Bũmb ning d sẽn na n yeel n wilg zʋrno rãmbã

Réveillez-vous ! 8 déc.

“Mam dat n togs-y-la sasa ning ned kam fãa sẽn na n paam a toorẽ zĩ-sõng n vɩɩmde. Neb wʋsg sẽn pa tar zags masã wã pa bũmb sẽn sãamd sũur sɩda? [Bas-y t’a leoke. Rẽ poor bɩ y karem Ezai 65:21, 22.] Seb-kãngã wilgda bũmb ning sẽn kɩt tɩ neb kẽer pa tar zagsã. A leb n wilgda Wẽnnaam sẽn na n pids a kãabg ning tõnd sẽn karem a Ezai sebrã pʋgẽ wã to-to.”

Gũusg Gasgã Yʋʋm-sar. 15

“Neb wʋsg sũy sãama ne Nowɛllã sẽn lebg leebg bũmbã. Yãmb me tagsdame tɩ sɩd yaa woto bɩ? [Bas-y t’a leoke.] Seb-kãngã wilgda yel-maandɩ nins sẽn tɩ loe ne Nowɛllã sẽn tall toeeng to-to. A leb n wilgda tõnd sẽn tõe n sɩd waoog Wẽnnaam la Kiristã to-to.” Karm-y Zã 17:3.

Réveillez-vous ! 22 déc.

“Yãmb zoe n wʋmame tɩ b gomd bãag ning b sẽn boond tɩ girip ɛspayõllã yell bɩ? [Bas-y t’a leoke.] Yʋʋm 85 sẽn looge, semen 24 bal pʋgẽ, bã-loangdg kãng kʋʋ neb wʋsg n yɩɩd neb sõor SƖDA wã sẽn kʋ yʋʋm 24 pʋgẽ. Kẽer yeelame t’a yɩɩ yel-beed to sẽn zɩ n zĩndi. Seb-kãnga wilgda yel-kãngã buud sã n tõe n ye waame bɩ a pa tõe n ye wa. A leb n wilgda bũmb ning sẽn kɩt tɩ d tõe tall saagrã.” Karm-y Ezai 33:24.

Gũusg Gasgã Yʋʋm-vẽk. 1

“Ninsaalbã tõe n sɩd maana tʋʋm-sõma, la b yaool n maanda tʋʋm-wẽns sẽn pa tõe n bãng n bilgi. Yãmb zoe n soka y meng bũmb ning sẽn kɩt tɩ yaa woto wã bɩ? [Bas-y t’a leoke.] Seb-kãnga kõta sok-kãngã leoor sẽn tik Biiblã zugu. A leb n wilgda sõma wã sẽn na n wa tõog wẽngã zãng fasɩ to-to.” Karm-y Rom dãmba 16:20.

Réveillez-vous ! Jan.

“Yãmb zoe n soka y meng n ges dũniyã sẽn na n yɩ to-to ka la yʋʋm 20 bɩ yʋʋm 30 pʋgẽ bɩ? [Bas-y t’a leoke. Rẽ poor bɩ y karem Yɩɩl Sõamyã 119:105.] Biiblã vẽnegd-d lame tɩ d tõe n bãng beoog daar sẽn na n yɩ to-to. Zʋrnall kãngã vaeesda bãngr-goam sẽn wilgd sẽn yaa wakat ning pʋgẽ la d sẽn vɩyã, la bũmb ning sẽn kɩt tɩ d tõe n gẽeg beoog daar sẽn be rasãndã.”