¹⁸ Yel-bũndã pʋgẽ, b loba ‘zĩm-gãmbr . . . ko-kãsengã pʋgẽ.’ Zĩm-gãmbrã lobr makda Rĩungã koɛɛgã moonego, tɩ mogrã makd nebã sẽn be dũniyã zugã. A Zezi yeelame tɩ zĩm-gãmbrã ‘wʋka zĩm buud fãa.’ Woto me, neb buud toor-toor sakd n kelgda Rĩungã koɛɛgã. Sãnda lebgda kiris-neb hakɩka, la neb wʋsg yẽ kelgdame bala.e A paasame tɩ b ‘tũusa sẽn yaa sõma wã n ning yaas pʋsẽ.’ D tõe n maka tigimsã ne yaase. Sɩd me, b tigimda pʋ-peelem dãmbã tigimsã pʋsẽ, tɩ b paamd n waoogd a Zeova tɩ tat a yam. B ‘loba sẽn ka sõma wã.’ Yaoolem dayã sasa, Kiristã ne malɛgsã ‘welgda nin-wẽnsã ne nin-tɩrsã.’f Woto kɩtame tɩ sẽn pa-b sũ-tɩrs rãmbã minim-wẽnsã pa tõe n paam n long tigingã neb ye. Naoor wʋsgo, yaa neb sẽn pa rat n bas ziri tũudmã sẽn da zãms-b bũmb ninsã, wall manesem bɩ yel-maandɩ sẽn pa sõma.g