Bũmb ning d sẽn na n yeel n wilg zʋrno rãmbã

Gũusg Gasgã Zĩ-likri, 1

“D fãa miime tɩ ba sã n be zak pʋgẽ, tara yõod wʋsgo. Bõe n kɩtd tɩ d bãng ba sẽn yaa sõma? [Bas-y t’a leoke.] A Zezi wilga a Ba wã mak-sõngã sẽn sõng-a to-to. [Karm-y Zã 5:19.] Seb-kãngã wilgda yɛl a yoob ba sẽn segd n maane.” Wilg-y sõsg ning sẽn be seb-neng 18 wã.

Réveillez-vous ! Zĩ-likri

“Tũudum toɛy-toɛyã nebã tagsg pa tũud taab Wẽnnaam sẽn yaa soabã wɛɛngẽ ye. La wãn to la Wẽnnaam biigã bilg Wẽnnaam sẽn yaa a soaba? Ges-y a Zezi sẽn yeel bũmb ning Zã 4:24 pʋgẽ wã. [Karm-y verse kãngã.] Seb-kãngã tika Biiblã zug n wilgd Wẽnnaam sẽn yaa a soabã vẽenega.” Wilg-y sõsg ning sẽn be seb-neng 24 ne 25 wã.

Gũusg Gasgã Sɩpaolgo, 1

“B sẽn zãmsd nebã tɩ Wẽnnaam ningda nebã bugum pʋgẽ wakat sẽn kõn sa yĩngã kɩtame tɩ neb wʋsg pa tẽed tɩ Wẽnnaam nonga nebã ye. Yãmb tagsg yaa bõe rẽ wɛɛngẽ? [Bas-y t’a leoke.] Biiblã wilgda vẽeneg tɩ Wẽnnaam pa wẽnem soab ye. [Karm-y Ezekɩɛll 18:23.] B sẽn tik Biiblã zug n wɛgs gom-kãngã to-to seb-kãngã pʋgẽ wã na n yɩ-y-la noogo.”

Réveillez-vous ! Sɩpaolgo

“Neb wʋsg tagsdame tɩ ned vɩɩm sã n yaa sõma, yaa a sẽn tar arzɛka, naam wall ziiri. Bõe n wilgd tɩ ned vɩɩm yaa sõma? [Bas-y t’a leoke.] Biiblã wilga bũmb nins sẽn tõe n kɩt tɩ ned vɩɩm yɩ sõma. [Karm-y Yɩɩl Sõamyã 1:1-3.] Seb-kãngã wɛgsda yɛl a yoob sẽn tõe n sõng ned t’a vɩɩm yɩ sõma.” Wilg-y sõsg ning sẽn sɩngd seb-neng a 6.13n2