Modg-y tɩ zãmsgã kẽ nebã

Yaa bũmb ning sẽn be ned sũurẽ wã n kɩtd t’a sakd Wẽnnaam. (Yel. 3:1) Woto wã, d sã n wa zãmsd ned Biiblã, d segd n modgame tɩ zãmsgã kẽ a sũurã. Wãn to la d tõe n maan dẽ?

Y pa segd n zãmsd karen-biigã Biiblã sẽn yetã bal ye. Y segd n sõng-a lame me t’a bãng tɩ rẽ tũub tõe n manega a vɩɩmã, la kɩt t’a paam zood sõma ne a Zeova. Sõng-y-yã-a t’a bãng tɩ Biiblã noyã wilgdame tɩ Wẽnnaam yaa nonglem, sõmblem la tɩrlem soaba. Sok-y-yã-a sogsg ne yam, tɩ kɩt t’a fees a meng n bãng a tagsg sẽn yaa a soab ne a sẽn zãmsdã. Sõng-y-yã-a t’a bãng t’a sã n bas tags-kɛg wall minim-wẽnse, a vɩɩmã na n maneg n yɩɩ sõma. Y sã n wa yã tɩ y karen-biigã nonga a Zeova ne a sũur fãa, y sũ-noogã na n paasame.

GES-Y VIDEO WÃ: D SÃ N SÕNGD NEBÃ TƖ B LEBGD KAREN-BIISI, D PAAMDA SŨ-NOOGO—PAAS-Y Y KOE-MOONEGÃ MINIM: MODG-Y TƖ ZÃMSGÃ KẼ NEBÃ. RẼ POOR BƖ Y LEOK SOGSGÃ:

• 

  Bõe yĩng t’a Liza sok a Zan yaa: “Fo tagsa bũmb ning yell tõnd sẽn sõs tẽne wã bɩ?”

• 

  Wãn to la a Liza sõng a Zan t’a bãng tɩ Biiblã noyã wilgdame t’a Zeova nong-a lame?

• 

  Wãn to la a Liza sõng a Zan t’a tags n bãng a sẽn tõe n wilg to-to t’a nonga Wẽnnaam?