Teedã ligd tara paasg dũniyã gill zugu—Bõe la Biiblã yet rẽ wɛɛngẽ?

Yʋʋmd 2022 sigr kiuugã sasa, sull ning sẽn get bãnk-rãmbã yell dũniyã gill zugã taoor soabã yeelame: “Ligdã pãng le booga wʋsg dũniyã gill zugu. Tẽedã ligd tara paasgo, tɩ nebã me pa le paamd ligd wʋsg wa pĩndã ye.”

“Sull ning sẽn get ligdã yell dũniyã gill zugã yeelame: “Esãensã la rɩɩbã ligd paasa zĩig pʋgẽ, hal tɩ namsd tẽns nins naong rãmbã sẽn yaa wʋsgã.”

Biiblã sõngda tõnd tɩ d bãng bũmb ning sẽn kɩt tɩ ligdã zu-loees beẽ wã, d sẽn tõe n mao ne zu-loe-kãens to-to, la bũmb ning sẽn wilgd tɩ ligdã zu-loees na n wa saa fasɩ.

Teedã ligd sẽn tar paasg “yaoolem wakatã”

• Biibla boonda d sẽn vɩ wakat ningã tɩ “yaoolem wakatã.”—2 Tɩmote 3:1.

• A Zeezi yeelame tɩ wakat kãng sasa, d na n yãa “bũmb toor-toor sẽn kẽesd rabeem.” (Luk 21:11) Sɩd me, teedã ligd sẽn tar paasdã kẽesda rabeem. Nebã maanda yɩɩr ne b vɩɩmã sẽn na n wa yɩ to-to, la b sã n na n tõog n gesa b zakã rãmb yelle.

• Vẽnegr sebrã ra pĩnd n goma rɩɩbã ligd sẽn na n paas yaoolem wakatã sasa wã yelle. B yeelame yaa: “Mam wʋma bũmb sẽn wõnd koɛɛg sẽn . . . yeele: ‘Bɩle kilo yaa deniyea a ye, la orz kilo a tãab yaa deniye a ye.’”—Vẽnegre 6:6.

Y sã n dat n bãng bũmb a taab “yaoolem wakatã” wɛɛngẽ, la Vẽnegr sebrã sẽn pĩnd n togs bũmb ninsã, bɩ y ges video ning gom-zug sẽn yaa: “Dũniyã yɛl toeema yʋʋmd 1914 tɛka,” la y karem sõsg ning gom-zug sẽn yaa: “Les cavaliers de l’Apocalypse : qui sont-​ils ?”

Ligdã zu-loeesã fãa tɩɩm

• B na n sela tɩɩs n dɩ b biisi. Bãmb kõn me b rot tɩ ned a to reeg n kẽ ye. B kõn sel tɩɩs tɩ ned a to reeg n soog n dɩ ye.”—Ezayi 65:21, 22.

• “Tẽngã na n pida ne bɩle wʋsgo, la koodã na n miimda tãmsã zut.”—Yɩɩn-sõamyã 72:16.

• “Sẽn-Ka-Saab yetame: ‘Naong rãmbã namsg yĩnga, ne nimbãan-nebã sidgr yĩnga, mam na n yikame n fãag b sẽn namsd-b rãmbã.’”—Yɩɩn-sõamyã 12:6.

Ka la bilfu, Wẽnnaam na n kɩtame tɩ ligdã zu-loeesã fãa sa. A pa na n maan rẽ tẽng a ye pʋgẽ bal ye. Na n yɩɩ dũniyã gill zugu. Y sã n dat n bãng sẽn na n yɩ to-to, bɩ y karem sõsg ning gom-zug sẽn yaa: “Peut-on espérer un système économique plus juste ?”

Baa masã menga, Biiblã tõe n sõng-y lame tɩ y ra sãam y sũur wʋsgo, teedã ligd sẽn tar paasgã yĩng ye. Wãn to? A tara sagls sẽn tõe n sõng-d tɩ d bãng n zã d ligdã sõma. (Yel-bũnã 23:4, 5; Koɛɛg soaba 7:12) Y sã n dat sagls kẽer bɩ y karem sõss ning gom-zut sẽn yaa: “Protégez vos moyens de subsistance,” ne “Comment vivre avec moins.”