Bõe la Wẽnnaam Rĩungã na n maan zabã wɛɛngẽ?

Dũniyã gill zugu, zabã ket n wata ne namsg la toog wʋsgo. Ad kibay a wãna:

• “Rɩẽ, neb wʋsg n ki zabr yĩnga. Sẽn tɩ yɩɩda, yɩɩ zabr sẽn zĩnd Etiopi la Ikrɛn tẽnsẽ wã. Na maan yʋʋm 28 la woto, d sẽn da nan zɩ n yã a buudu.”—Institut international de recherches pour la paix de Oslo, yʋʋmd 2023, sigr kiuug rasem a 7.

• “Ikrɛn zabrã naaga zab nins sẽn paam pãng yʋʋm 2022 pʋgẽ wã. Rɩẽ, politikã sẽn wat ne gudgr ninsã sõor paasa wʋsg dũniyã gill zugu. Sẽn na maan neb milyaar a yembr la milyõ kobs-yopoe n nams rẽ yĩnga.”—The Armed Conflict Location & Event Data Project (ACLED), yʋʋmd 2023, wao-fugdg kiuug rasem a 8.

Biiblã wilgdame tɩ manegr n wate. A yetame tɩ “saasẽ Wẽnnaamã na n lugla rĩung sẽn pa na n tol n sãame.” (Dãniyɛll 2:44) Ne Rĩung-kãng bɩ goosneem-kãng maasem, Wẽnnaam na n “kɩtame tɩ zabã sa dũniyã gill fãa.”—Yɩɩn-sõamyã 46:9.