15. Armagedõ poore, bõe n na n paam a Sʋɩtãan ne a zĩn-dãmbã?

¹⁵ Pipi, a Sʋɩtãan na n yãa a dũniyã tõr sãoongo. Rẽ poore, a mengã pa na n põs ye. Tʋm-tʋmd a Zã wilga bũmb a sẽn yã. (Karm-y Wilgr 20:1-3.) A bilgame t’a Zezi Kirist sẽn yaa malɛk ning sẽn “tar bog-zulungã kʋɩlen-biigã” na n yõka a Sʋɩtãan ne a zĩn-dãmbã, n lob bog-zulungã pʋgẽ tɩ b pa be yʋʋm tusri. (Luk 8:30, 31; 1 Zã 3:8) Rẽ la bãngr-gomd ning sẽn wilg tɩ yagengã na n pogla waafã zugã pipi pidsgu.c—Sɩng. 3:15.