6. a) Bõe yĩng t’a Zezi bool tedgrã tɩ yãabo? b) Tedgrã ra yaa reng-n-lɛmbg ne bõe?

⁶ Wõnda yel-yɛɛsdg kãngã zĩnda Hermon Tãngã zĩ-zãntg a yembr zugu, zĩig ning a Zezi ne a tʋm-tʋmdb a tãabã sẽn gãand be baraar yʋngã. Vẽenega, yɩɩ yʋng la tedgrã sẽn zĩndã, tɩ rẽ kɩt meng t’a tall pãng n yɩɩda. Bʋʋm a yembr n kɩt t’a Zezi bool-a tɩ “yãabo.” Yaa t’a Moiiz ne a Eli ra kii hal daar zãra, la b sɩd ra ka be ye. Ra yaa Kiristã bal n da sɩd be be. (Matɩe 17:8, 9) Pukr sẽn yɛɛsd a woto kõo a Pɩɛɛre, a Zake, ne a Zã a Zezi belmã sẽn be ziirã a Rĩungã naam pʋgẽ reng-n-lɛmbg sẽn be rasãnde. A Moiiz ne a Eli makda a Zezi rogem-pʋɩɩr-rɩt-n-taasã, la yãabã paasa kasetã a Zezi sẽn kõ a Rĩungã la a beoog-daar naamã wɛɛngẽ wã pãnga.

8. a) Wẽnnaam sẽn togs goam nins a Biriblã wɛɛngẽ wã wilgda bõe vẽenegã? b) Bõe la sawadgã sẽn puk tedgrã pʋgẽ wã ra wilgda?

⁸ Bũmb ning sẽn da tar yõod n yɩɩd yaa Wẽnnaam gom-kãngã: “Yõ wã yaa mam Bi-nongre, mam sẽn nong ne m sũur fãa zãnga. Bɩ y kelg-a!” Gom-kãngã wilgda tõnd vẽeneg t’a Zezi yaa Rĩm Wẽnnaam sẽn kõ naam, tɩ naanegã fãa tog n sak-a. Sawadgã ludb wilgame tɩ yãab kãngã pidsgã ra na n yɩɩ bũmb nif sẽn pa tõe n yã. Ra na n yɩɩ ne võor-wʋmbã nin bala, la neb nins sẽn na n bãng a Zezi Kirist belem nif sẽn pa ne a Rĩungã naam pʋgẽ ‘bãndã,’ ra na n bãng n welge. (Matɩe 24:3, NW ) Sɩda, a Zezi sẽn yeel tɩ b ra togs ned ba a ye yãabã hal t’a wa vʋʋgã wilgdame t’a zẽkrã la a ziirã paoong ra na n waa a vʋʋgrã poore.