Modg-y n karemd-y Biiblã daar fãa n pa vaandẽ ye

D fãa sẽn tar tʋʋm wʋsgã yĩnga, mi n yaa toog ne-y tɩ y tõogd n karemd Wẽnnaam Gomdã daar fãa bɩ? (Zoz. 1:8) Sã n yaa woto, ad sagls sẽn tõe n sõng-yã:

• Bao-y bũmb sẽn na n tẽegd-yã. Yãk-y wakat n ning y portaablẽ wã wall y tablɛtẽ wã tɩ sã n wa ta bɩ a tẽeg-y tɩ y karme.

• Rɩgl-y y Biiblã zĩig y sẽn ne. Sã n yaa Biiblã meng la y wae n zãad n karemdẽ, y tõe n dɩgl-a-la zĩig sẽn na n kɩt tɩ y ne-a daar fãa.—Tõo. 11:18.

• Kelgd-y Biiblã b sẽn karem tɩ b rɩkã. Y tõe n kelgda rẽ la y tʋmd y daar fãa tʋʋmã. A Taara sẽn yaa saam-bi-poak sẽn tar kamb la a yaa so-pakda, n leb n tʋmd yʋngã yeelame: “Mam kelgda Biiblã b sẽn karem tɩ b rɩkã m sẽn wat n tʋmd m zakã tʋʋma. Rẽ sõngd-m lame tɩ m karemd Biiblã n pa vaandẽ ye.”

• Ra koms-y raood n bas ye. Bũmb sã n maan tɩ y pa tõog n karem Biiblã wakat ning y sẽn yãkã, bɩ y karem baa yaa vɛrse-rãmb a wãn nand tɩ y kẽ gãaga. Baa yaa vɛrse-rãmb a wãn la y karemd daar fãa, na n naf-y lame.—1 Pɩy. 2:2.