãna, la b ges rũmsã yelle. A ra ratame tɩ ninsaalbã fãa tall keelem sõma, la b vɩɩmd wakat sẽn kõn sa.
Rũndã-rũndã, vɩɩmã pa woto ye.a La Wẽnnaam daabã pa toeem ye. (Ezayi 46:10, 11) A ket n datame tɩ neb nins sẽn sakd-a wã vɩɩmd wakat sẽn kõn sa, tɩ yɛlã fãa yaa sõma.—Karm-y Vẽnegr 21:3, 4.
2. Bõe la d tõe n maan n paam vɩɩm sẽn tar bark rũndã-rũndã menga?
A Zeova naana tõnd tɩ d tʋll t’a wilgd-d sore. Rẽ n so tɩ d segd n bao n bãng-a, la d tũ-a. (Karm-y Matiye 5:3-6.) A ratame tɩ d paam zood sõma ne-a, ‘n tũ a soayã, la d nong-a,’ la d sak-a ‘ne d sũyã fãa.’ (Tõodo 10:12; Yɩɩn-sõamyã 25:14) D sã n maand woto, d na n paama sũ-noog hakɩɩka, baa d sẽn segd zu-loeesã. D sã n tũud a Zeova, d neeme tɩ d vɩɩmã sɩd tara barka, bala d sẽn vɩ to-to wã zemsa ne a raabã.
D BAO N BÃNG N PAASE
D ges a Zeova sẽn naan tẽngã to-to wã sẽn wilgd t’a nonga tõnd wʋsgo, la bũmb ning b sẽn yet a Gomdã pʋgẽ, a sẽn dat tɩ d vɩɩmã yɩ to-to wã wɛɛngẽ.
3. A Zeova ratame tɩ ninsaalbã vɩɩm yɩ noogo
Ges-y VIDEO wã, tɩ rẽ poor bɩ y leok sokrã.
Bõe yĩng tɩ Wẽnnaam naan tẽngã sẽn be rasãndã?
Karm-y Koɛɛg soab 3:11, tɩ rẽ poor bɩ y leok sokrã:
Sã n yaa ne vɛrse-kãngã, a Zeova ratame tɩ d vɩɩmã yɩ wãna?
4. A Zeova raabã pa toeem ye
Karm-y Yɩɩn-sõamyã 37:11, 29 la Ezayi 55:11, tɩ rẽ poor bɩ y leok sokrã:
Bõe n kɩt tɩ d miẽ t’a Zeova raabã pa toeeme?
Roog sẽn sãam tõe n lebs n manegame. Woto me, Wẽnnaam na n lebs n manega tẽngã ninsaalbã fãa la bal sẽn sãamã, n kõ neb nins sẽn nong-a wã
5. D sã n tũud a Zeova, d vɩɩmã tara barka
D sã n mi a Zeova sẽn dat tɩ d vɩɩmd to-to wã, tõe n kõ-d-la sũ-noogo. Ges-y VIDEO wã, tɩ rẽ poor bɩ y leok sokrã.
A Terumi sẽn bãng Wẽnnaam sẽn dat tɩ d vɩɩmã yɩ to-to wã, wãn to la naf-a?
Karm-y Koɛɛg soab 12:13, tɩ rẽ poor bɩ y leok sokrã:
A Zeova sẽn maan bũmb wʋsg woto fãa n kõ tõndã, wãn to la d tõe n wilg tɩ d sũur nooma ne-a?
NINA TÕE N SOKAME YAA: “Vɩɩmã võor yaa bõe?”
Y na n leokame tɩ bõe?
KƲMSGO
A Zeova ratame tɩ d vɩɩmd tẽngã zug wakat fãa yĩnga, tɩ d bũmba fãa yaa sõma. D sã n tũud-a ne d sũur fãa, d vɩɩmã na n talla barka, baa rũndã-rũndã menga.
Lebg-n-gese
Sɩngrẽ wã, a Zeova ra ratame t’a Ãdem ne a Awa vɩɩmã yɩ wãn to?
Bõe n kɩt tɩ d miẽ tɩ Wẽnnaam sẽn dat tɩ ninsaalbã vɩɩmã yɩ to-to wã pa toeeme?
Bõe la y tõe n maan n paam vɩɩm sẽn sɩd tar barka?
BŨMB A TAABA
Bũmb toor-toor sẽn wilgd tɩ Edɛn zẽedã zĩig sɩd zĩndame.
“Edɛn zẽedã zĩig sɩd zĩndame bɩ?” (Yʋʋmd 2011 wao-fugdg kiuug pipi daar Gũusg Gasgã)
Bõe yĩng tɩ d tõe n kɩs sɩd tɩ tẽngã na n paa wakat sẽn kõn sa yĩnga?
Biiblã pʋgẽ, bõe la b yet vɩɩmã võor wɛɛngẽ?
Rao a ye kibare. A ra tagsdame t’a tara bũmb fãa, n wa bãng tɩ bũmb n paoog-a.
a Sak ning sẽn pʋgdã pʋgẽ, d na n yãa bũmb ning sẽn kɩt tɩ vɩɩmã pa woto wã.