3. Wa b sẽn gʋls Zoob 38:22, 23, 25-29 pʋgẽ wã, Wẽnnaam sʋka bõe yelle?

³ Wẽnnaam sʋka a Zoob woto: “Fo kẽnga neez [sa-lamd] bĩngri zĩigẽ bɩ? Fo yãa sapɩlem zĩig sẽn be zĩig ninga bɩ? Mam bĩng-a-la toog ne sɩbgr la zabr wakat yĩnga.” Tẽngã babs wʋsg pʋsẽ, sa-lamd la sa-pɩlem beeme. Wẽnnaam paasame: “Yaa ãnd n maan soɛy n kõ saag ne sa-yãgbo tɩ saag ni weoog neb sẽn ka be pʋgẽ n kõ rasem-pʋɩɩsa koom tɩ mood yi be? Sa-koom tara ba bɩ? Yaa ãnd n dog meenem? Galaas ne givre sẽn yit yĩngra ma yaa ãnda?”—Zoob 38:22, 23, 25-29.

7. Ninsaal bãngrã taa hal zĩ-bʋg saag wɛɛngẽ?

⁷ La sã n yaa ne saag wɛɛngẽ? Wẽnnaam sʋka a Zoob woto: “Sa-koom tara ba bɩ? Yaa ãnd n dog meenem?” Bãngr-sebrã yetame: “Pemsmã kẽnd võor wʋmb sẽn yaa toogã yĩnga, la ko-walmã ne pemsmã halhaal sẽn toeemd wʋsgã yĩnga, wõnda b pa tõe n kõ zãmsg takɩ bɩ zãmsg sẽn kʋmsd sawatã la saagã sẽn wat to-to wã wɛɛngẽ ye.” Koɛɛg-koɛɛg bala, bãngdbã kõo zãmsg wʋsg yellã zugu, la b sɩd pa wʋmd saag võor zãng ye. Baasg zãnga, yãmb miime tɩ saag tara yõodo, a niidame, n madgd tẽngã, n zãgsd tɩɩsã, la a kɩtdẽ tɩ vɩɩmã tõe n yɩ la a tall yamleoogo.