-
D sõng tɩ zems-n-taar kell n zĩnd tigingã pʋgẽVɩɩmd-y wakat sẽn kõn sa!—Biiblã zãmsg sebre
-
-
D sõng tɩ zems-n-taar kell n zĩnd tigingã pʋgẽ
D sã n wa be d tẽed-n-taasã sʋka, d tagsg yaa wa rĩm a Davɩɩde. A ra yeelame yaa: “Ade, ba-biis sã n be ne taaba, yaa sõama, la a bee yamleoogo!” (Yɩɩn-sõamyã 133:1) Zems-n-taar ka wat n be woto bal ye. D fãa tara d sẽn segd n maan tɩ zems-n-taarã kell n zĩnd d sʋka.
1. Bõe la d ne Wẽnnaam nin-buiidã sʋka?
Y sã n kẽng tigsg tẽng a to, y tõeeme n pa wʋmd buud-gomd ning b sẽn gomdã ye. Baasgo, y na n mikame tɩ b reeg-y neere, hal tɩ yaa wa y bee yiri. Bõe yĩnga? Bala sẽn yaa zĩig ning la d be, sɛb la bũmb nins d sẽn tar n zãmsd Biiblã fãa yaa a yembre. Sẽn paase, d modgdame n wilgdẽ tɩ d nong taaba. Sẽn yaa zĩig ning fãa la d vɩ, d fãa waoogda a Zeova, la d naag taab n tũud-a “ne yam a yembre.”—Sofoni 3:9.
2. Bõe la d tõe n maan tɩ sõng tɩ zems-n-taar zĩndi?
“Bɩ y nong taab wʋsg ne nonglem sẽn yit sũurẽ.” (1 Pɩyɛɛr 1:22) Wãn to la y tõe n tũ sagl-kãnga? D pa segd n get d taabã pãn-komsmã ye. D segd n zʋʋga rẽ n get b zʋg-sõma wã. D pa segd n be ne d tẽed-n-taas nins yɛl sẽn wõnd tõndo, bɩ sẽn nong bũmb nins tõnd sẽn nongã bal ye. D segd n modg n bao n bãnga baa b rãmb nins yɛl sẽn yaa toor ne tõndã. D segd n modga wʋsg sẽn na yɩl n yiis bu-welsg tagsg buud fãa d sũurẽ wã.—Karm-y 1 Pɩyɛɛr 2:17.a
3. Y sã n wa tar mo-yõsr ne y tẽed-n-taaga, bõe la y na n maane?
Baa ne zems-n-taar sẽn be d sʋkã, d yaa neb sẽn pa zems zãnga. Rẽ n so tɩ Wẽnnaam Gomdã yet tõnd tɩ d ket n “kõt taab sugri.” B paasame yaa: “A Zeova sẽn sak n kõ yãmb sugrã, yãmb me segd n maana woto.” (Karm-y Kolos rãmb 3:13.) Tõnd beegda a Zeova naoor ka tɛka, la baasgo, a kõt-d-la sugri. Dẽnd a ratame me tɩ d kõt d tẽed-n-taasã sugri. Y sã n wa mik tɩ bũmb la y maan tɩ sãam ned sũuri, bao-y n maneg-y yellã ne a soaba.—Karm-y Matiye 5:23, 24.b
D BAO N BÃNG N PAASE
D ges bũmb toor-toor d sẽn tõe n maan n sõng tɩ laafɩ la zems-n-taar zĩnd tigingã pʋgẽ.
Bõe la y na n maan n bao tɩ laafɩ le zĩndi?
4. D modg tɩ bu-welsg ra zĩnd d sʋk ye
D rat n nonga d tẽed-n-taasã fãa. La tõe n wa yɩɩ toog ne-d tɩ d sak ned sẽn yaa toor ne tõndo. Bõe n tõe n sõng-do? Karm-y Tʋʋm 10:34, 35, tɩ rẽ poor bɩ y leok sogsgã:
A Zeova sakdame tɩ ned buud fãa tõe n yɩ a Kaset soaba. Wãn to la d tõe n dɩk a Zeova togs-n-taare, d sẽn get neb nins sẽn yaa toor ne tõnd to-to wã wɛɛngẽ?
Bõe la nebã wae n maand yãmb babgẽ wã tɩ yaa bu-welsgo, tɩ y rat n zãag y meng ne rẽ?
Karm-y 2 Korẽnt rãmb 6:11-13, tɩ rẽ poor bɩ y leok sokrã:
Yãmb tagsdame tɩ bõe la y tõe n maan n tõog n pẽneg y tẽed-n-taasã fãa n paase, baa b rãmb nins yɛl sẽn yaa toor ne yãmbã?
5. Sakd-y n kõt-y sugri, la y baood laafɩ
A Zeova sakd n kõta tõnd sugri, baa ne a sẽn pa baood tɩ d kõ-a sugrã. Karm-y Yɩɩn-sõamyã 86:5, tɩ rẽ poor bɩ y leok sogsgã:
Hal sẽn ta zĩ-bʋg la a Zeova kõt sugri?
Bõe yĩng tɩ y sũur noom ne a sẽn kõt-d sugrã?
Yel-bʋs n tõe n wa kɩt tɩ yɩ toog tɩ laafɩ kell n zĩnd tõnd ne d taabã sʋka?
Wãn to la d tõe n dɩk a Zeova togs-n-taare, n modg tɩ zems-n-taar kell n zĩnd tõnd ne d tẽed-n-taasã sʋka? Karm-y Yel-bũn 19:11, tɩ rẽ poor bɩ y leok sogsgã:
Ned sã n maan tɩ y sũur yiki, wall a maana bũmb n beeg-yã, bõe la y tõe n maan tɩ yellã ra kenge?
Wakat ninga, d beegda d taabã. D sã n wa beeg neda, bõe la d segd n maane? Ges-y VIDEO wã, tɩ rẽ poor bɩ y leok sokrã.
Video wã pʋgẽ, bõe la saam-bi-poakã maan-yã, n bao laafɩ?
6. Get-y y tẽed-n-taasã zʋg-sõma wã
D sã n baood n bãngd d tẽed-n-taasã n paasdẽ, d bãngda b zʋg-sõma wã la b pãn-komsmã me. Wãn to la d tõe n wilg tɩ d geta b zʋg-sõma wã n yɩɩda? Ges-y VIDEO wã, tɩ rẽ poor bɩ y leok sogsgã.
Bõe n tõe n sõng-y tɩ y yã y tẽed-n-taasã zʋg-sõma wã?
A Zeova geta tõnd zʋg-sõma wã n tɩ yɩɩda. Karm-y Karm-y 2 Kibay 16:9a, tɩ rẽ poor bɩ y leok sokrã:
Y sẽn mi t’a Zeova geta yãmb zʋg-sõma wã n tɩ yɩɩdã maanda yãmb bõe?
Baa bũmb kãdg nugbĩng sẽn maan ne diama, a ket n tara yõodo. Woto me, d tẽed-n-taasã fãa pa zems zãnga, la b tara yõod a Zeova nifẽ
NEB KẼER SẼN YETE: “M sã n kõ-a sugr zĩig pʋgẽ, a pa na n bãng t’a sẽn maanã sãama m sũurã wʋsg ye.”
Bõe yĩng tɩ d segd n dat ne d sũur fãa n kõt d taabã sugri?
KƲMSGO
D sã n wilgd tɩ d nonga d tẽed-n-taasã fãa, la d sakd n kõt-b sugri, d tõe n sõngame tɩ laafɩ la zems-n-taar zĩnd tigingã pʋgẽ.
Lebg-n-gese
Bõe la d tõe n maan tɩ bu-welsg ra zĩnd d sʋka?
Bõe la y tõe n maane, mo-yõsr sã n wa be yãmb ne y tẽed-n-taag sʋka?
Bõe yĩng tɩ y rat n dɩk a Zeova togs-n-taar sugrã kũun wɛɛngẽ?
BŨMB A TAABA
A Zeezi yel-bũnd a ye sẽn tõe n sõng-d to-to, tɩ d ra wa kaood d taabã bʋʋd ye.
D segd n kosa sugri, baa d sã n getẽ tɩ d pa maan bũmb sẽn yaa wẽng bɩ?
“Sugr kosg sõngdame tɩ laafɩ zĩndi” (Yʋʋmd 2002 sɩpaolg kiuug pipi daar Gũusg Gasgã)
Rap a yiib sẽn bãng zems-n-taar hakɩɩk zĩiga. Tẽng ning pʋgẽ b sẽn bɩ wã neb ra kisa buud a taab neba.
A Johny ne a Gideon ra kisa taaba, la b lebga saam-biisi (6:42)
Y sẽn tõe n maan to-to n welg mo-yõse, tɩ ra wa sãam tigingã neb zems-n-taar ye.
“D mao tɩ laafɩ kell n zĩnd d sʋka” (Yʋʋmd 2016 sig-noy kiuug Gũusg Gasgã)
a Vẽnegr a 6 soabã wilgda nonglmã sẽn kɩtd tɩ kiris-nebã gũusd to-to sẽn na yɩl n da wa long b taab bãag ye.
b Vẽnegr a 7 soabã wilgda d sẽn tõe n maan to-to n welg yell leebgã la bʋʋdã wɛɛngẽ.
-
-
D sõng tɩ zems-n-taar kell n zĩnd tigingã pʋgẽVɩɩmd-y wakat sẽn kõn sa!—Biiblã zãmsg sebre
-
-
1. Bõe la d ne Wẽnnaam nin-buiidã sʋka?
Y sã n kẽng tigsg tẽng a to, y tõeeme n pa wʋmd buud-gomd ning b sẽn gomdã ye. Baasgo, y na n mikame tɩ b reeg-y neere, hal tɩ yaa wa y bee yiri. Bõe yĩnga? Bala sẽn yaa zĩig ning la d be, sɛb la bũmb nins d sẽn tar n zãmsd Biiblã fãa yaa a yembre. Sẽn paase, d modgdame n wilgdẽ tɩ d nong taaba. Sẽn yaa zĩig ning fãa la d vɩ, d fãa waoogda a Zeova, la d naag taab n tũud-a “ne yam a yembre.”—Sofoni 3:9.
-