Vẽnegre

a Sõs-kãngã na n sõng-d lame tɩ d tõog n zoe vɩɩmã zoeese. Tõnd sẽn yaa wa zoɛtbã, d segd n zãa bũmb kẽere. Wala makre, d sẽn pʋlem a Zeova tɩ d na n maana a raabã, bũmb nins d sẽn segd n maan d zakã pʋgẽ wã, la d yam-yãkr sẽn tõe n wa ne zu-loees ninsã yaa zɩɩb d sẽn segd n tʋke. La d segd n loba zɩɩb buud fãa sẽn pa tɩlɛ n tõe n kɩt tɩ zoeesã lebg toog ne-do. Zɩɩb kãens tõe n yɩɩ bõe? D na n yãa rẽ sõs-kãngã pʋgẽ.