9. Ne wakat a wãn la yɩɩl-gʋlsdã mak ninsaal vɩɩm yʋʋm tusri?

⁹ Yɩɩl-gʋlsdã paama vʋʋsem sõngã vẽnegr n na n wilg tɩ ninsaal vɩɩm yʋʋm tusr yaa wakat koɛɛg Naandã sẽn pa tar saabã taoore. A goma ne Wẽnnaam n yeel woto: “Yãmb kɩtdame tɩ ninsaalba leb n lebg tẽng tom, la yãmb yetame: ‘Ninsaalba, bɩ y leb n lebe.’ Tɩ bõe, yʋʋm tusr yaa wa daar a ye bal yãmb nifĩ. Zaamẽ sẽn loog wẽnda yʋng a ye bala.”—Yɩɩl Sõamyã 90:3, 4.

11. Bõe yĩng tɩ d tõe n yeel tɩ wakat sẽn kaoos wʋsg ne tõnd yaa koɛɛg wʋsg ne Wẽnnaam?

¹¹ A Zeova nifẽ, a Metusela mengã sẽn vɩɩmd yʋʋm 969 wã pa vɩɩmd tɩ ta daar a yembr ye. (Sɩngre 5:27) Wẽnnaam nifẽ, yʋʋm tusr pa yɩɩd wa zaamẽ sẽn loogã, sẽn yɩ lɛɛr 24 ye. Yɩɩl-gʋlsdã leb n wilgame tɩ ne Wẽnnaam, yʋʋm tusr yaa wala gũud sẽn gũ lɛɛr a naas sik zĩigẽ. (Bʋkaoodba 7:19) Rẽnd vẽenega, wakat sẽn kaoos wʋsg ne tõnd yaa koɛɛg wʋsg ne Wẽnnaam a Zeova sẽn be wakat sẽn ka sɩngr la ka saabã.