Hal n tãag kũum vʋʋgrã wakate

D nin-nongr sã n maan kaalem, d sẽn saagd tɩ kũum na n wa vʋʋgame wã belsd-d lame. Baasgo, yel-wẽndã ne kũumã yaa wa peen-lill sẽn lud nebã fãa, n yaa zɩsg b zugu. (Eza. 25:7, 8) Rẽ n so tɩ ‘bõn-naandsã fãa naag taab n wõosdẽ, la b naag taab n namsdẽ.’ (Rom. 8:22) La nand tɩ kũum vʋʋgrã wakat ta, bõe la d tõe n maan n tõog toogo, d nin-nongr sã n maan kaalem? Wẽnnaam Gomdã kõta sagls sẽn tõe n sõng-do.

GES-Y VIDEO WÃ: D NED SÃ N MAAN KAALEM. RẼ POOR BƖ Y LEOK SOGSGÃ:

• Bõe n kɩt t’a Daniyɛll, a Masahiro la a Yosimi sũur sãam wʋsgo?

• Sagls a nu la b tũ tɩ sõng-ba. Yaa sagl-bʋse?

• Ãnda nengẽ la d tõe n paam belsg hakɩɩka?—2 Kor. 1:3, 4